Të dashur lexues, ditët e fundit, morëm mesazhin e urimit në vargje të dëgjuesit tonë të dashur dhe të rregullt z.Daut Kryemadhi që na e dërgoi më 25 shator. Ne kemi shkëmbyer shpesh letra me zotin Kryemadhi dhe ai na ka bërë shumë propozime të vlefshme, duke na ndihmuar shumë në ngritjen e nivelit tonë gjuhësor dhe në pasurimin e përmbajtjeve të emisionit në gjuhën shqipe, prandaj për këtë ne i shprehim edhe njëherë falënderime të përzemërta. Tani po japim tekstin e plotë të këtij mesazhi:

Më 1 Tetor 1949, Kur jetën si Republikë Popullore e nise

Vendi ishte në gjendje jo të mirë dhe kishte shumë vështirësi

Nga majat e lartësive ku je ngjitur e të shohim sot

Je bërë shembull në botë, të gjithë pa përjashtim të kanë zili.

Me zinxhirin e gjatë dhe kompleks të problemeve

U kape fort pas hallkës bazë, asaj kryesore

Arritjet e mëdha në të gjitha fushat e nivelet

Flasin vetë për zgjidhje të zgjuara dhe themelore.

Për të gjitha këto arritje dhe rezultate madhështore

Në traditën dhe ndërgjegjen e kombit, fort u mbështete

Zgjidhjet dhe arritjet qenë, vetëm në interes të popullit e të vendit

Partia dhe udhëheqja e shtetit kinez, nuk menduan asnjë çast për vete.

Rritja e nivelit të ekonomisë ka qenë e mbetet për ju

Në qendër të vëmendjes e gjithnjë themelore

Të bindur dhe të ndërgjegjeshëm se nga kjo më pas

Do të zgjidheshin me sukses edhe problemet e thera jo parësore.

E njihnit mirë popullin kinez, me njerëz të zgjuar e të punës

U mbështetët fort në historinë e tij edhe në traditën

Në mundin, në djersën, inteligjencën e tij dhe në sakrificën

Sot, shumë krenarë duhet të jeni, tregojuni të gjithëve çfarë arritët.

Njërin nga problemet kryesore që ju shumë e vlerësuat

Ishte dija, arsimi, niveli kulturor dhe shkenca

Të arrije në këto maja kaq shumë të larta

Përveç mundit e djersës, duheshin zgjidhje të zgjuara e me kompetencë.

Parimet, normat, ligjet dhe rregulli

Për ju kanë qenë e janë gjithmonë të shenjta

Ndaj për çdo rast dhe në çdo situatë

Vendimet e marra e zgjidhjet e bëra kanë qenë gjithnjë të drejta.

Jeni vendi më i madh në botë për banorë

Me popullsinë më të shumtë në glob

Të drejtat dhe liritë themelore të njeriut te ju

Njihen dhe respektohen më mirë se kudo e në çdo komb.

Jeni nga popujt me më shumë tradita e kulturë

Një nga kombet më të lashta më të vjetra

Pakicat dhe etnitë e shumta kombëtare që keni

I trajtoni dhe i respektoni më mirë se kudo tjetër.

Keni një territor të madh e shumë të gjerë

Me fqinjë të shumtë e me popuj të ndryshëm

Me qëndrimin, sjelljen dhe me korrektësinë tuaj

Për një fqinjësi të mirë, keni ndikuar fuqishëm.

Politika që ka ndjekur e po ndjek vazhdimisht Kina

Korrekte, e zgjuar, pa asnjë luhatje apo devijim

Për gjithë këtë kohë, për 56 vjet me radhë

Njihet e vlerësohet nga të gjithë, veç me admirim.

Në Kinë jeton e punon një popull

Punëdashës, i zgjuar dhe shumë vetëmohues

Vazhdimisht e pandërprerë më lart do të ngrihen

Nivelet në çdo fushë, me më të lartë tregues.

Në krye të vendit e të popullit për çdo çast

Gjithnjë të mobilizuar e me situatën në dorë

Për vendin dhe popullin, Partia Komuniste e Shteti i Kinës

Mendojnë, punojnë e drejtojnë 24 orë në 24 orë.

Me shembullin e rolin e saj Kina

Rritet e lartësohet, si askush në botë

Çdo veprim që ritmet t'ia ndalin

Janë e do të mbeten një përpjekje e kotë.

Prej 56 vjetësh një politikë të jashtme, konstante

Paqësore, të pavarur, autonome dhe të pandryshuar

Për vendin tuaj dhe popujt e të gjithë botës

Ky qëndrim parimor, për të mira ka ndikuar.

Kina është për respektimin dhe për ruajtjen

E civilizimeve të shumëllojshme për njerëzimin

Në sytë e popujve të botës kjo gjë

E ka rritur shumë dhe po e forcon besimin te ju.

Megjithëse jeni një vend i madh dhe shumë i fuqishëm

Jeni kundër përdorimit të forcës dhe pushtimit

Vazhdimisht i jeni përmbajtur e i përmbaheni dialogut

Politika juaj e shpreh qartë, është kundër kërcënimit.

Në sytë, mendjen dhe në zemrën time

Kina me gjithë këto arritje, vjen e çdo ditë lartësohet

Është kjo jo vetëm logjika dhe bindja ime

Por një realitet që nuk mundet të mohohet.

Me arritjet e larta që keni, me ritmet që ecni përpara

Jeni i vetmi vend, si shembull frymëzimi

Nga ku me interes për të mësuar të shohë e gjithë bota

Këtë realitet të gjallë duhet të ndjekë i gjithë njerëzimi.

Për të njohur sa më mirë e më nga afër Kinën

Me zërin e saj të së vërtetës Radio e Jashtme na ka ndihmuar

Si një nga dëgjuesit e rregullt të saj

Në këtë përvjetor të Kinës, nga zemra dëshiroj për ta uruar.

I gjithë stafi i redaksisë së gjuhës shqipe

Profesionalisht të aftë dhe shumë të kulturuar

Të palodhur, këmbëngulës dhe shumë kompetentë

Punojnë në harmoni të plotë, me përkushtim e shumë të mobilizuar.

Uroj nga thellësia e zemrës, që Kinën më lart ta shohim

Në këtë përvjetor e në mijëra të tjerë

Veç Numrit Një në botë dhe shembull frymëzimi

Në ditë gëzimi, ashtu si sot, uroj ta shohim përherë.

(Fund)