Vdekjen e tij populli kinez e konsideron si një humbje të madhe për letërsinë kineze. Qarqet e letërsisë e të arteve të Kinës janë në hidhërim të madh.

Ba Jini ishte një legjendë në botën e letërsisë kineze. Ai lindi në një familje funksionari feudal në provincën Sëçuan. Emri i tij ishte Li Yao Tang dhe pseudonimi i tij letrar është Ba Jin. Në vitin 1927 ai shkoi për studime në Francë dhe në vitin 1928 shkroi në Paris novelën e tij të parë: "Vdekja", ku përdori pseudonimin: Ba Jin. Kjo vepër ishte jo vetëm vepra e tij themelvënëse, por edhe një fillesë e përmbajtjeve të krijimtarisë së tij të mëvonshme. Në këtë vepër përshkruhen aktivitetet, karakteri dhe mendimet e intelektualëve të rinj kinezë të asaj kohe, pra ajo ishte e parapëlqyer nga të rinjtë në vitet '40 të shekullit të kaluar. Gjatë 20 vjetëve të mëvonshëm pas botimit të kësaj vepre Ba Jin krijoi dhe përktheu një numër të madh veprash të pëlqyera nga rinia. Qysh nga vitet '50 të shekullit 20-të, Ba Jin kaloi gradualisht nga krijimi i novelave e romaneve në krijimin e prozave, ku u këndohet sukseseve të Kinës dhe dukurive të reja shoqërore. Në vitet '70 gjatë "revolucionit kulturor" Ba Jin u trajtua keq dhe vetëm në vitin 1978 rifilloi të rrokte penën për krijimtari letrare. Specialisti i studimit të letërsisë bashkëkohore kineeze Cu Ming shprehu mendimin se Ba Jini është krenaria e Kinës.

Ndër shumë veprat e Ba Jinit, "Triologjia Rrëmbesa": "Familja", "Pranvera" dhe "Vjeshta" është një vepër kolosale me suksesin më të lartë dhe me ndikimin më të madh. Në procesin e krijimit të kësaj vepre: "Triologjia" Ba Jini harxhoi 10 vjet. Ajo njihet dhe konsiderohet nga publiku si një shënim artistik i çmuar për ndryshimet shoqërore të Kinës në fillim të viteve '20 të shekullit të kaluar, duke zënë një vend të rëndësishëm në historinë e letërsisë botërore.

Ba Jini edhe në pleqëri, përsëri me energji të pashtershme ishte shkrirë në krijimtarinë e tij letrare të preferueshme. Ndër veprat e kësaj kohe ishin "Shënimet", të botuara prej tij gradualisht nga viti 1978, ku u shprehën mendimet e tij lidhur me probleme të ndryshme letrare dhe jetësore. Ba Jini u kishte dhënë zemër lexuesve, duke u kallëzuar pa asnjë ndrojtje fjalët e vërteta të zemrës së tij. Në këto shënime pasqyrohen përgjegjësia e fortë historike dhe virtytet e larta të Ba Jinit, prandaj ai fitoi respektin e madh të lexuesve brenda e jashtë vendit.

Gjatë dhjetëra vjetëve, veprat e Ba Jinit janë përhapur në mbarë botën duke u përkthyer në afro 20 gjuhë të botës, si në gjuhën angleze, ruse, japoneze, franceze, gjermane, suedeze, koreane, esperanto etj.

Ba Jini jeton gjithmonë në zemrën tonë. ( Daming )