Para 40 e ca vjetëve, për t'u dhënë lehtësira të huajve në Kinë në përvetësimin e gjuhës kineze ? hane, në Pekin u formua "Shkolla e lartë përgatitore për studentët e huaj", e cila më vonë u riemërua si " Insitituti i filologjisë i Pekinit" dhe në vitin 1996 si " Univeristeti i filologjisë e kulturës i Pekinit."

Sot kjo shkollë gëzon famë të madhe ndër të huajt, që studiojnë gjuhën hane, sepse në sajë të studimeve të tyre në këtë shkollë, ata kanë përvehtësuar gradualisht gjuhën hane dhe kanë njohur edhe për Kinën. Rektori i Universitetit të filologjisë e kulturës të Pekinit zoti Qy De Lin tha:

" Gjatë mbi 40 vjetëve pas formimit të kësaj shkolle, kemi pranuar më shumë se 60 mijë studentë të mbi 160 vendeve e rajoneve të botës, të cilët pas diplomimit shkojnë në botë, 14 prej tyre janë ngarkuar me funksionin e ambasadorit në Kinë, mbi 30 prej tyre janë tani ministra ose keshilltarë të ambasadave në Kinë. Krahas këtyre edhe shumë prej tyre merren me shkëmbimet midis Kinës dhe vendeve të tyre, ose me punën përkatese të përhapjes së gjuhës hane dhe të kulturës kineze, duke luajtur rolin e pallogaritshëm për lidhjet e Kinës me botën dhe për njohjen e Kinës nga bota."

Tani krahas punës kryesore për mësimdhënien e gjuhës hane, në këtë shkollë janë hapur edhe fakultetet e ekonomisë, të drejtesisë etj, ku zhvillohet edhe arsimi në disiplinë të magjistrit dhe të doktoraturës. Përveç këtyre janë shtuar edhe lëndët mësimore për kurset me kohë të shkurtër të studimit të gjuhës hane, të studimit nëpërmjet internetit etj. Universiteti i filologjisë dhe kulturës i Pekinit ka qenë dhe është shkolla, ku pranohen më shumë studentë të huaj në Kinë, vetëm në vitin 2001 ajo pranoi mbi 6 mijë studentë te huaj.

Kjo shkollë ka përdorur një metodë të veçantë të mësimdhënies së gjuhës hane për studentët e huaj. Pedagogët kanë aplikuar "formën e trajtimit të veçuar të studentëve me gjuhë amëtare të ndryshme dhe me sfondin e ndryshëm kulturor". Në klasë përdoret drejtpërdrejt gjuha hane; gjatë studimit përdoret mënyra e " mësimdhënies së saktë dhe e ushtrimeve të shumta", duke i inkurajuar studentët të flasin e të shkruajnë sa më tepër. Pedagogët e kësaj shkolle i kanë përgjithësuar përvojat e tyre në tekstet serike të mësimdhënies së gjuhës hane për studentët e huaj. Sipas të dhënave jo të plota, mbi 100 lloje tekstesh mësimore të studimit të gjuhës hane, të hartuara nga pedagogët e kësaj shkolle, janë aplikuar gjerësisht nga shkollat e larta si brenda e jashtë vendit.

Gjatë viteve të fundit është bërë gjithnjë e më i nxehtë studimi i gjuhës hane në mbarë botën. Siç tha një drejtuese tjeter e kësaj shkolle zonja Vang Lu Gjian:

"Krahas shtimit të panderprerë të numrit të njerëzve të vendeve të ndryshme që studiojnë gjuhën hane, shkolla jonë dërgon çdo vit dhjetra pedagogë dhe persona kërkimore që të shkojnë në vende të ndryshme për t'u bërë profesorë ose për t'u dhënë leksione të gjuhës hane, ose për të zhvilluar punë akademike e studimore. Deri tani kemi dërguar pedagogë të tillë në mbi 60 vende të botës. Ata i kanë çuar botës forcën tërheqëse të gjuhës hane dhe njëkohësisht edhe kulturën e kombit kinez."

Krahas këtyre shkolla jonë krijon aktivisht edhe kushte për hapjen e organeve të mësimdhënies jashtë vendit. Tani ajo ka hapur organet e mësimdhënies në Republikën e Koresë, Tajlandë, Singapur etj. Vetëm në Republikën e Koresë u pranuan në vitin 2001 mbi 3 mijë studentë të gjuhës hane. ( Daming )