Të dashur lexues, ju përshëndes përsëri në programin tonë muzikor. Në rubrikën "Muzikë Pop" do t'ju paraqes këngëtarin e ri Hua Shaoyi dhe albumin e tij.  dëgjoni

Do të dëgjoni tani një këngë dashurie me titull "Këngë dashurie në gjuhën kineze". Në këtë këngë thuhet "Duke parë mesazhet në celularin tim, më kujtohen fjalët e dashurisë..."

Hua Shaoyi ka lindur në një familje artistësh. Kur ishte i vogël filloi studimin në shkollën e operës. Nga viti 1997 deri në vitin 2000, ai u trajnua në Akademinë e Filmit të Pekinit dhe në ATV-në e Honkong-ut. Gjatë trajnimit ai mori pjesë në xhirimin e disa dramave televizive. Në atë kohë ishte ende një ëndërr për Hua Shaoyin të bëhej këngëtar.

Në vitin 1997 në koncertin e Leslie Chueng-ut, Hua Shaoyi, që ishte një kërcimtar shoqërues, kishte dëshirë të këndonte në qendër të skenës.  dëgjoni

Në këtë këngë thuhet "Admiroj heshtjen e natës, tradhtoj premtimin hipokrit, po pres një mysafir. Panorama është e bukur. Koha kalon shpejt...". Do të dëgjoni tani këngën me titull "Fundi i stinës së shirave". Në fillim të kësaj kënge ka stilet R&B dhe Rep, me të cilat mund të them se Hua Shaoyi është i aftë t'i kontrollojë mirë elementet muzikore.

Pas vitit 1997, Hua Shaoyi filloi të kërkojë punë në Pekin, por hasi shumë vështirësi. Gjatë asaj kohe, ai e siguroi jetesën duke kënduar në baret dhe mesatarisht hyri në një shtëpi të re çdo 3 ose 4 muaj. Por ai nuk hoqi dorë nga mendimi për t'u bërë këngëtar. Në vitin 2002 në një konferencë shtypi Hua Shaoyi njohu drejtorin e kompanisë diskografike "Xing Wen", Liu Siçi. Pas bisedimeve, entuziazmi i Hua Shaoyi-s e mallëngjeu drejtorin Liu Siçi dhe ai e ftoi Hua Shaoyi-në të punojë në kompaninë e tij.

Pastaj Hua Shaoyi u bë drejtori i prodhimit të disqeve. Në fillim të vitit 2005 ai nxori albumin e parë "Hua Shaoyi".  dëgjoni

Do të dëgjoni tani këngën me titull "Heroi i Kopshtit të Dardhave". Kopshti i Dardhave ishte një kopsht i perandorit kinez për të kultivuar fruta. Në dinastinë Tang (nga viti 618 deri në vitin 907) kopshti i dardhave u bë një shkollë për të mësuar këndim dhe vallëzim. Pastaj disa shkolla operistike kineze u emërtuan "Kopshti i dardhave".

Në këtë këngë ka një pjesë të cituar nga opera e provincës Si Chuan, e cila është xhiruar nga dy aktorë të njohur që luajnë operën e provincës Si Chuan. Hua Shaoyi dëshiron që më shumë njerëz t'u kushtojnë rëndësi operave. "Më duket se jam ngarkuar të propagandoj operën."

Kënga "Nuk i duroj dot lotët" është një këngë dashurie me ritëm të ngadaltë. Me zë tërheqës, Hua Shaoyi na tregon një ndjenjë të hidhëruar.  dëgjoni

Në prodhimin e këtij albumi ai ka shtuar elementet muzikore të ndryshme. Me zë romantik dhe shqiptim të qartë, ky album është mirëpritur shumë. Hua Shaoyi u shpreh se për shkak të inkurajimit të adhuruesve, ai do të përpiqet vazhdimisht.

Në fund të programit të sotëm, do të dëgjoni këngën me titull "Shkallë".  dëgjoni Mirudëgjofshim! (U Sen)