Kina ka deklaruar një plan për të zgjidhur problemin e mungesës së ujit të freskët në rajonet bregdetare nëpërmjet shkripëzimit të ujit të detit.

Sipas planit të publikuar nga Komiteti i Zhvillimit dhe i Reformës Shtetërore i Kinës, nga Byroja e Oqeanologjisë dhe Ministria e Financave, uji i shkripëzuar i detit pritet të sigurojë 16 deri në 24 për qind të furnizimit me ujë në rajonet bregdetare në vitin 2010, me një kapacitet ditor të 800,000 deri në një milion metra kub.

Kapaciteti ditor pritet të arrijë 2,5 deri në 3 milionë metra kub në vitin 2020.

Në këtë plan thuhet se Kina do të zhvillojë më shumë programe për shkripëzimin e ujit të detit në vitet e ardhshme për të lehtësuar problemin e mungesës së ujit në rajonet bregdetare.

Sipas këtij plani, uji i shkripëzuar i detit do të vihet në shfrytëzim  edhe për qëllime industriale, sipas këtij plani.

Uji i freskët për frymë i Kinës është sa një e katërta e mesatares botërore dhe Kina është një nga 13 vendet me përqindjen më të ulët të ujit të freskët për frymë në botë.

Nga 600 qytetet e Kinës, 400 hasin problemin e mungesës së ujit. (Vei)