dëgjoni

Specialistët parashikojnë se vetëm me kursimin e ujit, Kina mund të realizojë ekuilibrimin e ofertë-kërkesës për burimet ujore para vitit 2015.

Në librin " Ekonomia e re qarkulluese", të botuar ditët e fundit në Kinë, drejtori i Institutit të Administrimit Ekonomik të Universitetit të Aviacionit të Pekinit, kryetari i Shoqatës së Pekinit për Nxitjen e Ekonomisë Qarkulluese, ish-drejtori i Drejtorisë së Burimeve Ujore të Ministrisë Kineze të Ekonomisë Hidraulike, profesori U Jison parashtroi mendimin e tij për zgjidhjen e problemit të mungesës së ujit në Kinë.

Ai tha se tani në Kinë mungon 40 miliardë metër kub ujë në vit. Pas analizës së prirjes së shfrytëzimit të ujit në vitet e fundit në Kinë, profesori U tha se megjithëse gjatë 7 vjetëve të fundit vlera e prodhimit kombëtar të Kinës është shtuar mesatarisht 8% në vit, sasia e përgjithshme e ujit të shfrytëzuar është pakësuar 0,45% në vit. Popullsia e Kinës është shtuar mesatarisht 0,74% në vit, por sasia mesatare e ujit të shfrytëzuar për frymë është pakësuar 1,18%. Ky është rezultat i rregullimit të strukturës industriale dhe i kursimit të ujit në Kinë.

Profesori U është i mendimit se rruga më e rëndësishme për zgjidhjen e problemit të mungesës së ujit është zbatimi i ekonomisë qarkulluese dhe ndërtimi i shoqërisë së tipit të kursimit. Ai tha se në rast se puna për kursimin e ujit do të forcohet më tej, do të bëhet e mundur që sasia e ujit të shfrytëzuar të mos shtohet, edhe kur vlera e prodhimit kombëtar të dyfishohet në vitin 2010. Pas vitit 2010, ka mundësi që efektiviteti i rregullimit të strukturës ekonomike dhe rezultatet e kursimit të ujit të ulen, por nëpërmjet shtimit të investimeve financiare dhe tekniko-shkencore në punën për kursimin e ujit, do të mund të ngrihet përsëri efektiviteti i shfrytëzimit të ujit, dhe në vitin 2015 do të garantohet stabiliteti i sasisë së përgjithshme të ujit të shfrytëzuar nën kushtin paraprak të garantimit të zhvillimit të ekonomisë kombëtare. Prandaj, " Ne duhet të jemi të vendosur dhe të marrim masa nga ana politike dhe ligjore, për të realizuar objektivin e kursimit të ujit." tha profesori U Jison.

Profesori U vuri në dukje se për kursimin e ujit në bujqësi, duhet të ngrejmë efektivitetin e ujitjes së tokave. Tani koeficienti i shfrytëzimit efikas të ujit për ujitjen e tokave të vendit tonë është 0,43, ndërsa në vendet e zhvilluara ky koeficient është 0,7 deri 0,8. Në rast se ky koeficient në vendin tonë do të ngrihet në 0,6, mund të kursehen 49 miliardë e 400 milionë metër kub ujë në vit. Për kursimin e ujit në industri, duhet të shtohet rishfrytëzimi i ujit dhe të zbatohet teknologjia e kursimit të ujit. Në vitin 2002 përqindja e rishfrytëzimit të ujit në industrinë e vendit tonë ishte vetëm 50%, shumë larg nga niveli i vendeve të zhvilluara që ishte 80%.Në rast se kjo përqindje në vendin tonë do të ngrihet në 60%, mund të kursehen 16 miliardë metër kub ujë.

Krahas kësaj, nëpërmjet shkripëzimit të ujit të detit mund të plotësohen kërkesat në rritje të qyteteve bregdetare për ujë.

Për ndërtimin e shoqërisë së tipit të kursimit duhet të krijohen sistemi i kursimit të ujit, ekonomia e tipit të kursimit, shkenca dhe kultura e kursimit të ujit. Nëpërmjet këtyre masave mund të realizojmë në vitin 2015 ekuilibrimin e ofertë-kërkesës për ujë në vendin tonë. ( Zhang )