Më 12 tetor në mëngjes herët, kur Fei Jinlong dhe Nje Haishen u nisën për fluturimin kozmik, banorët e Qendrës së Lëshimit të Satelitëve Jiucuan kishin dalë për t'i përcjellë.

I gjithë sheshi oshëtiu nga zhurmat e gongeve e daulleve dhe nga brohoritjet dhe duartrokitjet. Masat popullore, duke mbajtur flamuj shumë ngjyrësh, i përcollën kozmonautët dhe u uruan sukses në punë dhe kthim të mbarë. Kozmonautët Fei dhe Nje me zë të lartë shprehën vendosmërinë dhe besimin për sukses.

Në orën 9 u ngrit anija kozmike " Shenxhou Nr 6" me kozmonautët Fei dhe Nje, duke filluar turneun në hapësirën kozmike.

Kur anija kozmike bëri rrotullimin e 5-të, kozmonauti Fei hyri për herë të parë në kabinën e orbitës për eksperimentime shkencore kozmike, gjë që tregon se Kina filloi për herë të parë eksperimentimet shkencore kozmike me kozmonautë.

Kozmonauti Fei tha: Jeta në kozmos është shumë interesante. Kam parë nga hapësira kozmike vatrat tona të bukura dhe kemi marrë shumë pamje me aspekte të jetës sonë në kozmos. Gjatë fluturimit, dëgjuam edhe melodi muzikore dhe lexuam romane.

Gjatë fluturimit, kozmonauti Nje Haishen festoi ditëlindjen e tij 41-të. E bija nëpërmjet sallës së komandimit të fluturimit në Pekin i dërgoi urime më të mira me rastin e ditëlindjes.

Më 17 tetor në mëngjes herët anija kozmike kineze " Shenxhou Nr 6" u kthye me sukses në Rajonin Autonom të Mongolisë së Brendshme të Kinës. Dy kozmonautët dolën në gjendje të mirë nga anija kozmike.

Kryetari i Komitetit të Përhershëm të Asamblesë Kombëtare Popullore të Kinës Ëu Bangguo lexoi mesazhin e Komitetit Qendror të PK të Kinës, të Këshillit të Shtetit dhe të Këshillit Qendror Ushtarak të Kinës. Në mesazh thuhet se fluturimi me sukses i anijes kozmike " Shenxhou Nr 6" tregon se teknologjia kozmike e Kinës ka arritur një fitore të madhe që ka shërbyer si gur themeltar. Kina do të vazhdojë të zhvillojë teknologjinë kozmike dhe të shfrytëzojë aktivisht burimet kozmike për të mirën e njerëzimit.

Në një konferencë shtypi të organizuar, po më 17 tetor nga Zyra e Shtypit e Këshillit të Shtetit të Kinës, shefi i zyrës së Veprës Kozmike me kozmonautë të Kinës, Tan Shian Min bëri të ditur se sipas parashikimit, Kina do ta realizojë në vitin 2007 daljen e kozmonautëve nga kabina e anijes dhe ecjen në kozmos.

Anija kozmike kineze " Shenxhou Nr. 6" u lëshua në orën 9 të 12 tetorit sipas orës së Pekinit. Ky është fluturimi i dytë i anijes kozmike me kozmonautë, pas fluturimit të parë me kozmonautë që u bë para dy vjetëve. Në krahasim me fluturimin e parë me një kozmonaut që zgjati më pak se 24 orë. Ky fluturim i dytë është me dy kozmonautë dhe koha e fluturimit zgjati 5 ditë.

Gjatë fluturimit të dytë të anijes kozmike me dy kozmonautë, u bënë eksperimentime shkencore kozmike si përgatitja e farërave në kozmos dhe janë arritur rezultate të mira. ( zhang )