Në orën 9 të 12 tetorit, sipas orës së Pekinit, kozmonautët kinezë Fi Jinlong dhe Nian Haishen së bashku me anijen kozmike " Shenxhou Nr. 6" u ngritën në hapësirën kozmike, duke filluar turneun e tyre në qiell. Për një kohë këta dy kozmonautë kinezë ngjallën interesin e madh të mediave kineze dhe të huaja.

Dy vjet më parë, Kina lëshoi me sukses anijen kozmike " Shenxhou Nr. 5". Kozmonauti i kësaj anijeje Yan Livei hyri në hapësirën kozmike, duke u bërë kinezi i parë që ka hyrë në këtë hapësirë. Emri i Yan Liveit u shënua në historinë e fluturimit të anijeve kozmike kineze me kozmonautë.

Sot, pas lëshimit me sukses të anijes kozmike " Shenxhou Nr. 6", në listën e kozmonautëve u shtuan edhe dy emra të rinj ? Fi Jinlong dhe Nje Haishen.

40-vjeçari Fi Jinlong dhe 41-vjeçari Nje Haishen kanë lindur në jug të Kinës. Prindërit e tyre janë fshatarë të thjeshtë. Fi Jinlong dhe Nje Haishen kanë qenë pilotë të forcave ajrore të ushtrisë kineze. Kolegu dhe sot drejtuesi i tyre, Yaj Livei tha se nga natyra ata kanë tiparet e veta, por janë kozmonautë të mrekullueshëm.

" Kam njohur më shumë Nje Haishen. Ai është një njeri i qetë dhe është shumë i përmbajtur si nga zotërimi i teknikës, ashtu edhe nga kujdesi për përdorimin e aparaturave. Fi Jinlongu është relativisht i zhdërvjellët. Ata të dy janë të mrekullueshëm.

Yan Livei tha se për të fituar të drejtën për të qenë kozmonautë të anijes kozmike " Shenxhou Nr 6", Fi Jinlong dhe Nje Haishen kanë bërë përpjekje të mëdha. Ata janë zgjedhur ndër të 14 kozmonautët që ka Kina, pas stërvitjeve dhe përzgjedhjeve në të gjitha drejtimet.

Në vitin 1992, Kina filloi përzgjedhjen dhe stërvitjen e kozmonautëve dhe zgjodhi më në fund 14 kozmonautë, si kontingjent i parë. Ata kanë qenë të gjithë pilotë që kanë fluturuar me aeroplanë ushtarakë për mbi një mijë orë, dhe kanë nivelin e arsimit të lartë. Gjatësia e tyre mesatare është l,70 metra dhe pesha trupore afro 65 kilogramë. Yan Livei, Fi Jinlong dhe Nje Haishen janë ndër këta 14 kozmonautë.

Pas kthimit me sukses në tokë të anijes kozmike " Shenxhou Nr 5", filloi menjëherë puna për zgjedhjen e dy kozmonautëve të anijes kozmike "Shenxhou Nr 6". 14 kozmonautët u ndanë në 7 grupe për stërvitje. Sipas rezultateve të stërvitjeve dhe të provimeve u përcaktua renditja e tyre.

Kryekomandanti dhe kryeprojektuesi i sistemit të kozmonautëve të Veprës Kozmike të Kinës, zoti Chen Shanguang tha: Zgjedhja e këtij ekuipazhi u bë sipas parimeve objektive, shkencore, të drejta, të barabarta dhe të arsyeshme dhe sipas rezultateve të stërvitjeve, gjendjes shëndetësore, moralit ideologjik dhe gjendjes psikologjike. Më në fund sipas rezultateve të përgjithshme u zgjodhën më të mirët.

Procesi i përzgjedhjes është gjithashtu një proces i stërvitjes. Sipas kërkesave të fluturimit të anijeve kozmike me kozmonautë, për shumë ditë me radhë, janë bërë studime të reja dhe stërvitje përkatëse psikologjike për çdo grup kozmonautësh. Në objektet e stërvitjeve përfshihen stërvitje të teorisë bazë, stërvitje fizike, stërvitje psikologjike, stërvitje për rezistencën ndaj mjedisit kozmik, si dhe shumë stërvitje të tjera profesioniste. ( zhang )