Presidenti më zgjodhi si kryetar

Z. Proglio është presidenti i Grupit të Mjedisit Veolia të Francës. Thuhet se ai punoi si kryetar i Komitetit të Nderit të "Vitit të Kulturës Franceze" me ftesë të presidentit të Francës Shirak. "Presidenti më zgjodhi si kryetar sepse jemi miq të mirë dhe besojmë te njëri-tjetri. Njëkohësisht jam me karakter të keq dhe mund t'u mbushja mendjen afaristëve francezë të dhuronin para," i shpjegoi Proglio gazetarit duke buzëqeshur.

Proglio "me karakter të keq" nuk e çoi kot shpresën e presidentit Shirak. Në komitetin e nderit morën pjesë mbi 30 ndërmarrje të njohura franceze, si Aerobus, Alston, Karrefour, etj. si dhe mbi 20 ndërmarrje kineze, të cilat dhanë 25 milionë euro, shifër kjo që zuri 65% të buxhetit të aktiviteteve të vitit të kulturave.

"Njohja e Kinës prej frencezëve hyn në një fazë tëe re"

Gazetari e pyeti Proglion se në qoftë se do të ketë tjetër rast për organizimin e Vitit të Kulturës Kineze në Francës, çfarë duan të shohin francezët? Ai u përgjigj se shumë shtresa të kulturës kineze zbulohen vetëm pas ardhjes në Kinë dhe është vështirë të demonstrohen me ekspozitë. Për shkak të punëve, Proglio e viziton shpesh Kinën. Baza e thellë kulturore e Kinës i ka lënë më shumë përshtypje. "E ndjeva këtë bazë në kontaktet e përditshme me kinezët."

Proglio është i mendimit se për vendet perëndimore Kina ka qenë e panjohur për një kohë të gjatë. Por edhe në kohën e sotme, kur vendet perëndimore kanë filluar ta njohin aktivisht Kinën, përfytyrimin e shumë njerëzve Kina duket si një botë imagjinare. Por në fakt Kina e sotme është më e mrekullueshme se përfytyrimi.

Pikërisht për këtë arsye, organizatorët e vitit të kulturave ftuan posaçërisht ata gazetarë francezë që nuk kishin qenë më parë në Kinë. Proglio tha se pas ardhjes në Kinë, gazetarët u shprehën: "Kina e sotme është krejtësisht e ndryshme nga përfytyrimet tona dhe kjo na nxit ta njohim më tej këtë vend plot forcë tërheqëse." Nëpërmjet artikujve dhe fotografive të gazetarëve, edhe më shumë francezë të thjeshtë njohin Kinën reale.

"Viti i kulturave do të ndikojë thellësisht mbi bashkëpunimin kino-francez"

Me rastin e krijimit të Komitetit të Nderit të Vitit të Kulturës Franceze, Proglio u tha afaristëve, "Viti i Kulturës Franceze do të jetë një vit plot zbulime dhe mirëkuptime". Pas një viti, Proglio zbuloi me gëzim se parashikimi i tij doli i vërtetë. "Shumë vendimmarrës të fushës ekonomike franceze panë gjallërinë e spikatur të Kinës në ekonomi, nëpërmjet vitit të kulturës. Tani asnjëri nuk më thotë se ai është i penduar për pjesëmarrjen në Komitetin e Nderit dhe dhurimin e parave." Proglio bëri të ditur se shumë ndërmarrje franceze po rishikojnë strategjinë e tyre të zhvillimit në Kinë për të qenë më aktive.(Wang Lei)