Që nga koha e stërvitjeve në skuadrën kombëtare të të rinjve, Lin Dani dhe Bao Çunlai kanë qenë lojtarët më me perspektivë. Këta dy vërsnikë, janë të rinj të shquar ndër moshatarët e tyre. Që nga koha kur ata u njohën me njëri tjetrin, u vendosën midis tyre një lloj marrëdhëniesh të ndërlikuara dhe delikate, sepse janë miq jashtë fushës së ndeshjeve, kurse bëhen kundësrshtarë në fushën e ndeshjeve. Në rivalitetin gjatë viteve të mëvonshme, Bao Çunlai u tregua më i aftë, por meqenëse nuk ka karakter të fortë, ai e ka të vështirë të përballojë presionin nga jashtë, kështu që, pak nga pak u la të tjerëve mbresën se ai nuk mund të marrë përsispër një detyrë të rëndësishme në çastet kritike. Ndërsa Lin Dani u brumos me vullnet ambicioz dhe me ndjenja të forta vetëbesimi.

Pikërisht në një kohë kur të gjithë kujtonin se Lin Dani me siguri do të dilte kampion në Lojërat Olimpike, ai u mund nga të tjerët. Ashtu doli edhe Bao Çunlai, i cili ëndërronte të fitonte mbi Lin Danin, kundërshtarin e tij të "përhershëm". Përballë disfatës së përbashkët, të dy u hutuan.

Lin Dani, që kishte mbetur i dëshpëruar dhe i bezdisur për shkak të disfatës në Lojërat Olimpike, filloi më vonë përsëri përpjekjet e tij dhe vendosi të arrinte fitore në ndeshje të tjera të rëndësishme dhe, me anë të atyre fitoreve, të gjente përsëri vetëbesimin e tij që dikur e kishte humbur. Ja, Spartakiada e 10-të Kombëtare i dha atij shansin më të mirë. Ai tha para ndeshjeve: "Po të dal kampion në Spartakiadën e 10-të, kjo medalje e artë do të jetë më e rëndësishme për mua në krahasim me çdo medalje tjetër të artë që kam fituar më parë, sepse ajo mund të më sjellë përsëri vetëbesimin." Lin Dani kuptoi se disfata e tij në Lojërat Olimpike vërtetoi se atëherë teknika e tij ende nuk ishte aq e përsosur, megjithëse ai tregoi një "shpirt të hegjemonit" gjatë ndeshjeve. Në lojërat Olimpike, ai ndiente një presion të madh dhe gjendja e ndeshjeve ishte e ndërlikuar, prandaj, po të fitonte në ato ndeshje të ashpra, kjo do të ndihmonte atë të njihte teknikën e vet. Ai tha: "Në Spartakiadën e 9-të Kombëtare, unë ende nuk kisha përsosur teknikën, prandaj nuk fitova në ndeshjen finale. Medalja e artë, që gati të fitonja, më shpëtoi nga dora. Kurse kësaj here, unë i bëra ballë presionit dhe dola kampion. Mua më duket se, kësaj here, unë u kalita me të vërtetë në disa drejtime."

Për Lin Danin, i cili dikur ishte trullosur për shkak të mossuksesit në Lojërat Olimpike, rruga e ardhshme e përparimit duket gjithnjë e më e qartë, ndërsa Bao Çunlai, i cili humbi përsësi lojën në ndeshjen finale në Spartakiadën e 10-të Kombëtare, ra në trullosje akoma më të thellë.

Me të kuptuar se ai vetë kishte patur disa probleme psikike gjatë ndeshjeve, Bao Çunlai e këshilloi veten e tij që të ndryshonte karakterin e vet, të bëhej këmbëngulës dhe të tregohej i vendosur në ndeshje. Prandaj, ky djalë, që tregohej shpesh herë fjalëpakë para Medias, filloi të thoshte fjalë bombastike për të forcuar vendosmërinë e vet, duke marrë shembul nga Lin Dani. Ai u përpoq të fitonte mbi Lin Danin në Spartakiadën e 10-të Kombëtare, duke qenë i mendimit se fitorja mbi këtë kundërshtar të përhershëm ishte më e rëndësishme sesa të fitonte vetë medaljen e artë. Ai e dinte se, për të zënë vendin e parë në ndeshjet botërore, si një lojtar me karakter të butë, ai duhet të ketë forcë të madhe psikike dhe të mposhtë një kundërshtar kryelartë siç është Lin Dani.

Por, është për të ardhur keq se Bao Çunlai dështoi edhe një herë. Loti, që ai derdhi pandërprerë pas ndeshjes finale, vërtetoi dëshpërimin e tij. Ai tha: "Unë prapë u lëkunda, prapë ngurrova, nuk u kapa pas rasteve për të fituar. E di mirë se gjithçka vjen nga mungesa e vetëbisimit." Lidhur me të metat e tij, ai tha: "Do të bëj një bilanc serioz. Do të ndreq të metat e mia." Ai e dinte se këto fjalë ai i përsëriti edhe shumë herë të tjera, por nuk është kollaj të ndreqë të metat.

Duke vlerësuar këta dy nxënësit e tij, trajnieri i përgjithshëm i skuadrës kombëtare kineze të badmintonit, Li Yongbo ka thënë: "Karakteri i një njeriu ndikon shpesh herë mbi shumë gjëra. Lin Dani ka me të vërtetë vetëbesim të fortë. Meqenëse ai është kryelart, disa të tjerë ndiejnë të vështirë të shoqërohen me të dhe nuk duan atë. Por mua më duket se pikërisht është ky temperament i mendjemëdhësisë dhe vetëbesimit mbështin atë në fushat e ndeshjeve. Ndërsa Bao Çunlai është ndryshe: ai shkon shumë mirë me të tjerët, duket i butë dhe i sjellshëm, mendon më shumë për të tjerët. Por ndoshta pikërisht për këtë arsye, ai ngurron shpesh herë gjatë ndeshjeve dhe dyshon aftësinë e vet në momentet kritike të ndeshjeve".

Po të themi më me saktësi, këta dy lojtarë badmintoni, që sapo i kanë kaluar të 20-tat, akoma janë në rritje e sipër dhe po përpiqen me ndërgjegje të kërkojnë rrugën e përparimit që është e përshtatshme për veten. Përvoja e nxjerrë nga Spartakiada e 10-të Kombëtare do të mësojë Lin Danin se, prapa mendjemadhësisë, ai duhet të ketë më shumë pjekuri dhe stabilitet psikik, që të mbështetin atë. Nga ana tjetër, pas Spartakiadës së 10-të Kombëtare, lojtari Bao Çunlai, i cili deshi dikur të merrte shembull nga temperamenti i kryelartësisë i Lin Danit, duhet të kuptojë qartë se disa gjëra në temperamentin e një njeriu kanë lindur nga natyra dhe janë të paimitueshme. Ndoshta Bao Çunlai ka nevojë të mendojë nën një prizëm tjetër dhe të gjëjë një rrugë më të përshtatshme për të, që do të çojë atë drejt suksesit.(Zheng)