"Nga vështrimi teknik, grykëderdhja Lingding Yang është i ndryshëm nga hapësirat që ku kam provuar. Ai ndodhet në derdhjen e Lumit Perla në det, pra vëllimi i ujit është shumë i- madh dhe për mua ishte një sfidë e re."

Në të kaluarën Zhang Jian ka përballuar shumë sfida më serioze. Ndër hapësirat ujore, që ai i ka kaluar përmes me not, përfshihen ngushtica e njohur në botë, ngushtica e La Manshit, Liqeni Qinghai, liqeni i dytë për nga madhësia në botë dhe i pari në Kinë me ujë të kripur brenda kontinentit, lumi më i gjatë nëntokësor i botës në Benxi të Kinës veri-lindore, Liqeni i Qiellit në malin Changbaishan mbi 2 mijë metrash mbi nivelin e detit, etj.

Zhang Jian filloi të merrej me përshkimin e hapësirave ujore me not qysh nga viti 1988, kur ishte 24 vjeç dhe sapo ishte diplomuar nga Universiteti i Edukimit Fizik i Pekinit. Atëherë, ai mori vesh se disa dashamirës të huaj të notit do të kalonin me not përmes ngushticës Qiongzhou, ngushticës së tretë për nga madhësia në Kinë, por një aktivitet i tillë sportiv nuk ishte zhvilluar më parë në Kinë. Për të vepruar përpara të huajve, Zhang Jian dhe miq të tij i ranë përmes me not ngushticës Qiongzhou me gjerësi prej 24,9 kilometrash. Duke kujtuar ngjarjen e atëhershme, Zhang Jian tha:

"Merrem me këtë sport për dy arsye. Nga njëra anë, kam interes për të dhe jam stërvitur për notin e distancës së gjatë qysh nga fëmijëria. Nga ana tjetër, nga viti 1987 filluan të përhapeshin në Kinë disa sporte të reja, si noti në hapësira të hapura ujore, tregarëshi?etj. E ndjeva se këto ndoshta do të jenë tendencat e zhvillimit të sportit në të ardhmen dhe u futa në këto sporte."

Pas ngushticës Qiongzhou, Zhang Jian u ka rënë përmes me not disa hapësirave të tjera ujore, por u njoh nga mbarë Kina për përshkimin e ngushticës Bohai më 2000. Më 10 gusht 2000, pas notimit pa ndërprerje prej 109 kilometrash në det për 50 orë e 20 minuta, Zhangu i ra me sukses përmes ngushticës Bohai, ngushticës së dytë në Kinë, duke shënuar rekord në Kinë. Duke folur për këtë, Zhang Jian ndjeu krenari. Ai tha:

"Kalimi përmes ngushticës Bohai është i paharrueshëm, sepse distanca është shumë e gjatë dhe për këtë u përgatita për një kohë të gjatë dhe në kushte të vështira."

Pas këtij kalimi, Zhang Jian e hodhi vështrimin në Evropën e largët. Ngushtica La Manshit njihet për temperaturën e ulët dhe gjendjen e ndërlikuar të rrymave ujore. Më 29 korrik të vitit 2001, Zhang Jian notoi nga Dover i Anglisë deri në Kalais të Francës për 11 orë e 56 minuta, duke u bërë i pari kinez që e ka përshkuar ngushticën e La Manshit me not.

Zhang Jian merret me përshkimin e përmes hapësirave ujore me not jo vetëm në kërkimin të aventurës. Ai tha se synimi kryesor është përhapja dhe popullarizimi i tregarëshit dhe i notimit në hapësirë të hapur ujore. Zhang Jian shpreson së nëpërmjet jehonës së madhe të veprimeve të tij, të nxitë sa më shumë të rinj kinezë të marrin pjesë në sportet e reja. (Wang Lei)