Pak kohë më parë në Qendrën Ndërkombëtare të ekspoziave të Pekinit u organizua panairi i l2-të ndërkombëtar i librave të Pekinit, ku morën pjesë personalitete të qarqeve të botimeve të 48 vendeve, rajoneve dhe të organizatave ndërkombëtare. Në këtë panair u vendosën gjithësej l099 vitrina për ekspozimin e librave me një shtesë prej l0% në krahasim me vitin e kaluar. Personalitetet përkatëse shprehën mendimin se ky panair pasqyron zhvillimin e botimeve kineze.

Në rubrikën e sotme " Kultura kineze " do të dëgjoni artikullin me titull : "Zhvillimi i botimeve kineze i pasqyruar në panairin e librave".

Fusha e botimeve kineze ishte quajtur gjithmonë si një fushë jo shumë e hapur. Para viteve 80 të shekullit të kaluar, sektorët e botimeve të Kinës konsideroheshin si pjesë e rëndësishme përbërëse të ideologjisë së vendit, redaksitë e gazetave, shtëpi botuese, redaksi të revistave, bile edhe fabrikat e tipografisë ishin pronë e shtetit që zotëronin gjithë tregun e botimeve të vendit. Në vitin l992, Kina publikoi " Ligjin mbi të drejtën e autorit dhe mori pjesë në traktatin ndërkombëtar mbi të drejtën e autorit dhe botimet e Kinës filluan të lidhen me botën. Në fund të vitit 2001, Kina hyri në Organizatën Botërore të Tregtisë dhe filloi të zbatojë premtimet përkatëse dhe, si rrjedhim, u shpejtuan hapat e reformës dhe të hapjes së botimeve të Kinës. Tani 570 shtëpi botuese të Kinës botojnë çdo vit 200 mijë lloj librash, kurse në fillim të viteve '80 të shekullit të kaluar, në Kinë, botoheshin vetëm më se l0 mijë lloj librash në vit. Përveç këtyre, Kina boton çdo vit edhe 2000 lloje gazetash dhe 8000 lloje revistash.

Drejtori i Drejtorisë së Përgjithshme të informacioneve dhe të botimeve të Kinës Shi Zonguan është i mendimit se nga ana e shifrave të sipërpërmendura, Kina është një vend i madh në fushën e botimeve. Por, në fakt, në këtë drejtim ekzistojnë ende shumë probleme. Ai tha:

"Pas zhvillimit dhjetravjeçar, sidomos pas zhvillimit të 20 vjetëve të fundit, Kina ka arritur përparime të mëdha në fushën e botimeve dhe është bërë një vend i madh në botë në këtë drejtim, ku ekziston edhe një potencial i madh zhvillimi. Kina nuk ka forcë të madhe konkurruese në lëminn e botimeve, prandaj qarqet e botimeve duhet të forcojnë shkëmbimet dhe bashkëpunimin me vendet e huaja, për të nxitur zhvillimin e botimeve. "

Funksionarja e lartë e zyrës së informacionit të Këshillit të Shtetit të Kinës zj.Wu Wei tha:.. "Të dhënat tregojnë se sasia e informacioneve të dërguara nga vendet e zhvilluara perendimore në vendet në zhvillim është l00 herë më shumë se ajo e dërguar nga vendet në zhvillim në vendet e zhvilluara. Ky diferencim pasqyrohet edhe në tregtinë e produkteve kulturore. Në tregtinë ndërkombëtare, Kina ka defiçite të mëdha në fushën e produkteve kulturore si të gazetave, revistave dhe të botimeve."

Për të ndryshuar këtë gjendje, në korrik të këtij viti, qeveria kineze nxorri planin e " përhapjes së librave kinezë në vendet e huaja " dhe me anën e ndihmës për përkthyesit, inkurajon biznesmenët e huaj të botojnë libra mbi Kinën.

Në këtë panair u ekspozuan një numër librash që prezantoheshin për shtëpitë e huaja botuese.

Kryetarja e Shoqatës Ndërkombëtare të botuesve Ana Maria Kabanellas tha se krahas hapjes së botimeve të Kinës, bashkëpunimi midis botuesve kinezë dhe të huaj do të zgjerohet më tej. Ajo tha : " Botuesit e vendeve të ndryshme nuk janë të izoluar, ata do të ndajnë përvojën dhe mendimet përkatëse. Unë kam dëshirë të njohë mendimet e botuesve kineze ".

Zonja Ana tha se botimet e librave të Kinës po hyjnë me shpejtësi në sistemin e botimeve botërore. Numri i madh i lexuesve kinezë i ka çelur një perspektivë të ndritur zhvillimi çështjeve të botimeve botërore. ( Zhai)