Ditët e fundit, korrespondenti i Agjencisë Zhongxin i bëri një intervistë Drejtorit të Kompanisë me pronësi të kufizuar ndërkombëtare kulturore Dongguan .

Z. Yang Yifen ka dalë nga profesioni i regjisorit kinematografik dhe ka vetëm 3 vjet që merret me biznesin e botimeve në Taipei. Ditët e fundit, kompania e tij ka bërë një punë që ka tërhequr vemendjen e shumë njerëzve. Kjo punë është botimi i broshurës "Citatet e Mao Ce Dunit ". Kjo broshurë është botuar më se një herë dhe tani ka dalë botimi i katërt i kësaj broshure. Ky sukses e çuditi edhe vetë atë: "Mendoja se do t'i shërbeja popullit', por shitja jashtëzakonsht e madhe e kësaj broshure është e papritur edhe për mua vetë ".

Gjatë intervistës, korrespondenti vuri re se Yang Yifen ishte një njeri me idealin e botimit. Ai tha : "Unë, duke botuar broshurën 'Citatet e Mao Ce Dunit', kisha për qëllim të plotësoja një mungesë nga ana shkencore, sepse "Citatet e Mao Ce Dunit " është një broshurë me vlerë të madhe dhe, duke lënë mënjanë ndikimin e saj politik, mendoja se citatet e mençuria e saj do të ndihmonin shumë për administrimin e ndërmarrjeve. Ai tha se "Ne citatet e tij, kryetari Mao na ka mësuar edhe se si të organizojmë si duhet një mbledhje ".

Yang Yifen tha se shitja e madhe e broshurës " Citatet e Mao Ce Dunit" ka treguar interesimin e lexuesve dhe kërkesat e tregut.

Ai u shpreh se pas botimit të broshurës " Citatet e Mao Ce Dunit ", ai do të botojë edhe shpjegimet dhe orientimet për studimin e kësaj broshure. Përveç këtyre, ai do të botojë edhe disa vepra që pasqyrojnë ekonominë socialiste të tregut. Këto do të ndihmojnë biznesmenët tajvanezë që merren me biznes në pjesën kontinentale të Kinës.

Kompania e Yang Yifenit në ishullin e Tajvanit është vetëm një kompani e vogël dhe si lider i kësaj kompanie, Zinfeni e ka përqendruar punën e tij në botimin e librave të shkruara me përpikëri dhe bukuri nga ana estetike, që u drejtohen kryesisht njerëzve të talentuar.

Ai është një tregtar kulturor, që me administrimin e kompanisë dëshiron të përcjellë si duhet idealin e tij.

Yang Yifen është i mendimit se objektivi i biznesit të botimeve ka të bëjë me ushtrimin e ndikimit mbi të tjerët nëpërmjet librave të botuar në projektin e tij. Prandaj kërkesa themelore për të është përgjigjesia ndaj të tjerëve.( Zhai)