Spartakiada kombëtare është një takim madhështor sportiv i Kinës që tërheq shumë sportistë dhe trajnerë të famshëm. Në pallatin e sportit të garës së kërcimit nga trampolina të spartakiadës së 10-të kombëtare të këtij viti, një plak tërhoqi vëmendje të gjerë. Ai është trajneri i famshëm i kërcimit nga trampolina Liang Boxi që quhet "Ati i kërcimit nga trampolina i Kinës".

70-vjeçari Liang Boxi ishte dikur një nga sportistët e parë të kërcimit nga trampolina të Kinës. Në fillim, Liang Boxi ishte një notar, në vitin 1954, ai filloi të ushtrojë kërcimin nga trampolina dhe pas një viti ai fitoi titullin e kampionit të kërcimit nga trampolina në garën e qytetit të Guangzhout. Për shkak të talentit të lartë, Liang Boxi u pranua nga ekipi i provincës Guangdong. Pas kësaj, Liang Boxi fitoi 6 herë titullin e kampionit të kërcimit nga trampolina të ndeshjeve kombëtare dhe të spartakiadës së parë kombëtare.

Në vitin 1970, Liang Boxi u bë trajner. Në vitin 1981, ai u bë trajneri i parë i përgjithshëm i ekipit kombëtar të kërcimit nga trampolina. Liang Boxi përgatiti shumë sportistë të famshëm në botë të kërcimit nga trampolina si Chen Xiaoxia, Tong Hui, Li Hongping etj. duke e ngritur shumë nivelin e kërcimit nga trampolina të Kinës. Për shkak të kontributit të madh, Liang Boxi njihet si "Ati i kërcimit nga trampolina i Kinës".

Në vitin 1986, familja e Liang Boxit u emigrua në Vankuver të Kanadasë. Në vitin 1987, ai filloi të ushtrojë trajnerin e klubit të kërcimit nga trampolina të Vankuverit. Nën drejtimin e tij, niveli i sportistëve të klubit u ngrit shumë shpejt dhe më se gjysma e sportistëve të këtij klubi u pranuan në ekipin kombëtar kanadez. Pas 3 vjetëve, Liang Boxi u emërua trajner i përgjithshëm i ekipit kombëtar kanadez dhe kështu ai u bë njeriu i parë në botë që ka qenë trajner i përgjithshëm i dy ekipeve kombëtare.

Këtë herë, Liang Boxi u kthye në atdhe për të shikuar ndeshjet e kërcimit nga trampolina të spartakiadës së 10-të kombëtare. Liang Boxi tha i emocionuar: "Kam marrë pjesë në spartakiadën e parë kombëtare, tani është spartakiada e 10-të, koha kalon shumë shpejt. Në atë kohë, kushtet ishin shumë të thjeshta dhe nuk kishte pajisje të përsosura, e mësova kërcimin nga trampolina sipas librave. Kurse tani në Kinë ka trajnerë dhe sportistë nga më të mirët e kërcimit nga trampolina në botë dhe niveli kinez i kërcimit nga trampolina renditet në vendet e para të botës. Sot pashë shumë sportistë të shquar dhe jam shumë i gëzuar."

Megjithëse është i moshuar, Liang Boxi nuk e ka ndaluar akoma punën e trajnerit. Ai e konsideron gjithmonë kërcimin nga trampolina si çështjen e tij, pavarësisht se ku në Kinë apo në Kanada, kjo çështje e ka nxitur të bëjë punë të palodhshme. Ai shpreson se do të përgatisë edhe më shumë sportistë të shquar të kërcimit nga trampolina. (Fani)