china radio international

v Protokolli mbi bashkëpunimin e uebsajtit në gjuhën shqipe të CRI Oline me botën e jashtme	v Tërmeti në Wenchuan

SONDAZH OLIMPIK

ZONA E ANKETAVE

ENCIKLOPEDIA


China Radio International


	Rreth Kinës

	Nga Bota

	Politikë

	Ekonomi

	Kulturë

	Shkencë e Teknikë

	Sport

Tregime dhe Legjenda Kineze

(GMT+08:00) 2005-10-14 20:19:31

Comment

Spartakiada e 10-të Kombëtare e Kinës shërben si provë për Lojërat Olimpike 2008

cri

Spartakiada kombëtare e Kinës që zhvillohet një herë në 4 vjet është një veprimtari komplekse sportive me përmasën më të madhe në Kinë. Më 12 tetor, Spartakiada e 10-të Kombëtare e Republikës Popullore të Kinës u hap zyrtarisht në qytetin Nankin të provincës Zhejiang. Kjo spartakiadë është pasqyrimi i përgjithshëm i nivelit të sportit të Kinës dhe gjithashtu një provë për Lojërat Olimpike 2008 të Pekinit. Punonjësit sportivë të Kinës dhe Komiteti Organizativ i Lojërave Olimpike të Pekinit e shfrytëzuan këtë rast të mirë për të bërë një provë.

Nëndrejtori i Drejtorisë së Përgjithshme Kombëtare të Sportit të Kinës, z. Xiao Tian tha:

"Në këtë spartakiadë, i vendosëm disiplinat sportive dhe garat duke marrë parasysh përgatitjen e sportistëve kinezë për Lojërat Olimpike."

Mësohet se spartakiada e 10-të përfshin 32 disiplinat kryesore sportive olimpike. Në krahasim me spartakiadat e kaluara, këtë herë janë shtuar 1 disiplinë kryesore dhe 12 disiplina degë, të cilat janë vendosur veçanërisht për Lojërat Olimpike 2008.

Në spartakiadën e 10-të mblidhet pjesa dërrmuese e sportistëve të dalluar kinezë. Ajo ka rëndësi shumë të madhe për përgatitjen e lojëtarëve të rinj dhe për ngritjen e nivelit të sportistëve të famshëm.

Një pjesë e punonjësve të Komitetit Organizativ të Lojërave Olimpike të Pekinit arritën para spartakiadës në Nankin dhe morën pjesë si stazhier në punët e Komitetit Organizativ të Spartakiadës. Zv/sekretari i përgjithshëm i Komitetit Organizativ të Spartakiadës së 10-të, z. Wu Jingqi tha:

"Krahas garave, kemi bërë përgatitje të gjithanshme edhe në fushën e shërbimit. I kemi bërë sipas kërkesave të Lojërave Olimpike. Kemi bërë provaë sipas kërkesave të Lojërave Olimpike në transmetimin televiziv, telekomunikacion dhe punët e pritjes."

Z. Wu mori si shembull punët e telekomunikacionit. Ai tha se garat e kësaj spartakiade zhvillohen në 134 pallate sportive në 22 qytete e distrikte të provincës Jiangsu. Sinjalet e transmetimit të të gjitha garave mblidhen në radhë të parë në Qendrën Ndërkombëtare të Transmetimit në Nankin dhe kjo qendër mund t'i japë botës sinjale televizive nëpërmjet satelitëve. Kjo është në përputhje me kërkesën e Lojërave Olimpike për transmetim.

Qendra e Informacionit e Spartakiadës së 10-të Kombëtare ofron shërbime të ndryshme të internetit. Të gjitha pallatet dhe stadiumet sportive janë përfshirë në rrjetin e internetit pa tel, nëpërmjet të cilit gazetarët mund të dërgojnë lirisht artikuj, fotografi dhe audio. Përgjegjësi i çështjeve të informacionit të Komisionit Organizativ të spartakiadës, z. Wang Hui tha:

"Gjatë Lojërave Olimpike 2008, sportistët pjesëmarrës mund të marrin në Pekin me celular informacione të ndryshme shërbyese. Shërbime të tilla janë realizuar në këtë spartakiadë, gjë që krijon lehtësi të madhe për sportistët dhe gazetarët."(Wang Lei)