Zoti Ye Huide, kryetari i Shoqatës së ndërmarrjeve me investime të biznesmenëve taivanas në qytetin Shangai, mori pjesë si një person me identitet të veçantë në forumin popullor të personave të shquar të të dy brigjeve të ngushticës Taivan, që u organizua kohët e fundit në Shangai. Ai mori pjesë njëkohësisht si mysafir dhe si "i zoti i shtëpisë", sepse ai ka një kohë të gjatë që jeton dhe punon në këtë qytet.

Ye Huide tha: " Ç'është e vërteta, qyteti Shangai, që ndodhet në të dy brigjet e lumit Huangpu, ka qenë gjithmonë fokusi i vëmendjes së biznesmenëve të të dy brigjeve të ngushticës së Taivanit. Disa qindra mijë biznesmenë taivanas, që investojnë në Shangai, ndiejnë se këtu është vendi më i dëshirueshëm për invenstime, ku ata nuk kanë aspak shqetësim."

Ye Huide erdhi në pjesën kontinentale të Kinës 14 vjet më parë për të kërkuar shans të investimeve dhe e zgjodhi Shangain për investim. Më parë, atij nuk i shkonte ndër mend që ai mund të lidhej kaq ngushtë me ketë qytet. Me përpjekjet e tij gjatë 14 vjetëve, produktet e ndërmarrjes së tij Longfeng janë bërë produkte ushqimore të ngrirjes së shpejtë të markës së njohur në krahinat e brendshme të Kinës.

Ye Huide tha: "Kur investoj këtu, asgjë nuk më shqetëson. Shangai, si një nga qytetet me ekonomi të zhvilluar shpejt, na ofron më shumë njerëz të talentuar dhe treg më të gjerë. Shangai, që është një qytet me rendiment të lartë të punës, zbaton konkretisht rregulloret ligjore të mbrojtjes së investimeve të biznesmenëve taivanas. Bashkatdhetarët taivanas, që jetojnë në Shangai, ndiejnë shumë afër se këtu ka jetë të larmishme kulturore, njësoj si në Taivan. Gjëja më e rëndësishme është se unë kam shpresë të plotë për zhvillimin e këtij qyteti në të ardhmen."

Pikërisht për ato arsye që tha Ye Huide, gjithnjë e më shumë biznesmenë taivanas investojnë në Shangai. Nga të dhënat statistikore të publikuara nga Zyra e çështjeve me Taivanin pranë Administratës së qytetit Shangai del se deri në qershor të vitit 2005 numri i objekteve me investime të biznesmenëve taivanas arriti në 5628, shuma e investimeve të tyre arriti në 12 miliardë e 900 milionë dollarë amerikanë. Siç tha kryetari i Partisë Qinmin, Song Çuyu që erdhi për të marrë pjesë në forumin popullor të personave të shquar të të dy brigjeve të ngushticës së Taivanit, "këtu është një bazë shumë e rëndësishme mbështetëse për biznesmenët taivanas."

Ndryshe nga investimet në periudhën fillestare, kur biznesmenët taivanas investuan në përmasë të vogël dhe në mënyrë të provës, ata investojnë sot në Shangai në përmasë të madhe dhe për ndërtimin e objekteve të teknikësë së re dhe të lartë dhe me vëllimin e investimeve mbi 10 milionë dollarë amerikanë. Veçanërisht, ata investojnë për ndërtimin e objekteve të prodhimit të paisjeve të telekomunikasioneve me paisje elektronike si përfaqësuese, si rezultat, biznesmenët taivanas zënë sot një pozitë të rëndësishme në hallkën e industrisë elektronike të telekomunikacioneve të Shangait.

Tani, rreth 70% i trusteve të mëdha dhe mbi 80 kompani aksionare të Taivanit kanë investuar në Shangai. Qyteti Shangai, i cili mbështetet në krahinat e brendshme të vendit dhe që pranon kapitale të vendeve të huaja, pranon edhe kapitale të Taivanit dhe u jep biznesmenëve taivanas shpërbleme të konsiderueshme. Cai Yanping nga Taivani, i cili në fillim pati vetëm një karrige të kozmetikës, sot ka në Shangai një sallon të madh të kozmetikës që quhet "mbretëria e bukurisë natyrale". Edhe ndërmarrja Dafeng e kompyeterëve, brenda një kohe të shkurtër, u bë një nga ndërmarrjet me vëllim të lartë të eksportit.

Krahas transferimit të kapitaleve të tyre, gjithnjë e më shumë taivanas kanë transferuar edhe sferën e tyre të jetesës në Shangai. Nga të dhënat statistikore del se sot në Shangai dhe në zonat rreth Shangait jetojnë mbi 500 mijë bashkatdhetarë tanë nga Taivani. Shumë prej tyre kanë blerë shtëpi dhe kanë vendosur familjen në Shngai, duke u bërë banorë të rinj të këtij qyteti.

Sektorët përkatës të Shangait bëjnë të gjitha përpjekjet që të krijojnë një mjedis të mirë për bashkatdhetarët tanë nga Taivani dhe tregojnë dashamirësi për ta. Sot në Shangai, janë përcaktuar spitale të posaçme që u japin taivanasve sa më shumë lehtësira; janë përcaktuar shkolla të posaçme për fëmijët e tyre dhe është formuar një Qendër e trajtimit të ankesave të bisnesmenëve taivanas. Të gjitha këto kanë fuqi tërheqëse për sa më shumë biznesmenë vaivanas që të vijnë për investime duke kaluar ngushticën e detit.

Zoti Ye Huide tha: "Gjithnjë e më shumë biznesmenë taivanas, që kanë ardhur më parë për të investuar në pjesën kontinentale të Kinës, i kanë transferuar kapitalet e tyre në Shangai. Pjesa më e madhe e atyre biznesmenëve taivanas, që vijnë për herë të parë për të investuar, e zgjedhin Shangain si stacionin e parë. Për biznesmenët taivanas, Shangai është jo vetëm një qytet për investime që na bën të qetësuar, por edhe një tokë e ngrohtët plot me shans." (Zheng)