Të dashur lexues. Ju përshëndes përsëri në programin tonë muzikor. Në programin e sotëm do t'ju paraqes disa melodi të huaja të interpretuara nga violinistja e re Zheng Qing. 

Të dashur lexues. Do të dëgjoni tani sonatën me titull "Trilli i djallit" të interpretuar nga Zheng Qing-u. Kjo sonatë është një vepër muzikore simbolike e kompozitorit italian Tartini, e cila është e përbërë nga tre pjesë. Pjesa e parë është me motive italiane. Pjesa e dytë ka ritme të forta dhe është plot me gjallëri. Pjesa e tretë interpretohet me teknikë shumë të lartë.  dëgjoni

Familja e Zheng Qing-ut është një familje muzikantësh. Në moshën 3 vjeçare ajo shfaqi talent muzikor dhe mësoi t'i bjerë violinës nën drejtimin e profesorit Zhang Shixiang që është një arsimtar i njohur kinez.

Në vitin 1987 gjatë studimeve në shkollën e mesme pranë Konservatorit të Shangait, ajo fitoi çmimin e tretë në grupin e të rinjve në konkursin ndërkombëtar të violinës "Menuhin" në Angli dhe çmimin me titull "Bach pa shoqërim me vegla muzikore". Ajo interpretoi me sukses "Sonatën e Mendelssohnit".

Në vitin 1988 ajo fitoi çmimin e dytë në grupin e rinjve në konkursin ndërkombëtar të violinës në Lublin të Polonisë. Në vitin 1989 Zheng Qing-u mbaroi studimet në shkollën e mesme pranë Konservatorit të Shangait dhe vazhdoi studimet në Kanada.

Të dashur lexues, do të dëgjoni tani melodinë me titull "Hyrja dhe kapriço-ja" të kompozuar nga kompozitori francez Saint.Saens. Kjo melodi e njohur përbëhet nga dy pjesë--hyrja dhe kapriço-ja. Hyrja e kësaj melodie ka motive spanjolle.  dëgjoni

Zheng Qing-u ka teknika interpretimi të mira dhe mund të tregojë stile veprash muzikore të ndryshme, sidomos të atyre me ritme të shpejta. Do të dëgjoni tani melodinë me titull "Lëvizja e vazhdueshme" të kompozuar nga kompozitori hungarez Nowaczyk.  dëgjoni

Vitet e fundit, Zheng Qing-u ka zhvilluar në Japoni, në Kanada dhe në krahinat e brendshme disa koncerte solo, të cilat janë mirëpritur nga adhuruesit. Kompania e Radiopërhapjes Kanadeze CBC ka transmetuar live dy koncerte të saj.

Përveç kësaj, ajo ka xhiruar edhe dy albume me muzikë violine. Në fund të programit të sotëm, do të dëgjoni melodinë me titull "Mendohem thellë" të kompozuar nga kompozitori rus Chaikovski. Kjo melodi është e bukur dhe plot me romantizmin e muzikës ruse.  dëgjoni

Të dashur lexues, sapo keni dëgjuar meloditë e huaja të interpretuara nga violinistja e re Zheng Qing. Mirudëgjofshim! (U Sen)