Në rrethanat, kur çmimi i naftës bruto në tregun ndërkombëtar ngrihet vazhdimisht dhe problemi i energjetikës ngacmon "nervat" e gjithë botës, na vijnë herë pas here sihariqe për vënien në shfrytëzim të agregateve të reja të turbinave të hidrocentralit Sanxia dhe për rritjen e kapacitetit të prodhimit të energjisë elektrike në të.

Sipas projektit, në hidrocentralin Sanxia, që ka rëndësi të madhe për sigurimin e energjetikës në Kinë, do të instalohen 26 agregate turbinash me kapacitetin secili 700 mijë kilovatë, domethënë pasi do të vihen në përdorim të 26 agregatet, kapaciteti i instaluar i gjithë hidrocentralit do të arrijë në 18 milionë e 200 mijë kilovatë dhe sasia vjetore e prodhimit të energjisë elektrike do të arrijë në 84 miliardë e 700 milionë kilovat-orë.

Sipas planit, hidrocentrali Sanxia do të inaugurohet në vitin 2009, ndërsa duke filluar nga viti 2003, disa agregate turbinash u vunë në prodhimin e energjisë elektrike. Agregati i parë u vu në shfrytëzim më 10 korrik të vitit 2003. Po në atë vit, 6 agregate u vunë në shfrytëzim dhe prodhuan në gjithë vitin 8 miliardë e 600 milionë kilovat-orë energji elektrike, 41% mbi planin shtetëror. Në vitin 2004, 5 agregate të tjera u vunë në shfrytëzim dhe prodhimi vjetor i energjisë elektrike arriti në 39 miliardë e 100 milionë kilovar-orë. Deri më 15 shtator të vitit 2005, 14 agregate turbinash në hidrocentralin Sanxia u vunë në prodhimin e energjisë elektrike dhe kapaciteti i instaluar arriti në 9 milionë e 800 mijë kilovatë, afërsisht si 3.5 herë e kapacitetit të hidrocentralit Gëzhouba. Kapaciteti i instaluar deri tani i hidrocentralit Sanxia zë vendin e parë në Kinë dhe vendin e 3-të në botë. Me vënien në shfrytëzim para afatit të agregateve të turbinave në hidrocentralin Sanxia, u zbut gjendja e tendosur e furnizimit me energji elektrike në Kinë.

Krahas prodhimit të energjisë elektrike, hidrocentrali Sanxia është angazhuar për shfrytëzimin e vendburimeve ujore të rrjedhës së sipërme të lumit Jance, duke shfrytëzuar të ardhurat nga prodhi i ienergjisë elektrike. Shteti kinez ka autorizuar zyrtarisht Korporatën e përgjithshme të veprës hidraulike Sanxia mbi lumin Jance që të investojë për ndërtimin e 4 hidrocentraleve Udongde, Baihetan, Xiluodu dhe Xiang-jiaba mbi lumin Jinshajiang, që është rrjedha e sispërme e lumit Jance. Kapaciteti i këtyre 4 hidrocentraleve, i marrë së bashku, do të jetë 38 milionë e 500 mijë kilovatë dhe prodhimi vjetor i energjisë elektrikke, i marrë së bashku, do të arrijë në 174 miliardë e 400 milionë kilovat-orë, shifër kjo që do të jetë 2 herë e prodhimit vjetor të energjisë elektrike të hidrocentralit Sanxia. Pas inaugurimit të plotë të hidrocentralit Sanxia dhe të 4 hidrocentraleve të tjera pranë tij, kapaciteti i tyre i instaluar, i marrë së bashku, do të arrijë në 46 milionë 700 mijë kilovatë dhe ato do të prodhojnë në vit 269 miliardë e 100 milionë kilovat-orë energji elektrike, me të cilën do të zbutet rrënjësisht gjendja e tendosur e furnizimit me energji elektrike në Kinë.

Energjia elektrike e hidrocentralit Sanxia do të përçohet kryesisht në krahinat e Kinës Qendrore dhe të Kinës Lindore, konkretisht në provincat Hubei, Hunan, Hënan, Jingxi, Jingsu, Zhejing dhe Anhui dhe qytetin Shangai. Vëllimi i prodhimit në këto krahina përbën mbi 40% të vëllimit të përgjithshëm të prodhimit kombëtar të Kinës. Energjia elektrike në këto krahina prodhohej gjithmonë me qymyrgur si lëndë djegëse, të transportuar nga veriu, sepse sasia e rezervave të qumyrgurit në jug nuk arrin as në 6% të mbarë vendit. Për shkak se nxjerrja dhe transportimi i qymyrgurut ishin bërë një barrë e rëndë, një numër termocentralesh në këto provinca u detyruan të ndërprisnin prodhimin e energjisë elektrike. Prandaj përcjellja e energjisë elektrike të hidrocentralit Sanxia në këto krahina, që janë 800-1000 kilometra larg Snaxias, është një gjë ekonomike dhe racionale për të zbutur gjendjen e tendosur të "transportimit të qymyrgurit të veriut në jug".

Hidrocentrali Sanxia luan një rol të rëndësishëm edhe në rritjen e koeficientit të sigurimit dhe të stabilitetit të furnizimit me energji elektrike në mbarë Kinën. Përveç provincave Liaoning, Kilin, Hejlongjang, Hainan dhe rajonit autonom të Tibetit, shumica e provincave, rajoneve autonome dhe qyteteve të varura direkt nga Qendra janë brenda kuadrit të një rrethi me një rreze prej 1000 kilkometrash. Prandaj, pas inaugurimit të plotë të hidrocentralit Sanxia, do të bashkohen tri rrjetet kryesore elektrike të Kinës, duke realizuar "përçuarjen e energjisë elektrike të perëndimit në lindje" dhe më tej, duke realizuar gradualisht bashkimin e të gjitha rrjeteve elekrtike të mbarë vendit, gjë e cila do të sjellë efektivitet të dukshëm ekonomik.

Pas realizimit të bashkimit të të gjitha rrjeteve elektrike të mbarë vendit, do të realizohet edhe kontrolli unik i blloqeve të hidrocentraleve, duke pakësuar humbjet e sjella nga ndërprerja e funksionimit të disa hidrocentraleve për shkak të mungesës së ujit në stinën e thatë. Ndërkohë, do të realizohen përkrahja reciproke midis krahinave të ndryshme në lëmin e energjisë elektrike dhe plotësimi reciprok midis hidrocentraleve dhe termocentraleve, duke rritur më tej sigurimin dhe kursimin e energjisë elektrike gjatë funksionimit të centraleve elektrike.

Vëllimi i rezervuarit të hidrocentralit Sanxia arrin në 39 miliardë e 300 milionë metra kub ujë, kurse vëllimi tij i rregullueshëm arrin në 16 miliardë e 5 milionë metra kub. Prandaj në këtë hidrocentral mund të rregullohet prodhimi i energjisë elektrike sipas stinave. Hidrocentrali Sanxia, si forca kryesore në rrejtin e bashkuar elektrik të mbarë vendit, do të marrë përsipër detyrat për rregullimin e kulmit të energjisë elektrike, të dendësisë së vëllimit, të energjisë elektrike si rezervë gjatë punimeve për mirëmbajtjene e paisjeve ose në raste të aksidenteve si dhe për përmirësimin e kushteve të funksionimit të termocentraleve, duke ngritur në tërësi elasitetin dhe sigurimin e gjithë rrejtit elektrik.

(Zheng)