Në historinë e Lojërave Olimpike, qyteti amerikan i Los Anxhelosit është një qytet i njohur olimpik sepse atje janë organizuar dy herë Lojërat Olimpike. Dhe këto Lojëra Olimpike të organizuara në Los Anxhelos kishin rëndësi shumë të madhe për Kinën.

Nga 30 korriku deri më 14 gusht të vitit 1932, u orgnaizuan në Los Anxhelos të Amerikës Lojërat e 10-ta Olimpike, në të cilat morën pjesë 1048 sportistë nga 37 vende të botës, ndër të cilët 127 ishin femra. Si në vitin 1904, kur Lojërat Olimpike u organizuan në Saint Luis, numri i sportistëve u ul shumë për shkak të problemit të fondeve. Kina dërgoi një delegacion prej 3 vetash, ndër të cilët vetëm një sportist, Liu Changchun, i cili u skualifikua në raundin e parë të garave të vrapimit të 100 metrave dhe 200 metrave. Kjo është hera e parë që një sportist kinez ka marrë pjesë në Lojërat Olimpike.

Për të zhvilluar normalisht Lojërat Olimpike, komiteti organizator ndërtoi një fshat olimpik, i cili ndodhej 20 km larg qendrës së qytetit. Kjo përbën një risi të vërtetë në historinë e Lojërave Olimpike. Dhe Komiteti Olimpik Ndërkombëtar vendosi në "Kartën Olimpike" kërkesën që vendi organizator të ndërtojë një fshat olimpik. Ndërsa më pas, Komiteti Olimpik Ndërkombëtar bëri një ndryshim, i cili kufizon numrin e sportistëve të delegacioneve të ndryshme olimpike.

Në vitin 1984, u zhvilluan përsëri në Los Anxhelos Lojërat Olimpike. Kjo është hera e parë që Lojërat Olimpike nuk janë organizuar drejtë përdrejtë nga qeveria por nga organizata joqeveritare. Sipas rregullave, gjatë organizimit të Lojërave Olimpike, nuk pati asnjë fond qeveritar prandaj organizatori duhej t'i mblidhte vetë të gjitha fondet. Dhe nën drejtimin e Juberosit, Lojërat Olimpike të vitit 1984 realizuan për herë të parë një suficit. Vlen të përmendet se në Los Anxhelos, delegacioni olimpik i Kinës fitoi medaljen e tij të parë olimpike dhe mori gjithsej 15 medalje të arta, duke filluar shfaqjen e mrekullueshme e Kinës në arenën olimpike ndërkombëtare. Kjo është pika e kthesës e Lojërave Olimpike si dhe pika e kthesës e sportit kinez në botë. (Jiang Lei)