dëgjoni

Rajoni Autonom i Singjian-Ujgurit gjendet në veri-perëndim të Kinës. Ai është rajoni me burimet më të mëdha të naftës dhe të gazit natyror në Kinë. Sot, nga ky rajon nxirret çdo ditë 61 mijë e 700 tonë naftë bruto, duke përbërë 12,87% të sasisë së përgjithshme të naftës së nxjerrë në mbarë vendin. Por para 50 vjetësh prodhimi i naftës në Singjiang ishte vetëm 32 mijë e 900 tonë në vit.

Krahas shtimit të prodhimit të naftës, po shtrohet edhe tubacioni i naftë-sjellësit nga Singjiangu për në qytetin e Lanxhout, kryeqendër e provincës Gansu. Ky tubacion po avancohet 10 kilometra në ditë. Nga 1 janari i këtij viti nëpërmjet tubacionit të gaz-sjellësit që përshkon krahinat e brendshme të vendit, transferohen çdo ditë 12 milionë e 860 mijë metra kub gaz natyror nga Singjiangu për në lindje të vendit, ku mungon energjika dhe 4 milionë e 500 mijë familje e karburant të pastër.

Në Singjiang ka shumë ndërmarrje që janë emërtuar me emrat e ditëve jubilare të Partisë Komuniste të Kinës ose të Ushtrisë Popullore Çlirimtare Kineze, si fabrika e tekstileve " një korriku" ( dita e themelimit të Partisë Komuniste të Kinës ), Kombinati Metalurgjik " l gushti" ( dita e krijimit të ushtrisë popullore kineze), etj. Kjo tregon se para çlirimit të Singjiangut, në këtë rajon me territor të gjerë në perëndim të Kinës nuk kishte ndërmarrje industriale dhe nuk prodhoheshin produktet industriale. Kurse sot, prodhimi ditor i produkteve industriale të Singjiangut e ka kaluar prodhimin vjetor në vitet e para pas krijimit të rajonit autonom.

Sot, Singjiangu prodhon 6825 tonë çelik në ditë, por para 50 vjetësh prodhimi vjetor i çelikut në Singjiang ishte vetëm 7700 tonë. Sot, Singjiangu prodhon 72 milionë e 960 mijë kilovat-orë energji elektrike në ditë, por para 50 vjetësh prodhimi vjetor i energjisë elektrike ishte vetëm 55 milionë kilovat-orë. Sot Singjiangu prodhon 33 mijë tonë çimento në ditë, dy herë më shumë se prodhimi i vitit 1955.

Po të hapet harta e botës, mund të shihet se nga pjesa kontinentale e Kinës për në Azinë qendrore rruga më e shkurtër është ajo që kalon nëpër rajonin e Singjiangut. Prandaj në të katër stinët transporti në Singjiang është shumë intensiv. Mesatarisht transportohen 816 mijë e l00 udhëtarë dhe një milion e 65 mijë e 400 tonë mallra në ditë.

Vëllimi ditor i import-eksportit të tregtisë së jashtme të Singjiangut ka arritur në 15 milionë dollarë dhe vëllimi i shitjes me pakicë të mallrave të konsumit 154 milionë juanë në ditë.

Sot, përurohen mesatarisht 14 mijë metra katrorë banesa të reja në ditë.

Sipërfaqja e Singjiangut është një milion e 660 mijë kilometra katrorë, por pjesa më e madhe janë zona malore ose shkretëtira, ka vetëm 70 mijë kilometra katrorë zonë fushore. Singjiangu ka 19 milionë e 630 mijë banorë.

Hapat e Singjiangut për të ecur përpara nuk janë të lehtë. Vlera e prodhimit kombëtar të Singjiangut përbën vetëm l.61% të prodhimit kombëtar të të gjithë vendit. Në Singjiang ka ende 2 milionë e 240 mijë fshatarë dhe blegtorë që nuk e kanë kaluar pragun e varfërisë. ( zhang )