Nëpërmjet mjekimit nga mjekët kinezë, shumë pacientë kamerunas janë shëruar. Një herë, një grua me emrin Klet shkoi posaçërisht në spitalin Mubarmajo ku punojnë mjekë kinezë për mjekim. Në mitrën e saj qe rritur një tumor shumë i madh, ajo vizitoi shumë spitale por asnjëri nuk kishte mundur ta heqë këtë tumor. Pasi mori vesh se mjekët kinezë kanë nivel të lartë mjekësor, ajo shkoi menjëherë në spitalin Mubarmajo. Pas inspektimit, mjekët kinezë vendosën të bëjnë një operacion për heqjen e këtij tumori. Por tumori kishte një peshë prej 13 kilogramësh çka zë 1/4 e peshës trupore të pacientes dhe e vështirësonte shumë operacionin. Mjekët kinezë të repartit të gjinekologjisë, të kirurgjisë, të ortopedisë dhe anestezisë duke bashkëpunuar ngushtë, kapërcyen shumë vështirësi dhe nëpërmjet përpjekjeve që zgjatën 6 orë, e hoqën këtë tumor të madh.

Një herë tjetër, mjekët kinezë hoqën me sukses cistin e madh të vezores së një gruaje me emrin Ayisala. Para largimit nga spitali, Ayisala tha se mjekët kinezë i dhanë asaj jetën e re. Një herë, për të shpëtuar një pacient me sëmundje të rëndë, 3 mjekë kinezë dhuruan vullnetarisht 300 ml gjak për njeri dhe këto 900 ml gjak e shpëtuan pacientin nga vdekja.

Kameruni është një nga vendet ku është përhapur seriozisht Sida, përqindja e pacientëve të prekur nga Sida në mbarë vendin ka arritur në 4.5%. Pa marrë parasysh rrezikun e pjekjes nga Sida, mjekët kinezë nuk heqin dorë nga mjekimi i pacientëve të Sidës dhe përkujdesen shumë për ta. Disa pacientë të Sidës janë shprehur se shumë njerëz rrinë larg prej tyre dhe vetëm mjekët kinezë u kanë sjellë atyre ngrohtësi dhe përkujdesje.

Për shkak se mjekimi tradicional kinez ka efekt të mrekullueshëm, shumë pacientë të Kamerunit vizitohen te mjekët kinezë. Deri tani, në anën e mjekimit të sterilitetit, nëpërmjet mënyrës tradicionale mjekësore kineze, janë shëruar më se 200 gra kamerunase. Për të falenderuar mjekë kinezë, shumë nëna i quajnë fëmijët me emrat e mjekëve kinezë.

Spitali Gjid ku punojnë mjekët kinezë është 1000 kilometra larg me kryeqytetin Yaundë, pajisjet e spitalit janë shumë të thjeshta. Edhe kushtet jetësore atje janë shumë të vështira. Temperatura ka arritur në 46 gradë celcius, ushqime janë vetëm patatja dhe qepët, ndërkohë pickimi nga mushkonjat është një gjë e zakonshme. Megjithatë, nuk ka asnjë mjek kinez që të largohet para kohe për shkak të kushteve të keqia jetësore.

Aftësia e lartë mjekësore dhe morali i lartë profesional i mjekëve kinezë janë përhapur në mbarë Kamerunin. Media vendore ka vlerësuar se mjekët kinezë kanë shkruar një faqe të re të miqësisë tradicionale midis dy popujve të Kinës dhe Kamerunit. (Fani)