dëgjoni

Kohët e fundit Kina publikoi "Raportin e talenteve kineze në vitin 2005". Në raport vihet në dukje se vitet e fundit çështja e talenteve kineze ka marrë një zhvillim të madh dhe sasia e cilësia e tyre është ngritur vazhdimisht e në mënyrë të qëndrueshme. Në raport vihet në dukje gjithashtu se në Kinë ka ende mungesë talentesh. Specialistët propozojnë se qeveria kineze duhet të forcojë më tej përgatitjen e talenteve dhe me burimet e talenteve në treg si bazë, të nxitet zhvillimi i koordinuar i çështjes së talenteve dhe i shoqërisë ekonomike.

"Raporti i talenteve kineze në vitin 2005" u publikua nga Instituti Kërkimor-shkencor i Kuadrove i Kinës. Në raport u bënë shtjellime të gjithanshme për gjendjen e përgjithshme, politikat, prirjen e zhvillimit dhe objektivin strategjik të talenteve speciale, të cilat janë pjesë thelbësore e burimeve të talenteve. Në raport përcaktohet nocioni i talenteve, që janë me shkollim që nga gjimnazi e më lart, ose me tituj teknikë profesionalë të kategorisë fillestare e më lart.

Zoti Li Jianzhong, shefi i katedrës së politikave të këtij Instituti, është hartuesi i përgjithshëm i këtij raporti. Ai vuri në dukje se vitet e fundit qeveria kineze ka forcuar përgatitjen e talenteve dhe si rezultat çështja e talenteve të Kinës ka marrë një zhvillim të vrullshëm e në sasinë dhe strukturën e talenteve kanë ndodhur ndryshime rrënjësore. Ai tha:

"Pas zbatimit të reformës e hapjes në Kinë, sidomos qysh nga vitet '90 të shekullit të 20-të, çështja e talenteve kineze ka marrë një zhvillim shumë të madh. Sasia e përgjithshme e talenteve në Kinë është shtuar në mënyrë të vazhdueshme e të qëndrueshme, nga viti 1978 e deri në vitin 2003 ritmi i shtimit të talenteve arriti në 7,34%; edhe cilësia e tyre është ngritur gradualisht; përveç këtyre edhe përgatitja e tyre ka marrë një zhvillim shumë të madh, sidomos përgatitja e talenteve speciale të kategorisë së lartë ka pasur një hop zhvillimi."

Nga të dhënat statistikore del se numri i përgjithshëm i talenteve në Kinë i kaloi të 80 milionët, që në postet e tyre të punës me punën krijuese kanë dhënë kontribut të rëndësishëm për zhvillimin ekonomik dhe progresin shoqëror të Kinës.

Mirëpo specialistët vunë në dukje se krahas ngritjes së mëtejshme të aftësisë së ofrimit të talenteve, mungojnë ende talentet në shumë fusha të Kinë, veçanërisht ata të nivelit të lartë. Ndër 29 sistemet teknike profesionale të Kinës, ata që kanë tituj shkencorë të kategorisë së lartë, përbëjnë vetëm mbi 5% të numrit të përgjithshëm të talenteve teknike profesionale. Kështu në krahasim me vendet e zhvilluara të botës, në Kinë ekziston problemi i mungesës relative të forcës konkurruese të talenteve.

Sipas parashikimeve të specialistëve, deri në vitin 2010 kërkesa e përgjithshme e Kinës për talentet e kërkimeve dhe të ndërtimit, si shkencëtarë e inxhinierë etj, do të arrijë në mbi 4 milionë njerëz, ndërkohë mungesa e këtyre talenteve do të arrijë në 800 mijë deri në një milion.

Për këto probleme, specialistët paraqitën një sërë propozimesh për zhvillimin e talenteve kineze në të ardhmen.

Ata janë të mendimit se qeveria kineze duhet të forcojë më tej ndërtimin e aftësisë së burimeve të talenteve dhe të forcojë potencialin e përgjithshëm të armatës së tyre.( Daming )