dëgjoni

Jam Huailu, korrespondentja e Radios së Jashtme të Kinës. Muajin e kaluar, pata rastin të shkoja në Tiranë duke shoqëruar si përkthyese një grup realizues televiziv të Televizionit Qendror për të intervistuar kineastë të disa filmave të vjetër shqiptarë për rubrikën "Magjia e filmave artistike".

Me të arritur në Tiranë, vura re se aeroporti "Nënë Tereza " është bërë më i pastër dhe më i rregullt në krahasim me vitin 2002, kur isha për vizitë me grupin e Radios së Jashtme të Kinës në disa vende të Evropës Lindore.

Në Tiranë u prita ngrohtësisht nga regjizorë, skenaristë dhe aktorë veteranë shqiptarë si dhe nga dëgjuesi i rregullt i emisioneve të Radios së Jashtme të Kinës në gjuhën shqipe Vasil Naç.

Si vendas, z. Vasil Naç më shoqëroi në shëtitjen e gjithë gjitha pikave të bukura të Tiranës, si në bulevardet me ndërtesa të reja, si Hotelin Sheraton, Hotelin Evropapark , Restorantin "Tajvan" etj, ashtu edhe në liqenin artificial me panoramë të bukur, ku kam shëtitur kush e di sa herë në kohën e rinisë kur isha studente e fakultetit histori-filologji të Universitetit të Tiranës.

Ai më shoqëroi edhe në dyqanet e tregtarëve kinezë, ku korrespondentja Huailu pati një bisedë të ngrohtë me këta tregtarë kinezë që kanë ardhur për një kohë të gjatë në Shqipëri dhe që kanë përvehtësuar shumë mirë gjuhën shqipe. Dëgjues të dashur, në emisionin e ardhshëm, do t'ju njohim me këtë takim me tregtarët kinezë në Shqipëri.

Pas shëtitjes në gjithë pikat e bukura të Tiranës, unë u ftova edhe si mysafire në shtëpinë e z. Vasil Naç dhe e zonja e shtëpisë Kristina përgatiti një darkë të pasur për nderin tim dhe ne kaluam shumë të kënaqur një pasdite dhe një darkë të bukur.

Pastaj z. Vasil Naç më dha një intervistë për emisionet e Radios së Jashtme të Kinës në gjuhën shqipe. Ai tha : është një kënaqësi për mua që sot në familjen time ka ardhur për vizitë gazetarja e Radios së Jashtme të Kinës zonja Huailu. Huailuja është një nga gazetarët më të vjetra të kësaj redaksie që ka dhënë një kontribut jashtëzakonisht të madh për ndërtimin e emisioneve të saj në gjuhën shqipe, gjithëmonë zëri i saj kumbues është dëgjuar me mjaft përzemërsi nga dëgjuesit shqiptarë. Ajo gjithmonë ka kontribuar në forcimin e miqësisë midis dy popujve dhe vendeve tona. Emisionet e Radios së Jashtme të Kinës në gjuhën shqipe që transmetohen me vale të mesme me frekuencë 1215 kiloherc qysh në fillim u dëgjuan shumë mirë. I madh dhe i vogël në Shqipëri i kanë drejtuar sytë nga kjo radio, ku mësojnë nga afër rezultatet e mëdha që ka arritur Kina në të gjitha fushat e jetës, sidomos në zhvillimet e saj ekonomike të viteve të fundit. Idetë e Ten Siaopinit dhe hapja e Kinës ndaj botës e ka bërë Kinën një fuqi të madhe ekonomike. Sytë e mendja e botës janë drejtuar nga Pekini.

Duke folur për emisionet e Radios së Jashtme të Kinës në gjuhën shqipe, z. Vasil Naçi tha : "Emisionet tuaja janë largpamëse dhe nuk ka kë të përmendesh më përpara, si rubrikat "Kina në ndërtim", "Kultura kineze", "Jeta shoqërore", "Rinia kineze", "Pakicat kombëtare të Kinës " etj, ato janë bërë të dashura për dëgjuesit shqiptarë. Redaksisë tuaj i del akoma një punë të madhe. Radio Juaj në Shqipëri është në konkurencë me tri radio të tjera, që transmetojnë në gjuhën shqipe. Gazetarët e vjetër kanë dhënë një ndimesë jashtëzakonisht të madhe. Shefja e redaksisë që mbahet si timonierja e kësaj redaksie, për fat të keq do të dalë në pension. Edhe Pina, Çani dhe Huailui gjithmonë të pranishëm me zërin e tyre tek dëgjuesit shqiptarë. Kudo që shkon në Shqipëri, Radioja juaj është bërë prezente.

Ai tha se në këtë verë, djali im ka shkuar në plazhin e qytetit të Durrës, ku pushuesit duke pushuar dëgjojnë këtë radio. Z. Vasil Naçi pasi inkurajoi përparimet e arritura nga disa anëtarë të rinj të redaksisë së gjuhës shqipe, paraqiti edhe shpresën e tij për ta.

Ai tha : "Të rinjtë Usen dhe Vera kanë ecur mjaft mirë, ato po flasin shumë mirë dhe paraqiten mjaft komunikues me dëgjuesit. Gjithmonë me ndihmesën e më të vjetërve të redaksisë, me kalimin e kohës ata do të zëvëndësojnë të vjetrit. Ngelet akoma shumë detyrë që krahas zotërimit të kompjuterit nga të rinjtë, ata duhet të përvethtësojnë edhe anën teknike në të folur.

Prandaj, ndihmesat e Daminit, Pinës, Çanit dhe Huailusë do të jenë një kontribut i jashtëzakonshëm që në punën nga afër me këta të rinj. Dëgjuesit shqiptarë presin që me anën e kësaj radio të informohen se ç'ngjet në RP të Kinës, ç' qendrime mban ajo në arenën ndërkombëtare dhe ç'zhvillimesh ekonomike që janë më të mëdha në Kinë. Të gjitha këto duhet të mësohen nëpërmjet radios tuaj.(Zhai)