Gjatë diskutimeve rreth raportit mbi veprimtarinë e qeverisë, të mbajtur, pak kohë më parë në sesionin e tretë të Asamblesë Kombëtare Popullore të Kinës, të legjislaturës së 10-të, anëtari i komitetit kombëtar të Konferencës Konsultative Politike të Popullit Kinez, Van Shidai tha se nga anga perspektive cilësia e arsimit themelor në rajonet e pakicave kombëtare ka të bëjë drejtpërsëdrejti me zhvillimit social-ekonomik të këtyre rajoneve dhe me zhvillimin e krahinave perëndimore të vendit tonë.

Deputeti i Asamblesë Kombëtare Popullore nga Mongolia e Brendshme, Çiao Shiuvej tha se në disa shkolla nacionale të rajoneve të largta ekzistojnë probleme të mungesës së infrastrukturës dhe të fondeve të mësimdhënies, veçanërisht kushtet e jetës dhe paga e mësuesve të këtyre shkollave nuk janë të mira.

Megjithëse shteti ka shtuar pandërprerë investime në arsimin në rajonet e pakicave kombëtare, mungesa e pedagogëve ka qenë dhe është një faktor kryesor në frenimin e ngritjes së nivelit arsimor të rajoneve të pakicave kombëtare. Deputeti Lon Yaohong, drejtori i Institutit të Kulturës të provincës Guixhout, tha se megjithë përmirësimin e instalimeve në shkollat e rajoneve të pakicave kombëtare gjatë viteve të fundit, nuk ka ndryshuar nga themeli gjendja e prapambetur e arsimit të këtyre rajoneve, dhe nuk është zgjidhur problemi i mungesës së pedagogëve në fshat, veçanërisht në rajonet e pakicave kombëtare.

Deputeti Lon Yaohong tha se çdo vit në mbarë vendin diplomohen miliona studentë , por shumë pak prej tyre hyjnë në auditorët e shkollave fillore të fshatit. Në provincën Guixhou shumica e mësuesve të shkollave fillore janë nga fshatrat e vet. Megjithëse këta mësues punojnë me zell, niveli i tyre arsimor është i kufizuar dhe është vështirë të ngrejnë cilësinë e mësimdhënies.

Anëtari i komitetit kombëtar të Konferencës Konsultative Politike të Popullit Kinez, Shi Yui tha se tani ka fëmijë të pakicave kombëtare të rajoneve kufitare që mësojnë në kurset nacionale të ngritura në krahinat e brendshme të vendit. Por kjo nuk është e mjaftueshme. Duhet të inkurajohet hapja e shkollave ose kurseve nacionale në të gjitha distriktet e krahinave të brendshme, në mënyrë që më shumë fëmijë të pakicave kombëtare të mësojnë në krahinat e brendshme. Krahas kësaj, duhet të shtohet përkrahja në ndihmë të arsimit të rajonave të pakicave kombëtare.të zgjedhen më shumë pedagogë të kualifikuar të rajoneve lindore në ndihmë të rajoneve të pakicave kombëtare.

Deputeti Lon Yaohong propozoi, gjithashtu, se qeveria duhet të hartojë edhe politikën e inkurajimit të të diplomuarëve dhe të vullnetarëve për të punuar në sektorët arsimorë të rajoneve të pakicave kombëtare dhe të dërgojë më shumë pedagogë të rajoneve të pakicave kombëtare për kualifikim në krahinat e brendshme të vendit.

Sipas njoftimeve të tjera, gjatë pjesëmarrjes në sesionin e tretë të Asamblesë Kombëtare Popullore të Kinës të legjislaturës së 10-të, anëtari i komitetit të përhershëm të Asamblesë Kombëtare Popullore të Kinës dhe presidenti i Kompanisë Jinlilang të Hong Kongut, Xhën Shian Zhi u dhuroi shkollave të mesme dhe shkollave fillore të fshatrave të qytetit të Çunçinit 5 milionë juanë.

Çunçini është qyteti i varur direkt nga qendra me territor më të gjerë në vendin tonë. Por zhvillimi social-ekonomik në fshatin e tij është i ngadalshëm, veçanërisht arsimi në zonën malore të Çunçinit është mjaf i prapambetur. Për të përmirësuar kushtet e shkollimit për fëmijët e fshatit dhe për të nxitur zhvillimin e arsimit në fshat, qyteti i Çunçinit vendosi që brenda këtij viti të riparohen godinat e shkollave të mesme dhe të shkollave fillore, të ndërtohen disa shkolla me konvikte për nxënësit që kanë shtëpi larg dhe të zhvillohen edhe arsimi modern fillor dhe i mesëm në distancë. Për këto, zoti Xhen Shian Zhi vendosi t'i japë Çunçinit 5 milionë juanë në ndihmë të përmirësimit të mjedisit të shkollave të fshatit. Para kësaj, zoti Xhen Shian Zhi ka dhënë me radhë gjithësej 580 milionë juanë në ndihmë të zhvillimit të arsimit të krahinave të brendshme të vendit tonë. ( zhang )