dëgjoni

Ditët e fundit, hyri në treg " Njohuria mbi ekonominë qarkulluese" që është libri i parë për funksionarët vendorë të Kinës. Një funksionar i Drejtorisë Shtetërore të Mbrojtjes së Mjedisit të Kinës u shpreh se ky libër është një masë tjetër e re që ka marrë Kina për funksionarët vendorë për forcimin e njohjes së ekonomisë qarkulluese. Vitet e fundit, për zhvillimin e vazhdueshëm ekonomik e shoqëror, Kina filloi të nxitë zhvillimin e ekonomisë qarkulluese në krahinat e ndryshme kineze dhe ka marrë shuma masa si hapjen e kurseve etj për të shtuar mendimin e funksionarëve për ekonominë qarkulluese.

Ekonomia qarkulluese është një mënyrë e zhvillimit ekonomik që shfrytëzon në maksimum burimet natyrore dhe mbron po ashtu në maksimum mjedisin. Kjo mënyrë e zhvillimit ekonomik mund të paksojë në maksimum harxhimin e burimeve natyrore dhe lëshimin e plehrave nëpërmjet transformimit teknik të industrive tradicionale. Që nga fundi i shekullit të 20-të, Kina filloi të zhvillojë ekonominë qarkulluese në disa pika eksperimentale për të zbutur presionin e burimeve natyrore dhe të mjedisit në zhvillimin ekonomik të Kinës.

Nëndrejtori i Drejtorisë së Politikave dhe të Rregulloreve të Drejtorisë së Përgjithshme Shtetërore të Mbrojtjes së Mjedisit të Kinës zoti Su Cin tha se për arsye se ekonomia qarkulluese është një gjë e re, shumë funksionarë vendorë kinezë nuk kanë si duhet njohuri për këtë ekonomi qarkulluese. Për ti ndihuar ata të njohin më mirë ekonominë qarkulluese dhe për të zhvilluar me forca të shumta ekonominë qarkulluese, Drejtoria e Përgjithshme Shtetërore e Mbrojtjes së Mjedisit e Kinës ka redaktuar dhe ka nxjerrë në treg këtë libër . Ndër të tjera ai tha :

Tani, Kina po e nxit me forcë të madhe ekonominë qarkulluese si një gjë të re. Nër radhë të parë liderët duhet të njohin mirë këtë ekonomi qarkulluese. Nëpërmjet këtij libri, do të shtohet njohja për rëndësinë e ekonomisë qarkulluese.

Mësohet se zhvillimi i ekonomisë qarkulluese është ende në fazën fillestare në Kinë. Për zhvillimin e ekonomisë qarkulluese, duhet të zgjidhen shumë probleme gjatë praktikës së ardhshme.

Vitet e fundit, Kina ka organizuar shumë herë kurse mbi ekonominë qarkulluese për funksionarët vendorë. Zoti Su Cin tha :

Organizimi i kurseve mbi ekonominë qarkulluese është një metodë shumë e rëndësishme për ndryshimin e mendimit të funksionarëve vendorë kinezë në zhvillimin ekonomik.

Ai tha gjithashtu se në të ardhmen, Kina do të organizojë në data të përcaktuara kurse për kualifikimin e funksionarëve vendorë mbi ekonominë qarkulluese. Në të njëjtën kohë, Kina do të forcojë propagandën mbi ekonominë qarkulluese, në mënyrë që të nxitet mendimi i të gjithë shoqërisë mbi preokupimin për burimet natyrore, në mënyrë që të bëhen aktivitetet si kursimi i burimeve natyrore, riciklikimi i plehrave etj të bëhen si veprime të ndërgjegjeshme të të gjithë shtetasve dhe të krijohet me përpjekje një atmosferë e mirë shoqërore për zhvillimin e ekonomisë qarkulluese. (Du)