Agjencia kineze e lajmeve Hsinhua njoftoi se Opera e Pekinit si një operë me histori të lashtë dhe që mishëron thelbin e kulturës tradicionale të Kinës pas zhvillimit të vazhdueshëm nga brez pas brezi, është bërë një operë përfaqësuese e Kinës. Ditët e fundit specialistët përkatës organizuan në Pekin një simpozium për të diskutuar krijimin e degës shkencore të Operës së Pekinit.

Korrespondenti mësoi nga simpoziumi "Diskutime për historinë, aktualitetin dhe të ardhmen e Operës së Pekinit si dhe për krijimin e degës shkencore të Operës së Pekinit", se ky simpozium ka për qëllim të nxitë më tej studimet për historinë e realitetin, teorinë e praktikën e Operës së Pekinit, të nxitë krijimin e degës shkencore të Operës së Pekinit, në mënyrë që Opera e Pekinit të bëhet një degë e re shkencore në fushën e kërkimeve dramaturgjike dhe operistike të Kinës.

Rektori i Institutit të Operave të Kinës Du Changsheng tha se për të arritur njohjen e përgjithshme të Operës së Pekinit si një degë shkencore dhe si një rezultat i shquar i qarqeve operistike dhe të fushës së shkencës shoqërore e humanitare, duhen edhe përpjekjet e përbashkëta të specialistëve pëekatës. Instituti i Operave të Kinës duhet të bëjë përpjekje brenda mundësive për pjekurinë e shkencës së Operës së Pekinit.

Duke folur për drejtimin e zhvillimit të Operës së Pekinit , akademiku i Akademisë së Shekncave të Kinës He Zhuoma shprehu mendimin se Opera e Pekinit duhet të aplikojë me guxim thelbin e operave të tjera lokale, të marrë gjerësisht mënyrën e shprehjes së operave të vendeve të ndryshme të botës, duke pasqyruar edhe përrallat e tregimet e bukura të vendeve të ndryshme. Opera e Pekinit duhet të marrë edhe të mirat e dramave, operave, baletit dhe melodramave të vendeve perendimore dhe të krijojnë pjesë te reja operistike të përpunuara në bazë të legjendave të bukura të civilizimit perendimor.

Teoricieni i operave, doktori Zhou Chuanjia është i mendimit se Opera e Pekinit ka nevojë për frymë të re të bashkëkohore dhe për mjeshtra artistikë.

Duke folur për lidhjen e mësimdhenies me studimet shkencore, profesoresha e Institutit të Operave të Kinës, doktoresha Liang Yan tha se Instituti i saj ka filluar qysh disa vjet më parë studimet e Operës së Pekinit. Në këtë institut janë mbledhur një numër teoricienësh, praktikantësh dhe arsimtarësh të Operës së Pekinit, ata kanë arritur rezultate të mira gjatë praktikës shumëvjeçare të mësimdhënies, sic është p.sh vepra "Vëllime mbi operat nga arsimi artistik i Kinës" etj. Qysh nga vitet '90 të shekullit të kaluar, një numër studuesish të moshës së mesme dhe të re kanë arritur rezultate në studimet e historisë, mësimdhenies, shfaqjes, interpretimit të instrumentëve muzikore dhe në projektimin e kostumeve. (zhai)