dëgjoni

Në rubrikën " Kultura kineze " do t'ju njohim me industrinë e filmit multiplikativ që quhet si një"industri diellore" e shekullit të 21-të.

Filmi i parë vizatimor në botë "Princesha e dëborës " u prodhua në vitin l937, kurse në vitin l941, Kina prodhoi filmin e parë vizatimor me metrazh të gjatë në Azi " Princesha me erashkë prej hekuri ". Edhe filmat vizatimore të prodhuar nga kinostudioja e Multifilmave të Shangait "Tri murgj budsitë ", "Sorkadhe me 9 ngjyra" dhe "Trazimi i detit nga Nuoza" etj kanë fituar cmime në Festivalet ndërkombëtare. Edhe broshurat me tregime me vizatime karakteristike kanë ushtruar një ndikim të madh mbi qindra miliona fëmijë kinezë. Këto filma vizatimorë dhe me karton ishin dikur prodhime të dorës, ndërsa tani këto punime të dorës me rendimet të ulët dhe me kosto të madhe janë nxjerrë jashtë përdorimit për shkak të aplikimit të teknologjisë së kompjuterëve. Pas viteve 80 të shekullit të 20-të, veprat multiplikative amerikane, japoneze dhe jugkoreane kanë hyrë në masë në Kinë, kurse veprat e krijuara në këtë drejtim nga Kina janë të pakta.

Në fillim të qershorit u organizua në qytetin turistik të Hanzhout të Kinës Lindore " Festivali i parë ndërkombëtar i filmave multiplikative" që ishte festivali më i madh multiplikativ i organizuar në Kinë. Në këtë festival morën pjesë më se l00 institucione përkatëse të ardhura nga Japonia, Koreja e Jugut, SHBA-ja, Anglia, Gjermania etj, si dhe nga Honkongu dhe Tajvani i Kinës. Vizitorët panë nga ky festival perspektivën e filmit multiplikativ në Kinë.

Krahas daljes në masë të veprave të filmit multiplikativ, " filmi multiplikativ me karakteristika kineze " është bërë tema më e nxehtë të diskutimeve të profesionistëve.
Kryetari i Shoqatës së filmit multiplikativ dhe drejtori i Kinostudios së multifilmave të Shangait Jin Guoping shprehu këtë mendim :" Duhet të mirëkuptojmë karakteristikat kineze që nuk do të thotë që këto filma të jenë patjetër me tregime kineze ose figura kineze, në fakt, kjo do të thotë shkrirje e mendimeve dhe konceptit për vlerën e jetës së njeriut në filmat multiplikativë. Mund të përshkruajmë në këto vepra legjenda e tregime të huaja, por, në to duhet të jetë element përbërës koncepti kinez lidhur me jetën dhe vlerën."

Nga të dhënat statistikore del se në vitin 2004, prodhimi i filmit multiplikativ në Kinë nuk ka arritur as 30 mijë minuta, kurse tregu kishte një kërkesë prej 300 mijë minutash. Në televizione mungonin shumë filma multiplikativë. Edhe në lojrat në internet dhe në celularë ndjehen gjithashtu mungesa e produkteve multiplikative.

Sektorët përkatës të Kinës kanë vënë re perspektivën dhe potencialin e industrisë së filmit multiplikativ. Tani, Ministria e Kultures e Kinës, Drejtoria e Përgjithshme e shtypit dhe e botimeve, Drejtoria e Përgjithshme Shtetërore e Radio-Film-Televizionit e Kinës dhe Ministria e Industrisë së informacionit kanë përpiluar planin për ndërtimin e bazës së industrisë dhe të studimeve shkencore për prodhimin e filmit të multiplikativ.

Këshilltari i parë i institutit të filmit vizatimor Meija të SHBA-së Zhang Xiaoan që ka funksionuar për shumë vjet në qarqet e filmit multiplikativ të Kinës na njohu mirë me gjendjen e industrisë së filmit multiplikativ. Ai tha " Prodhimi i filmit multiplikativ në Kinë tani sapo ka filluar dhe është akoma larg nga ai i vendeve të zhvilluara. Në këtë drejtim duhet të gjejmë dhe të zhvillojmë epërsinë tonë dhe të shndërojmë anët e dobta në anë të mira." Ai është i mendimit se tani, në Kinë, ka një mjedis të mirë për prodhimin e filmit multiplikativ, qeveria i kushton një rëndësi të madhe këtij drejtimi. Por sektorët përkatës duhet të bashkërendojnë koordinojnë veprimet dhe të marrin parasysh kthimin e fondeve investuesve. (zhai)