Të dashur lexues, ju përshëndesim përsëri në programin e sotëm muzikor. Në të, do t'ju flasim për këngëtarin kinez Li Çen dhe albumin e tij "Varkë e vetmuar".

Në qarqet muzikore kineze, Li Çen është një këngëtar i veçantë, sepse i mbetur me të meta fizike nga Poliomiliti qysh nga fëmijëria, ai duhet të mbështetet në paterica kur jep shfaqe në skenë. Ndërsa, edhe më i veçantë është tipi i të kënduarit të tij, i cili pëlqehet shumë nga spektatorët. Në fillim të vitit 2005, Li Çeni nxorri albumin e tretë të vet të titulluar "Varkë e vetmuar". Në këtë program, ju ftojmë të shijoni disa këngë të këtij albumi.

Dëgjoni 

Të dashur lexues, po dëgjoni këngën "Jam një varkë e vetmuar", kënduar nga Li Çeni. Kjo është kënga kryesore e këtij albumi. Në filmin muzikor (MTV) të kësaj kënge, Li Çeni këndonte përballë detit të paskajshëm, duke shtjelluar ndjenjat e brendshme. Bile në duart e tij, patericat janë kthyer dy lopata varke, me të cilat, Li nget varkën në drejtim të kundërt me dallgët e detit për të shkuar drejt të ardhmes së lumtur. Li Çeni tha se në jetën e vërtetë, ai nuk është kaq i vetmuar siç thuhet në këtë këngë, sepse përveç muzikës, ai ka shumë miq dhe dashamirë. Në këngët e kënduara nga ai, nuk do të ndjeni vetmi, as melankoli, por qëndrimin e tij aktiv dhe optimist në jetë.

Li Çeni lindi në provincën ShanShi të Kinës perëndimore. Që nga fëmijëria, ai u sëmur nga Poliomiliti iu desh të ecë duke u mbështetur në paterica. Në vitin 1992, Li Çeni mori pjesë në konkursin e të kënduarit të këngëtarëve me të meta fizike dhe fitoi çmimin e parë. Fill pas kësaj, ai shkoi në Pekin për të ëndrrën e tij në qarqet muzikore të kryeqytetit. Në vitin 1999, ai bëri shumë adhurues me këngën "Para dritares suaj" dhe filloi të njihet nga gjithnjë e më shumë dëgjues.

Dëgjoni 

Të dashur lexues, po dëgjoni tani këngën "Kush mund të të dojë më shumë se unë" të kënduar nga Li Çeni. Kjo është një ndër këngët e albumit të tij të ri "Varkë e vetmuar". Li Çeni ka bërë përgatitje mbi 2 vjeçare për të zgjedhur 10 këngët e këtij albumi nga gati 1000 këngë kandidate.

Edhe në këtë album vazhdon i njëti tip i të kënduarit të Li Çenit dhe në mes melodive të rrjedhshme shprehen qartë ndjenjat e këngëtarit.

Li Çeni është shumë dhënë pas punëve publike. Pasi u bë i njohur, çdo vit, ai do tu kushtojë një pjesë të madhe të të ardhurave të veta kësaj fushe. Ai tha se 0,1 juan të shitjes së çdo kopjeje të albumit të tij do t'i jepet delegacionit të Kinës në Paralimpiadën që do të organizohet në vitin 2008.

Në fund të programit të sotëm, ju ftojmë të dëgjoni këngën "Dashuria nuk do të ikë larg", të kënduar nga Li Çeni. 

Dëgjoni  (Çan Yean)