dëgjoni

Më 1 tetor, Festivali Kullturor i Kinës do të organizohet në kryeqytetin e SHBA-së Uashington. Gjatë muajit të organizimit të këtij festivali, mbi 900 artistë kinezë do të tregojnë veprat kulturore dhe artistike të Kinës.

Festivali Kulturor i Kinës do të organizohet bashkarisht nga Ministria e Kulturës e Kinës dhe Qendra e Artit të Shfaqjes Kenedi të SHBA-së. Ky festival do të jetë një shfaqje e paparë e arteve kineze në SHBA dhe do të jetë gjithashtu një festival madhështor i kulturës kineze në historinë e SHBA-së.

Funksionari i Ministrisë së Kulturës së Kinës zoti Pu Ton tha se në këtë festival, që nga përmbajtja e deri te forma, të gjitha janë të reja, të vecanta dhe të larmishme. Ky festival tregon dhe përfaqeson nivelin më të lartë të kulturave dhe arteve kineze. Ai tha:

Ne kemi përgatitur mbi 30 programe artistike në këtë festival të kulturës kineze . Këto programe përfaqësojnë rezultatet më të reja të artit kinez. Ne jemi të bindur se organizimi i këtij festivali do të thellojë më tej njohjen reciproke midis popullit kinez dhe atij amerikan dhe do të shtojë miqësinë midis dy popujve.

Mësohet se në këtë festival të kulturës kineze do të ketë 43 shfaqje dhe 8 arte shikuese. Këto arte do të shfaqen nga grupet artistike dhe artistët më të njohur.

Përvec këtyre, ministri i Kulturës së Kinës Sun Gjiaxhen do të mbajë një fjalim me titull " Kërkimi dhe endra e kulturës moderne të Kinës".

1 tetori do të jetë edhe Dita e Shpalljes së Republikës Popullore të Kinës. Kryetarja e Zyrës informative të Bashkisë së qytetit të Pekinit zonja Van Hui tha :

Gjatë këtij festivali ne do të organizojmë javën e kulturës së Pekinit me temën " Pekini magjik dhe lojerat olimpike humanitare". Ne do të organizojmë shfaqje, ekspozitë dhe disa leksione për të treguar figurën e Pekinit si një qendër kulturore botërore, kryeqytet të lashtë dhe një qytet modern, në mënyrë që populli amerikan të ndjejë nga afër kulturën tradicionale kineze.

Ajo tha se në një ekspozitë mbi Pekin, do të ekspozohen mbi 80 fotografi, të cilat tregojnë kulturën e lashtë të Pekinit, Historinë dhe pamjen e qytetit të Pekinit. Do të ekspozohen edhe 40 fotografi që tregojnë përparimet më të reja të punës përgatitore të Pekinit për organizimin e Lojerave Olimpike të Pekinit të vitit 2008.

Mësohet se që nga maji i këtij viti, Qendra e Arteve të Kenedisë filloi të bëjë probagandim dhe të bëjë shitjen e biletave. Deri tani janë shitur shumica e biletave. Sipas të dhënave statistikore, afro 400 mijë spektatorë do të marrin pjesë në aktivitete të ndryshme artistike të këtij festivali. Përvec këtyre, mbi 1 milion spektatorë amerikanë do të marrin pjesë në Festivalin e Kulturës së Kinës nëpërmjet televizionit dhe internetit.