Gjatë bisedimeve të zhvilluara më 28 shtator, me ministrin e arsimit të Kinës Zhou Ji, anëtari i Bashkimit Evropian që përgjigjet për punën e arsimit tha se Bashkimi Evropian do të shtojë me përmasa të mëdha investimet në bashkëpunimin arsimor me Kinën, në mënyrë që të tërhiqen më shumë studentë kinezë të vijnë në Evropë për mësime dhe të forcohet bashkëpunimi midis Bashkimit Evropian dhe Kinës në fushat shkencore dhe arsimore.

Gjatë bisedimeve, ata shprehën njëzëri kënaqësi për bashkëpunimin midis Kinës dhe Bashkimit Evropian në fushën arsimore, por ishin të mendimit se duhet të bëhen përpjekje të mëtejshme. Ministri i arsimit i Kinës tha se zhvillimi i marrëdhënieve midis Kinës dhe Bashkimit Evropian duhet të mbetet jo vetëm në fushën ekonomike, por duhet të zgjerohet edhe në fushat arsimore, kulturore, tekniko-shkencore dhe në fusha të tjera, në mënyrë që marrëdhëniet midis Kinës dhe Bashkimit Evropian të zhvillohen në mënyrë të gjithanshme dhe përpjesëtimore. Për këtë, anëtari i Bashkimit Evropian që përgjigjet për punët e arsimit, shprehu pëlqim dhe tha se para vitit 2007, Bashkimi Evropian do të shtojë 20 milionë euro në bashkëpunimin arsimor ndaj Kinës.

Duke iu përgjigjur pyetjeve të gazetarëve, ministri i arsimit i Kinës tha se në të kaluarën, Kina i kushtonte rëndësi bashkëpunimit në fushën arsimore me SHBA-në, Japoninë dhe me vende të tjera. Nga ana e zhvillimit del se në të ardhmen, Kina duhet të forcojë më tej bashkëpunimin me Bashkimin Evropian në këtë fushë, sidomos në shkëmbimet e talenteve të spikatur, në studimin e shkencave, në krijimin e shkencave dhe teknikave etj.

Ky anëtar u tha gazetarëve të Agjencisë Kineze të Lajmeve Hsinhua se midis Bashkimit Evropian dhe Kinës po vendosen marrëdhëniet e partneritetit të zhvillimit të plotë. Në mënyrë që këto marrëdhënie të partneritetit të zhvillohen të shëndosha në fushën arsimore, Bashkimi Evropian vendosi të marrë një sërë masash, si shtimi i investimeve në bashkëpunimin arsimor me Kinën, inkurajimi i universiteteve të vendeve të Bashkimit Evropian dhe i institucioneve studimore për bashkëpunim me Kinën në fushat shkencore dhe arsimore. (Sihai)