Krahas thellimit të mëtejshëm të rregullimeve dhe transformimeve të bazave të vjetra industriale në provincat Heilongjang, Kilin dhe Liaoning të Kinës Verilindore, që quhen shkurtimisht "Dongbei", kanë ndodhur ndryshime të mëdha historike dhe janë arritur suksese të kënaqshme në reformën e ndërmarrjeve shtetërore.

Hu Xiangding, ish-ndihmës-kryetar i provincës Hejlongjiang që dikur përgjigjej posaçërisht për reformën e ndërmarrjeve shtetërore, Song Donglin, udhëheqës i aspirantëve për doktoratë të Universitetit Kilin dhe persona të tjerë kanë shprehur mendimin se po ndodhin ndryshime pozitive në reformën e rundit të ri të ndërmarrjeve shtetërore, që ka filluar pasi shteti nxori në pah planin strategjik të zhvillimit me të gjitha forcat të ekonomisë në Dongbei.

Drejtuesit e Dongbeit udhëheqin sot në reformë me mendime të reja orientuese. Në vitet e kaluara, ata i kushtonin vëmendjen kryesisht reformës së ndërmarrjeve të mesme dhe të vogla shtetërore, kurse tani kapen fort pas reformës së ndërmarrjeve të mëdha të pronës shtetërore.

Ata kanë ndryshuaur përmbajtjen thelbësore të reformës. Më parë, ata krijuan formalisht rendin e kompanive aksionare, por shumica e atyre kompanive kishin qenë me "të vetmin zotërues të aksioneve". Kurse gjatë reformës së rundit të ri të reformës së ndërmarrjeve shtetërore, do të rregullohet rrënjësisht struktura e pronësisë.

Kanë ndryshuar krejtësisht edhe rrugët e reformës. Më parë, ata bënin reformën e rregulloreve të brendshme, me dyer të mbyllur, kurse kësaj here, ata bëjnë reformën e hapur të kërkimit të investimeve të biznesmenëve. Vitin e kaluar, 79 ndërmarrje të pronës shtetërore në procinën Hejlongjang bënë reformë të tillë dhe patën rezultate të mira.

Mënyra e tregtimit të të drejtave të pronësisë është shndërruar nga tregtimi i fshehtë në atë të hapur. Më parë, tregtimi i të drejtave të pronësisë bëhej fshehurazi sepse kjo tregti ishte në duart e një pakice njerëzish. Kurse tani, me krijimin dhe përsosjen e tregut të të drejtave të pronësisë, të drejtat e pronësisë së ndërmarrjeve shtetërore mund të transferohen haptazi, në bazë të parimit të barazisë dhe të drejtësisë. Gjatë viteve të fundit, në provincën Hejlonggjang u bë tregti e të drejtave të pronësisë së 384 objekteve. Çmimi i parashikuar ishte 740 milionë juanë, por u shitën me çmimin prej 890 milionë juanë.

Gjatë reformës, i kushtohet vëmendje mbrojtjes me ligj të interesave dhe të drejtave të ligjshme të palëve të ndryshme. Më parë, për shkak të pamjaftueshmërisë së financave lokale, interesat e punëtorëve nuk siguroheshin plotësisht. Sot, në reformën e ndërmarrjeve shtetërore, zbatohet me këmbëngulje parimi "me njeriun si rrënjë të gjithçkasë". Trajtohen në mënyrë racionale vështirësitë e punëtorëve, që mbetën papunë, dhe plotësohen humbjet e tyre. Janë marrë një sërë masash të tjera, siç janë prova për sigurimin shoqëror të punëtorëve, trajtimi i borxheve të tyre në bankë, zgjidhja e problemeve të shpenzimeve të punëtorëve për mjekim, të kthimit të pagave të punëtorëve që janë zvarritur më parë dhe problemeve të tjera.

Sot, tri provincat e Dongbeit, duke treguar ambicje të madhe, po zgjidhin problemin e shtimit të gjallërisë së zhvillimit ekonomik nëpërmjet reformës në thellësi. Provinca Liaoning tashmë ka nxjerrë në pah planin e saj: do të kryejë brenda 2 vejtëve reformën e të gjitha ndërmarrjeve shtetërore. Provinca Hejlongjang planifikon të mbarojë reformën e ndërmarrjeve shtetërore brenda 3 vjetëve. Kurse provinca Kilin është e gatshme që, brenda këtij viti, të kryejë reformën e 816 ndërmarrjeve shtetërore. Deri në fund të gushtit të këtij viti, provinca Kilin kreu reformën e 625 ndërmarrjeve shtetërore, duke shpenzuar gjithësej 4 miliardë e 500 milionë juanë si kostoja e reformës.

Zoti Hu Xiangding tha se vitin e kaluar, në 79 ndërmarrje të reformuara të provincës Hejlongjang u realizua një rritje prej 89% të fitimeve në krahasim me vitin 2003, kurse të ardhurat nga shitja e mallrave u shtuan 16% në krahasim me vitin 2003. Sipas analizës që bëri ai, tashmë janë arritur rezultate të dukshme në reformën e rundit të ri të ndërmarrjeve shtetërore të Dongbeit dhe është arritur efektiviteti në 4 drejtimet që vijojnë më poshtë:

E para, efektiviteti në reformën e pronësisë. Pas reformës së pronësisë së ndërmarrjeve shtetërore, janë realizuar ruajtja dhe shtimi i vlerës së kapitaleve shtetërore me anë të kujdesit të madh që tregojnë investuesit e pronës joshtetërore për pasurinë e tyre. Kështu që, është zgjeruar hallka e agjetëve të kapitaleve shtetërore.

E dyta, efektiviteti në rigrupimin e ndërmarrjeve. Provinca Hejlongjang bëri rigrupimin e ndërmarrjeve, duke formuar Korporatën e qymyrgurit Longmei, e cila kërkoi hapur investime për nxjerrjen e qymyrgurit, si rezultat, kostoja u pakësua 210 milionë juanë në vit.

E treta, efektiviteti në pakësimin e barrëve. Pas reformës së pronësisë së ndërmarrjeve shtetërore, nuk ka më personel të tepëruar dhe janë hequr kapitalet e pashfrytëzuara.

E katërta, efektiviteti në kërkimin e investimeve të biznesmenëve. Meqë kapitalet shtetërore kanë forcë të madhe tërheqëse, në maj të këtij viti provinca Kilin organizoi një mbledhje të madhe për transferimin e pronësisë së disa ndërmarrjeve shtetërore dhe për kërkimin e investimeve të biznesmenëve, në të cilën pronësia e 60 ndërmarrjeve shtetërore u shit. Sipas kontratave, shuma e përgjithshme e pronësisë së ndërmarrjeve shtetërore të shitura arriti në 3 miliardë e 670 milionë juanë.

(Zheng)