dëgjoni

Në mars të këtij viti, 6 japonezë, italianë, amerikan dhe jugkoreanë erdhën në Universitetin e Tibetit në Lhasa për të mësuar për dy vjet gjuhën eletërsinë tibetiane nga pedagogu Pugjinczhen, tibetolog i ri 38-vjeçar. Ata e kanë të qartë se jo të gjithë studentët e huaj kanë fatin e mirë ta mësojnë tibetologjinë nga pedagogu Pugjinczhen. Shumica e studentëve të huaj mund të mësojnë vetëm në kursin ndërkombëtar të gjuhës tibetiane që organizohet çdo vit nga maji deri në korrik në Universitetin e Tibetit.

Pedagogu Pugjinczhen i lindur në rajonin Shekëche të Tibetit, është një tibetolog i njohur dhe punon tani në fakultetin e gjuhës tibetiane të Universitetit të Tibetit. Para 13 vjetëve ai u diplomua në Universitetin Qendror Kombëtar të Pekinit. Para 7 vjetëve, ai shkoi në Oslo të Norvegjisë për titullin e magjistrit dhe vazhdoi studimet mbi budizmin tibetian.

Në qershor të vitit 2001 ai u kthye nga Norvegjia në Tibet. Që nga ajo kohë, shumë studentë tibetianë dhe studentë nga kombësitë e tjera të Kinës dëshirojnë të mësojnë nga pedagogu Pugjinczhen gjuhën e letërsinë tibetiane.

Studentja finlandeze Katarina Turpeinen, është një nga 21 studentët e huaj që u pranuan këtë vit nga pedagogu Pugjinczhen.

Katarina finlandeze 30-vjeçare, studion tani për të marrë diplomën e doktorit të tibetologjisë në Universitetin Virgjinia të SHBA-së. Para se të shkonte për në SHBA, ajo mësoi për një vit e gjysmë gjuhën tibetiane në Universitetin e Helsinkit. Ajo tha se për t'u bërë një tibetologe e vërtetë, duhet të shkojë patjetër në Tibet, sepse atje ka ambient të mirë dhe të veçantë të gjuhës e letërsisë tibetiane.

" Erdha në Tibet për të ngritur nivelin e gjuhës tibetiane, në mënyrë që të flas lirisht gjuhën tibetiane. Jam shumë e interesuar për kulturën dhe budizmin tibetian. Do të përpiqem të bëhem një tibetologe e vërtetë.

Katarina mëson tani në kursin e lartë të gjuhës tibetiane. Ajo ka bazë të mirë për të lexuar veprat klasike të gjuhës tibetiane, por i mungon aftësia për të folur.

Për sa u përket studentëve të tij, pedagogu Pugjincyhen i kushton rëndësi ngritjes së nivelit të tyre të dëgjimit. Në auditor ai e shpjegon tekstin e mësimdhënies në gjuhën tibetiane dhe kërkon që studentët e tij t'i përgjigjen gjithashtu në gjuhën tibetiane, por jo në anglishte. Ai kërkon gjithashtu që studentët e tij të ndjekin rregullisht edhe programet radio-televizive ose filmat në gjuhën tibetiane, për të ngritur aftësinë e dëgjimit.

Studentja Katarina tha se në kohën e lirë, ajo bisedon me banorët vendës. Ajo tha se niveli i saj i gjuhës tibetiane me gojë është ngritur shumë.

Ashtu si pedagogët e tjerë të universitetit, edhe Pugjinczhen shkon përditë në punë dhe nga e hëna deri në të premten ai jep katër orë leksione në ditë. Për të ngritur shpejt nivelin e gjuhës tibetiane, Pugjinczhen ka përgatitur për studentët e tij të huaj edhe lëndë të tjera mësimore, si ato të historisë dhe të letërsisë tibetiane. Ai zgjodhi " Këngët dhe Biografinë e Milarepas", një roman klasik i gjuhës tibetiane, si tekst mësimor të letërsisë tibetiane.

Ai tha se zgjedhja e këtij romani ka për qëllim ngritjen e aftësisë së leximit të gjuhës tinbetiane dhe shtimin e fjalëve të gjuhës tibetiane.

Studentja Katarina tha se ajo e respekton shumë profesorin Pugjinczhen dhe prej tij ka marrëë jo vetëm njohuri profesionale, por edhe është prekur nga fryma dhe virtytet e tij të larta.

Profesori Pugjinczhen është shumë i dashur, ai na pyet shpesh ku kemi probleme e vështirësi dhe na shpjegon me shumë durim. Unë u habita që këtu ka profesorë kaq të mirë, tha Katarina.

Studenti 42-vjeçar Zoran Lazovic është një nga studentët e huaj të profesorit Pugjinczhen. Ai ka mësuar dhe ka fituar titullin e doktorit të tibetologjisë në Universitetin e Santa Barbaras të shtetit të Kalifornisë. Lazovic ka interesim të veçantë për kulturën dhe budizmin tibetian.

Ai tha: Kur isha 15 vjeç, lexova romanin " këngët e biografia e Milarepas" në gjuhën sllave. Milarepa është një njeri i jashtëzakonshëm. Gjithë jetën e tij ai punoi për të tjerët. Unë u preka shumë nga virtytet e tij të larta.

Zoran Lazovic filloi të mësojë gjuhën tibetiane para 8 vjetësh. Në universitetin e SHBA-së ai ka mësuar vetëm fjalët që përdoren në budizmin tibetian. Prandaj ai e çmon shumë mundësinë e mësimit në Tibet dhe është i vendosur ta shfrytëzojë mjedisin e gjuhës tibetiane tani në Universitetin e Tibetit.

Zoti Skalbzang Dorgje që punon në seksionin e jashtëm të Universitetit të Tibetit, tha se kohët e fundit është shtuar nga viti në vit numri i studentëve të huaj të kursit afatshkurtër ose afatgjatë të gjuhës tibetiane. Vetëm vitin e kaluar kishte mbi 90 studentë të huaj në këto kurse. Shumica e këtyre studentëve kanë ardhur nga SHBA-ja dhe nga Zelanda e Re, nga Afrika e Jugut dhe nga Zvicra. ( zhang )