dëgjoni

Më 26 shtator, u hap në Pekin konferenca 3-të ndërkombëtare e transportit rrugor Azi-Evropë. Tema kryesore e kësaj konference është "transporti rrugor dhe urat Azi-Evropë". Kjo konferencë ka për qëllim të nxitë bashkëpunim dhe shkëmbime midis Azisë dhe Evropës në fushën e transportit rrugor. Në këtë konferencë, funksionari i Ministrisë së Komunikacionit të Kinës tha se Kina do të forcojë më tej bashkëpunimin e transportit rrugor me vendet e Azisë dhe të Evropës për të ngritur nivelin e përgjithshëm ndërkombëtar të komunikacionit dhe transportit.

Kjo konferencë, e organizuar bashkarisht nga Ministria e Komunikacionit e Kinës dhe nga Unioni Ndërkombëtar i Transportit Rrugor, do të zgjatë 2 ditë. Në këtë konferencë marrin pjesë funksionarët e sektorëve të komunikacionit të qeverive të vendeve të ndryshme të Azisë dhe të Evropës dhe përfaqësuesit e OKB-së, të Organizatës Botërore të Tregtisë, të komitetit të Bashkimit Evropian, të Bankës Botërore, të organizmave ndërkombëtarë dhe të institucioneve monetare ndërkombëtare, si dhe përfaqësues të ndërmarrjeve të njohura të transportit në botë, gjithsej mbi 800 veta.

Duke folur për temën kryesore të kësaj konference, drejtori i degës së bashkëpunimit ndërkombëtar pranë Ministrisë së Komunikacionit të Kinës, z. Gjy Chengzhi tha se në këtë konferencë, përfaqësuesit kanë raste të zhvillojnë më tej diskutime për strategjinë e zhvillimit të transportit rrugor, të forcojnë shkëmbimet e përvojave dhe të mësojnë nga njeri-tjetri metodat e suksesshme për zhvillimin e transportit rrugor.

Qysh nga fillimi i reformës dhe i hapjes, qeveria kineze i konsideron me konsekuencë komunikacionin dhe transportin si detyrat kryesore të zhvillimit ekonomik. Sidomos gjatë disa vjetëve të fundit, qeveria kineze ka shpejtuar ndërtimin e infrastrukturës së komunikacionit rrugor.

Duke shpejtuar ndërtimin e infrastrukturës rrugore, qeveria kineze i kushton rëndësi shumë të madhe edhe zhvillimit të bashkëpunimit ndërkombëtar në fushën e komunikacionit dhe të transportit me vende fqinje, ka nxitur e ka marrë pjesë në mënyrë aktive në bashkëpunimin dypalësh dhe shumëpalësh dhe ka zgjeruar pandërprerë hapjen e jashtme në fushën e komunikacionit. Tani, Kina nënshkroi me vende fqinje 10 marrëveshje dypalëshe mbi transportin rrugor dhe ka hapur mbi 140 rrugë automobilistike ndërkombëtare të transportit të mallrave.

Vitet e fundit, krahas rritjes së vazhdueshme të ekonomisë kineze, në transportin e portit u duk një gjendje e tensionit të aftësisë së transportit me Evropën, me Lindjen e Mesme dhe me rajone të tjera. Prandaj duhet të zhvillohet transporti tokësor. Duke folur për këtë gjendje, sekretari i përgjithshëm i Unionit Ndërkombëtar të Transportit Rrugor Martin Marmy tha se krahs zhvillimit të vrullshëm të ekonomisë kineze, në transportin e portit u duk një gjendje tensioni. Për të futur tregtinë e Kinës në tregun botëror, ne do të zhvillojmë më tej bashkëpunimin me sektorë të komunikacionit të vendeve përkatëse për të krijuar bashkarisht urat e transportit rrugor midis Azisë dhe Evropës dhe për të hapur forma të ndryshme të transportit të logjistikës për Kinën.

Gjatë kësaj konference, edhe u mbajt mbledhja e ministrave të komunikacionit të vendeve të Azisë dhe të Evropës. Në këtë mbledhje marrin pjesë ministrat e komunikacionit dhe funksionarët e lartë të 15 vendeve përkatëse të Azisë dhe të Evropës. Pas mbledhjeje, palët e ndryshme përkatëse do të publikojnë " një deklaratë të përbashkët të ministrave". Përmbajtjet e kësaj deklaratës do të prekin mendimet e përbashkëta të ministrave të komunikacionit në ndërtimin e infrastrukturës rrugore, në lidhjen e rrugëve Azi-Evropë, në sigurimin e rrugëve etj.

Sipas njoftimeve, në këtë konferencë do të miraothet "Manifesti i Pekinit i konferencës së 3-të të transportit rrugor Azi-Evropë".

Azia dhe Evropa janë 2 rajone me vitalitetin më të madh ekonomik në botën e sotme. Midis vendeve të ndryshme të Azisë dhe të Evropës zhvillohen me konsekuencë bashkëpunimi dhe shkëmbimet, perspektiva e bashkëpunimit me leverdi reciproke do të jetë shumë e gjerë.

(Sihai)