Dëgjoni 

Të dashur lexues, po dëgjoni melodinë, "Koha e parë e Sonatës së Tastës G të Mozartit", të interpretuar nga Han Guolian. Muzikanti austriak Mozart e kompozoi këtë vepër për t'ia kushtuar mikut të tij të ngushtë dhe interpretuesit të njohur të flautit, Johan Baptist Vendlin. Interpretimi i Han Guolianit shpërfaq plotësisht natyrën e veprave të Mozartit.

Han Guoliani është një nga interpretuesit më të njohur kinezë të flautit. Ai lindi në Pekin dhe u pranua në moshën 14 vjeçare në shkollën e mesme pranë Konservatorit Qendror të Kinës. Pasi hyri në këtë konservator për të vazhduar studimet për flaut, Han Guolian tregoi më tej talentin e tij të shkëlqyer. Kur ishte vetëm në vitin e tretë të konservatorit, ai fitoi çmimin e parë në Konkursin Shtetëror të Kinës për Interpretimin në Flaut. Pasi u diplomua në vitin 1986, Han Guolian u bë profesor në Konservatorin Qendror të Kinës.

Në vitin 1988, Han shkoi në SHBA për të vazhduar studimet për master në interpretimin e flautit. Gjatë studimeve në SHBA, ai jo vetëm arriti rezultate të shkëlqyera, por edhe fitoi disa çmime në konkurse ndërkombëtare për interpretimin në flaut. Tani, ai është interpretuesi kryesor i flautit i Orkestrës Simfonike të Kinës. Tani, le të shijojmë së bashku muzikën "Melodia romantike" të kompozitorit austriak Shuman të interpretuar nga Han Guoliani.

Dëgjoni

Si interpetuesi kryesor i flautit i Orkestrës Simfonike të Kinës, Han Guoliani ka vizituar shumë vende dhe rajone të Amerikës, Evropës, Azisë etj. Gjithashtu, ai ka bashkëpunuar me shumë muzikantë të njohur botërorë si Stern, Menuhin etj.

Dëgjoni 

Të dashur lexues, po dëgjoni melodinë "Elfentanz" të kompozitorit gjerman, Gluk të interpretuar nga Han Guoliani. Kjo është një melodi vallëzimi në operën "Orfeus". Në këtë operë përshkruhet një tregim prekës ku thuhet se me ndihmën e perëndeshës së dashurisë, një muzikant i Greqisë së lashtë shkoi në ferr për të shpëtuar gruan e tij. Melodia e ngadaltë duket sikur po na shtjellon dashurinë midis këtij çifti të trishtuar.

Pasi u kthye nga SHBA-ja, Han Guoliani iu përkushtua me zell mësimdhënies në flaut. Ai ka incizuar disa CD ku ka luajtur me flaut. Në fund të programit të sotëm, ju ftojmë të shijoni një grup melodish të interpretuara nga Han Guolian në këto disqe. Ndiqini!

Dëgjoni (Çan Yean)