dëgjoni

Ditët e fundit, Drejtoria e përgjithshme shtetërore e Kinës publikoi "metodën e grumbullimit të taksave mbi të ardhurat private". Në këtë " metodë" u normalizua dhe dhe u forcua nga ana sistematike dhe me mjete teknike mënyra e administrimit të grumbullimit të taksave mbi të ardhurat private. Specialistët janë të mendimit se dalja e kësaj "metode" do të luajë një rol nxitës për grumbullimin taksave mbi të ardhurat private dhe për rregullimin e shpërndarjes së të ardhurave shoqërore.

Do të dëgjoni tani shënimin me titull : "Kina do të forcojë administrimin e grumbullimit të taksave për të ardhurat private".

Në fillim të viteve '80-të të shekullit të kaluar, Kina publikoi " ligjin e parë për taksat mbi të ardhurat private" dhe filloi grumbullimin e taksave mbi të ardhurat private. Vitet e fundit, krahas shtimit të të ardhurave të banorëve, të ardhurat e shtetit nga taksat mbi të ardhurat private janë shtuar mesatarisht 40% dhe janë bërë nga taksat me rritje më të madhe. Në vitin 2004, të ardhurat e Kinës nga taksat mbi të ardhurave private kanë kaluar në l70 miliardë yuanë, duke zënë 7% të të ardhurave të përgjithshme të taksave.

Për të forcuar administrimin e grumbullimit të taksave mbi të ardhurat private, ditët e fundit, Drejtoria e përgjithshme shtetërore e taksave ka nxjerrë " Metodën e grumbullimit të taksave mbi të ardhurat private ", ku janë bërë shtjellime të hollësishme lidhur krijimin e sistemit të arkivave mbi të ardhurat private, për krijimin e sistemit informativ të taksave mbi të ardhurat private dhe për forcimin e taksimit të personave me të ardhura të shumta.

Profesori i Institutit financiaro-monetare të Universitetit Popullor të Kinës z. Yue Shumin vuri në dukje se hartimi i " metodës për grumbullimin e taksave mbi të ardhurat private " është në favor të grumbullimit të taksave mbi të ardhurat private. Ai tha :"Me anën e forcimit të taksimit të personave me të ardhura të larta, veçanërisht administrimi i taksave mbi ardhurat private e krijimi i sistemit të arkivit mbi të ardhurat private etj, krijon mundësinë e njohjes në mënyrë të gjithanshme të gjendjes së përgjithshme të taksadorëzuesve për të parandaluar mosvjeëjen e taksave që duhen vjelë ".

Zoti Yue tha se theksi i grumbullimit të taksave mbi të ardhurat private do të vihet tek personat me të ardhura të larta, si punonjës të fushave monetare, të sigurimeve, të aksioneve dhe të banesave etj. Edhe investuesit private, yjet e filmave artistikë e televizivë, këngëtarë dhe yjet e sporteve që janë me të ardhura të larta do të futen në sferën e taksimit të të ardhurat private. Institucionet për grumbullimin e këtyre taksave do të administrojnë në mënyrë të veçantë edhe punonjësit me profesion të lirë. Të gjitha këto do të luajnë një rol pozitiv për zvoglimin e distancës midis të ardhurave të anëtarëve të shoqërisë.

Në bazë të kësaj metode, edhe personat me nënshtetësi të huaj që jetojnë në Kinë, duhet të dorëzojnë në Kinë taksat për të ardhurat e tyre. Lidhur me këtë, z. Yue Shumin tha :"Kina do të zbatojë me rigorozitet parimin e trajtimit si tek shtetasit e vet në vjeljen e taksave mbi të ardhurat private. Edhe personat e huaj duhet të taksohen për të ardhurat e tyre në bazë të ligjit ".

Siç mësohet, kjo metodë do të vihet në zbatim më l tetor.