Nga 28 korriku deri më 12 gusht të vitit 1984, u zhvilluan në Los-Anxhelos të SHBA-së Lojërat e 23-ta Olimpike. Qitësi kinez Xu Haifeng fitoi medaljen e parë të artë të këtyre lojërave olimpike me rezultatin e përgjithshëm 566 pikë në finalen e qitjes me pistoletë të zgjedhur vetë për meshkuj. Kjo ishte gjithashtu medalja e parë e artë olimpike e Kinës. Kryetari i atëhershëm i Komitetit Olimpik Ndërkombëtar, Samaranç shkoi posaçërisht për drejtimin e ceremonisë së dhënies së medaljeve. Gjithashtu në këtë finale, fitoi edhe medaljen e bronztë qitësi kinez, Wang Yifu. Për shkak se në pallatin e qitjes ishte bërë gati vetëm një flamur kombëtar i Kinës, organiyatorët u detyruan të gjenin edhe një tjetër flamur kinez, kështu që ceremonia e dekorimit u shty për 40 minuta. Z. Samaranç shpalli zyrtarisht: "Sportisti kinez fitoi medaljen e parë të artë të Lojërave të 23-ta Olimpike. Kjo është një ditë e shenjtë në historinë sportive të Kinës. Wshtë një nder për mua që ia vendos vetë këtë medalje të artë sportistit kinez."

Pas lojërave Olimpike, Xu Haifeng ia dhuroi atdheut këtë medalje të artë, e cila është vendosur në Muzeun Shtetëror të Kinës.

Informacionet për Xu Haifeng

Emri: Xu Haifeng

Seksi: mashkullor

Ditëlindja: 10.8.1957

Vendlindja: provinca Fujian e Kinës

Sporti: Qitja

Eksperienca e sportit

I pëlqente gjuajta e zogjve me hobe kur ishte i vogël. Megjithëse nuk pranoi stërvitjen profesionale e qitjes, ëndërronte qysh nga fëmijëria të bëhej qitës i dalluar. Me përpjekjet e tij, zotëroi teknikën e shkëlqyer të qitjes. U pranua në ekipin e provincës Anhui në vitin 1982 dhe në skuadrën shtetërore të qitjes në vitin 1984.

Kulmi i rezultateve

Në vitin 1984 fitoi medaljen e artë në qintjen me pistoletë së ajrit për meshkuj si individ në Lojërat Olimpike të Los-Anxhelosit

Gjendja aktuale

Pas shërbimeve në skuadrën shtetërore të qitjes më 1994, filloi të punonte si trajneri kryesor i grupit të qitëseve, pranë skuadrës shtetërore të qitjes. Më vonë u ngarkua si zv/trajner i përgjithshëm i skuadrës shtetërore të qitjes. Qysh nga marsi i vitit 2001, punoi si trajner i përgjithshëm i skuadrës shtetërore të qitjes. Qysh nga dhjetori i vitit 2004, u ngarkua me detyrën e zv/drejtorit të Qendrës Shtetërore të Çiklizmit dhe të Skermës dhe drejton kryesisht "pesëgarëshin modern".

Rezultatet si trajner

Në Lojërat Olimpike të vitit 1996 në Atlanta, qitësja kineze Li Duihong, me Xu Haifeng-in si trajner, u shpall kampione.

Në Lojërat Olimpike të vitit 2000 në Athinë, qitësja kineze Tao Luna, me Xu Haifeng-in si trajner, fitoi medaljen e artë. (Wang Lei)