dëgjoni 

Ditët e fundit, krahas futjes në punë të agregatit të 14-të të gjeneratorëve të veprës hidraulike Sanxia mbi lumin Jance, në veprën më të madhe hidraulike të botës që është në ndërtim, gjysma e agregateve të gjeneratorëve ka filluar  prodhimin. Kjo tregoi se ndërtimi i kësaj vepre ka patur rezultate të rëndësishme në këtë fazë.

Në vitin 1993, Kina filloi ndërtimin e veprës hidraulike komplekse Sanxia mbi lumin Jance, që ka funksione të ndryshme për parandalimin e përmbytjeve nga ujërat, për prodhimin e energjisë elektrike, për transportin ujor etj. Kjo vepër ndodhet në qytetin Yicang të provincës Hubei të Kinës qendrore. Vepra elektrike, si një pjesë e rëndësishme përbërëse e kësaj vepre, përbëhet nga dy pjesë, të cilat janë hidrocentrali i bregut të majtë dhe hidrocentrali i bregut të djathtë, ku janë vendosur përkatësisht14 dhe 12 agregate gjeneratorësh, se cili me kapacitet prej 700 mijë kilovatësh.

Me përpjekje 12 vjeçare, në hidrocentralin  e bregut të majtë, 13 agregate kanë filluar  prodhimin dhe një agregat i fundit sapo u vu në punë, më 16 shtator. Kështëu që kapaciteti i përgjithshëm i hidrocentraleve Sanxia arriti në 9 milionë e 800 mijë kilovatë, duke zënë vendin e 3-të në botë.

Në ceremoninë e përurimit të vënies në punë të të gjitha agregateve  të hidrocentralit të bregut të majtë të veprës Sabxia mbi lumin Jance, që u organizua ditët e fundit, nënkryeministri i Kinës, z. Zeng Peiyan tha se ndërtimi i veprës Sanxia ka pasur ndikim shumë të madh në furnizimin me energji elektrike të Kinës. Futja në prodhim e agregatit të fundit të hidrocentralit  të bregut të majtë realizoi një vit para planit objektivin e përurimit të 14 agregateve. Ky ishte edhe një rezultat i rëndësishëm i veprës Sanxia. Deri në dhjetëditëshin e dytë të shtatorit të këtij viti, hidrocentrali Sanxia prodhoi gjithsej mbi 80 miliardë kilovatë energji elektrike, duke zbutur në mënyrë efikase gjendjen e vështirë të furnizimit me energji elektrike të Kinës lindore dhe qendrore.

Përveç prodhimit të energjisë elektrike, vepra Sanxia mbi lumin Jance ka sjellë edhe efektivitet ekonomik në transportin ujor dhe parandalimin e përmbytjeve nga ujërat. Në shtator të vitit të kaluar, në disa zona të provincës Siçan ndodhën përmbytje të mëdha. Sasia e rezervuarit të veprës Sanxia arriti në mbi 2 miliardë metra kub, duke luajtur një rol të madh për parandalimin e këtyre përmbytjeve.

Nënkryeministri i Kinës Zeng Peiyan tha se vepra hidraulike Sanxia mbi lumin Jance  ndodhet në fazën kyçe të ndërtimit. Për të realizuar si duhet objektivin e përurimit të gjithë veprës, duhet të bëjmë si duhet punët në disa drejtime. Së pari, punët për cilësinë dhe sigurimin e veprës duhet të zënë vendin e parë për të garantuar sigurimin e ndërtimit të veprës, prodhimin e hidrocentralit elektrik dhe sigurimin e rezervuarit, Së dyti, duhet të shpejtojmë shpërnguljen e banorëve të zonës së veprës Sanxia dhe parandalimin e fatkeqësive gjeologjike, Së treti, duhet të forcojmë administrimin kompleks për të rritur më shumë efektivitetin ekonomik e shoqëror të veprës Sanxia, njëkohësisht, duhet të zbatojmë si duhet masat e ndryshme për mbrojtjen e mjedisit ekologjik. (Sihai)