dëgjoni 

Në një konferencë shtypi, që u organizua, ditët e fundit, në zyrën informative të Këshillit të Shtetit të Kinës, nënkryetari i Komitetit shtetëror të zhvillimit dhe të reformës të Kinës, z. Zhang Guobao tha se politika e zhvillimit të energjisë kineze është mbështetja në forcat e vendit. Tani, përqindja e vetëfurnizimit me energji e Kinës ka arritur në 94%, vetëm 6% e energjisë është importuar nga jashtë. Njëkohësisht, ai vuri në dukje se zhvillimi ekonomik dhe energjetik i Kinës i ka sjellë botës shumë shanse. Në të ardhmen, Kina do të forcojë bashkëpunimin me vendet e ndryshme të botës në fushën energjetike.

Qysh nga viti 2004, çmimi ndërkombëtar i naftës bruto është ngritur në mënyrë të vazhdueshme, kështu që problemi i energjisë është bërë qendra e vëmendjes së mbarë të komunitetit ndërkombëtar. Për ngritjen e çmimit të naftës, disa personalitete të huaja fajësojnë rritjen e konsumit të naftës bruto të Kinës, të Indisë dhe të vendeve të tjera. Zoti Zhang vuri në dukje se ky mendim nuk  tregon me saktësi gjendjen e tregut ndërkombëtar të energjisë.

Kina është një vend në zhvillim, parimi bazë i zhvillimit të energjisë është mbështetja në forcat e vendit. Përqindja e vetëfurnizimit me energji të Kinës është mbi 20% më e lartë se mesatarja prej 70% e vetëfurnizimit të vendeve të Organizatës për Bashkëpunim dhe Zhvillim Ekonomik.

Ai tha se tani, Kina zë vendin e dytë për konsumin e energjisë dhe për prodhimin e energjisë në botë, ndërsa për sasinë e prodhimit të qymyrgurit ka zënë për shumë vjet me radhë  vendin e parë. Parashikohet se   sasia e prodhimit të naftës bruto këtë vit do të arrijë në 1 trilion e 800 miliardë tonë. Për arsye se vitet e fundit, ekonomia kineze është rritur në mënyrë të vazhdueshme dhe të shpejtë,  kërkesa për energji është shtuar pandërprerë.

Kina ka importuar naftë bruto, dhe ka eksportuar energji. Vitin e kaluar, Kina eksportoi mbi 80 milionë tonë qymyrguri, duke dhënë kontributin për zhvillimin e vendeve të tjera.

Siç mësohet, për të siguruar furnizimin me energji dhe zhvillimin e ekonomisë së vendit, Kina ka hartuar planifikimin e zhvillimit afatmesëm dhe afatgjatë. Zoti Zhang tha se ky planifikim e konsideron ngritjen e përqindjes së shfrytëzimit të energjisë si detyrë  parërose për zgjidhjen e problemit të energjisë. Përveç kësaj, duhet të koordinohet struktura e energjisë dhe të përshpejtohet prodhimi i energjisë bërthamore, i energjisë së ripërdorur dhe i energjisë ujore.

Në të ardhmen, Kina do të nxitë aktivisht zhvillimin e energjisë bërthamore. Institucionet ligjvënëse të Kinës miratuan "ligjin e energjisë së ripërdorur", duke dhënë sigurinë ligjore për energjinë e erës dhe për energji të tjera të ripërdorura. Përveç këtyre, Kina ka burimet më të pasura ujore në botë. Vitaliteti për zhvillimin e energjisë ujore do të jetë shumë i madh.

Zoti Zhang vuri në dukje se duke u mbështetur në forcat e vendit për zgjidhjen e problemit të energjisë, Kina duhet të zgjerojë edhe shkëmbimet dhe bashkëpunimin me vendet e tjera.

Vendet e ndryshme të botës për zgjidhjen e problemit të energjisë janë mbështetur në gjendjen e burimeve të veta. Në të ardhmen, gjatë punës për zhvillimin dhe për sigurimin , Kina do të vazhdojë të ngulë këmbë në politikën e zgjerimit të hapjes dhe dëshiron të forcojë dhe të thellojë dialogun e bashkëpunimin me vendet e ndryshme të botës, me organizma të ndryshëm ndërkombëtarë dhe me shoqëri shumëkombëshe në fushën energjetike.  (Sihai)