dëgjoni

Deng Yuhua është sopranoja e njohur kineze dhe shumë këngë të interpretuar prej saj janë përhapur shumë në Kinë dhe u kanë lanë përshtypje të thella dëgjuesve. Në rubrikën e sotme "Kultura kineze", do t'ju njohim me sopranon e njohur kineze Deng Yuhua.

Kënga që po dëgjoni titullohet "Ndjenja të thella miqësore", interpretuar nga sopranoja Deng Yuhua. Ajo u bë e njohur pikërisht nga kjo këngë. Tani Deng Yuhua 62 vjeçare ka dalë në pension dhe ka ngritur në periferi të Pekinit një shkollë artistike.

Ditët e fundit, korrespondenti i Radios së Jashtme të Kinës e intervistoi këtë artiste veterane në shkollën e saj artistike.

Kur hyri korrespondenti në shkollë, zonja Deng ishte duke u dhënë mësim nxënësve. Pas orës së mësimit, ajo tregoi historinë e saj të të mësuarit këngë. Qysh nga vogëlia, Deng Yuhua kishte një zë të bukur dhe parapëlqente të këndonte dhe të kërcente.

Ajo tha: "Unë e fillova mësimin për interpretimin e këngës qysh në moshën l0 vjeçe dhe ndoqja me interesim të madh programet muzikore të radios. Atëherë, duke dëgjuar këngët e transmetuara nga radio për fëmijët dhe pionierët , i shkrova edhe një letër mësuesit të korit të radios të pionierëve "

Mësuesi i korit të radios e regjistroi atë në provim dhe Deng Yuhua u pranua me rezultate të shkëlqyera në korin e pionierëve të radios së Kinës, duke pranuar edhe një edukim sitematik nga ana muzikore.

Në vitin l959, pasi mbaroi shkollën e mesme, për të lehtësuar barrën ekonomike të familjes, Deng Yuhua kaloi me sukses provimin e Ansamblit të këngëve e valleve të minierës të Kinës dhe u pranua në këtë ansambël, duke u bërë solistja më e re e këtij ansambli.

Pasi hyri në ansambël, Deng Yuhua mësoi me modesti dhe me zell nga mësuesit profesionistë dhe ngriti me shpejtësi nivelin e interpretimit të këngës. Këngët e interpretuara prej tij filluan të priteshin mirë nga masat e dëgjuesve, por kënga " Ndjenjat e thella të miqësisë " e bëri atë të njohur në mbarë vendin.

Kënga " Ndjenjat e thella të miqësisë " është një këngë e zgjedhur në spektaklin madhështor muzikor koreografik " Lindja është e kuqe ". Në vitin l964, me rastin e l5 vjetorit të shpalljes së RP të Kinës, artistët e Kinës krijuan kolektivisht spektaklin madhështor muzikor koreografik "Lindja është e kuqe ". Në këtë spektakël janë mbledhur artistët më të shquar të Kinës dhe shfaqjet e tyre janë bërë vepra klasike në historinë e spektaklit muzikor koreografik. Deng Yuhua mori pjesë me fat në shfaqjen e këtij spektakli dhe duke kujtuar gjendjen e atëhershme, Deng Yuhua tha me emocion: "Jam me fat që mora pjesë në shfaqjen e spektaklit madhështor muzikor koreografik dhe interpretova këngën 'Ndjenjat e thella të miqësisë', në moshën 21 vjeçe. "

Kënga "Ndjenjat e thella të miqësisë" është një këngë me karakteristika të theksuara të kombësisë Yi në Kinën jug-perendimore, ku shprehen ndjenjat e thella të miqësisë midis Ushtrisë së Kuqe dhe banorëve të kombësisë Yi në vitet '30 të shekullit të kaluar. Deng Yuhua e interpretoi me mjeshtri këtë këngë duke përdorur në mënyrë krijuese mënyrën e interpretimit evropian në interpretimin e kësaj kënge dhe arriti një rezultat të shkëlqyer. Tingujt e bukur të kësaj kënge e çuan Deng Yuhua në kulmin e karrierës së saj dhe emri i saj u përhap krahas këngës së saj.

Pastaj, Deng Yuhua interpretoi edhe shumë këngë të parapëlqyer për filmat artistitikë si " Mali i skuqur ", " Rrezet e arta të lules së lakrës së hidhur" etj, këto këngë me karakteristika të theksuara kombëtare janë pëlqyer shumë nga masat popullore.

Në vitin l979, për arsye të një tumori në grykë, Deng Yuhua e ndërpreu pothuajse për l0 vjet interpretimin e këngës në skenë. Por pas përpjekjeve të vazhdueshme, Deng Yuhua u kthye përsëri në skenë pas një largim l0 vjeçar dhe në vitin l989, ajo organizoi në Pekin koncertin e solistes Deng Yuhua. Dhe ky koncert është bërë një kujtim i paharueshëm në jetën e saj artistike. Pastaj, ajo vazhdoi të aktivizohej në skenat e këngëve.

Në vitin l997, për të përgatitur sa më shumë këngëtarë, ajo krijoi shkollën artistike Yuhua të Pekinit.

Ajo tha se dëshira e saj më e madhe është që nxënësit e saj të kenë mundësi të vazhdojnë studimet në shkolla të larta artistike dhe të vazhdojnë rrugën e saj artistike.(zhai)