dëgjoni

Pak kohë më parë, grupi artistik i provincës Jiansu të Kinës lindore ka ftuar artistët e njohur kinezë, japonezë dhe koreanë për të përgatitur së bashku operën Kunqv "Freskuese me lule pjeshke ", në mënyrë që kjo operë të përshtatet me më shumë prirjet e spektatorëve të tanishëm.

Opera Kunqv është një nga operat më të lashta të Kinës dhe ka një histori më se 600 vjet. Numrat e operës Kunqv janë shumë të pasura, me tekste të bukura dhe me shfaqje koreografike, kjo operë është një formë e lartë artistike e përzierë me opera, me valle, me fjalë dhe me akrobaci. Opera Kunqv ka ushtruar një ndikim të madh mbi operat e Pekinit, Chuan, Yue dhe Huanmei. Duke filluar nga shekulli i l9-të, për arsye se opera Kunqv ishte shkëputur shumë nga jeta shoqërore dhe shkonte drejt estetikës së vetme, ajo filloi të shkonte në rënie. Në maj të vitit 2001, UNESKO-ja e përfshiu artin e operës Kunqv në listën e "trashëgimisë kulturore jo materiale të njerëzimit". Gjatë 4 vjetëve të fundit artistët kineze kanë bërë një punë të madhe për trashëgimin dhe mbrojtjen e operës Kunqv dhe kanë arritur një përparim në këtë drejtim.

Në qarqet operistike të Kinës, ruajtja e trashëgimisë apo krijimet e reja kanë qenë gjithmonë fokusi i diskutimeve të specialistëve. Në vendlindjen e operës Kunqv, Jiansu, artistët janë të mendimit se opera Kunqv duhet të ketë krijimet e reja në bazë të trashëgimisë, vetëm, duke vepruar në këtë mënyrë, kjo operë mund të tërheqë spektatorët bashkëkohorë dhe të ketë një zhvillim.

Për këtë, grupi artistik i provincës Jiansu filluan përgatitjet për operën e ripërpunuar "Freskuese me lule pjeshke" duke ftuar artistët kinezë, japonezë dhe jug-koreanë të marrin pjesë në shfaqjen e kësaj opere, në mënyrë që opera e ripërpunuar " Freskuese me lule pjeshke " të parapëlqehet nga spektatorët e sotëm.

Drejtori i përgjithshëm i grupit artistik i provincës Jiansu Gu Xin tha : "Pa parapëlqimin dhe pjesëmarrjen e spektatorëve të sotëm, opera Kunqv nuk do të zhvillohet. Prandaj, ne duhet të tërheqim spektatorët me operën e ripunuar me krijime të reja"

Teatri i operës Kunqv i provincës Jansu është një nga trupat e shquara artistike në vartësinë e grupit artistik të provincës Jansu. Në këtë teatër janë përgatitur një numër talentesh të shquara të operës Kunqv. Opera " Fresekuese me lule pjeshke " ka fituar edhe çmimin në Festivalin Kombëtar të Kinës.

Opera "Freskuese me lule pjeshke" është një vepër përfaqësuese e shekullit të l7-të të Kinës, ku shtjellohet një tragjedi e dashurisë midis dy të rinjve në jug të lumit Jance të Kinës.

Siç mësohet, për t'i dhënë kësaj opere një formë të re më tërheqese, grupi artistgik i provincës Jiansu investoi 6 milionë yuanë, duke ftuar poetin e njohur tajvanez Yu Kuangzhong si këshilltar letrar dhe regjisoren pioniere dramaturgjike Tien Qingxin si regjisore e kësaj opere. Ajo ka ftuar edhe personalitete të njohura nga Koreja e Jugut dhe Japonia për projektimin e kostumeve. Kjo operë e përpunuar në bazë të një grupimi të ri modern është bërë një operë me forma të reja shfaqjeje që përshtatet me prirjet bashkëkohore botërore.

Dhënia e formës së re është bërë kryesisht nga ana e skenografisë dhe figurative.

Tian Qingxin është një regjisore me mendim më pionier në skenën e sotme dramaturgjike kineze.

Shumë drama të drejtuara prej saj janë me përmbajtje të re dhe me motoda të veçanta në shkrirjen e traditës me të sotmes. Ajo tha:"Në ripërpunimin e Operës "Freskuese me lule pjeshke" ne kemi aplikuar të gjitha të mirat e formave artistike të Azisë, në mënyrë që të kemi një përparim të madh nga ana e skenografisë.

Si një nga regjisorët e njohur jugkorean të operistike, Sun Zhence ka studiuar mirë për kombinimin e kulturës tradicionale me kulturën bashkëkohore të Koresë së Jugut. Kësaj here, duke bashkëpunuar me regjisoren kineze, ai shpreson të diskutojë bashkë me të problemin e trashëgimisë dhe krijimtarisë, në mënyrë që të ketë novacione gjatë krijimeve.

Tani, opera Kunqv " Freskuese me lule pjeshke" është në përgatitje e sipër dhe parashikohet të vihet në skenë në dhjetor të këtij viti. (Zhai)