dëgjoni 

Më 14 shtator filloi në Pekin " Forumi i parë ndërkombëtar i ekonomisë biologjike". Në ceremoninë e hapjes, anëtarja e Këshillit të Shtetit të Kinës, zonja Chen Zhili vuri në dukje se qeveria kineze do të shtojë investimet në zhvillimin e shpejtë të biologjisë dhe të ndërmarrjeve biologjike.

Shkenca e jetës dhe teknologjia biologjike janë një nga degët më të gjalla shkencore sot në botë. Sipas të dhënave, nga viti 1992 deri në vitin 2002, numri i dizertacioneve mbi biologjinë dhe mjekësinë, të botuara nga shkencëtarët e vendeve të ndryshme të botës përbëri afro gjysmën e numrit të përgjithshëm të dizertacioneve të shkencave natyrore, të botuara në të njëjtën periudhë, ndërsa numri i patenteve përkatëse përbëri 30% të numrit të përgjithshëm të patenteve të botës. Zhvillimi i vrullshëm i biologjisë ka krijuar metoda të reja për shfrytëzimin dhe transformimin e aktiviteteve të jetës së njerëzimit dhe rrugë të reja për zgjidhjen e problemeve të shëndetësisë, të sigurimit të drithërave, të sigurimit energjetik dhe të sigurimit të mjedisit, probleme këto të dala gjatë zhvillimit social-ekonomik. Sot, shumë vende të botës kanë marrë masa për shpejtimin e zhvillimit të biologjisë.

Pikërisht në këto rrethana qeveria kineze dhe Organizata Botërore e Shëndetësisë organizuan së bashku " Forumin e parë ndërkombëtar të ekonomisë biologjike". Në ceremoninë e hapjes, zonja Chen vuri në dukje se që në vitet 80 të shekullit të kaluar Kina e ka vënë zhvillimin e biologjisë në një pozitë të zhvillimit me përparësi dhe gjatë 5 vjetëve të fundit Kina ka shtuar investimet në studimet dhe shfrytëzimin e biologjisë. Vetëm investimet e qeverisë kineze në këtë drejtim kanë arritur në 12 miliardë juanë, duke i kaluar investimet e përgjithshme të 15 vjetëve të mëparshëm. Vitin e kaluar Kina krijoi " Grupin drejtues për zhvillimin e biologjisë dhe të ndërmarrjeve biologjike".

Zonja Chen tha:

Sot, qeveria kineze e ka vënë zhvillimin e biologjisë në një pozitë më të dukshme. Qeveria kineze ka hartuar direktiva të privilegjuara politike për ngritjen e aftësisë krijuese të ndërmarrjeve biologjike. Njëkohësisht ka shtuar investimet në studimet biologjike dhe ka përmirësuar mjedisin e investimit. Kina ka krijuar edhe baza të industrisë biologjike dhe po përpiqet të bëhet një vend i madh dhe i fuqishëm i industrisë biologjike në botë.

Me përkrahjen aktive të qeverisë është krijuar gradualisht një sistem i ri i biologjisë dhe i ndërmarrjeve biologjike. Tani në Kinë numërohen afro 200 laboratorë të rëndësishëm biologjikë, ku punojnë mbi 30 mijë punonjës shkencorë. Krahas kësaj Kina ka ndërtuar edhe 900 ndërmarrje moderne biologjike, ku punojnë mbi 50 mijë vetë. Kina ka krijuar edhe mbi 20 parqe biologjike në disa qytete të mëdha, si në Pekin, Shangai, Guanxhou, etj.

Zhvillimi i biologjisë dhe i ndërmarrjeve biologjike ka dhënë kontribut për zhvillimin ekonomik, për sigurimin e drithërave, për shëndetin e popullit dhe për përmirësimin e mjedisit, p.sh. përgatitja me sukses dhe aplikimi i hibrideve të orizit kanë sjellë shtimin e madh të drithërave. Biologjia farmaceutike ka luajtur rol të rëndësishëm për ngritjen e nivelit shëndetësor të popullit.

Në fjalimin e tij të mbajtur në këtë forum, ministri kinez i shkencave Shy Kuanhua parashikoi zhvillimin e biologjisë dhe të ndërmarrjeve biologjike të Kinës në 15 vjetët e ardhshëm. Ai tha:

Në 15 vjetët e ardhshëm Kina do të përqëndrojë forcat në studimet biologjike për sigurimin e drithërave, për shëndetin e popullit, për përmirësimin e mjedisit, për sigurimin energjetik dhe për zgjidhjen e problemeve të tjera që kanë të bëjnë me zhvillimin social-ekonomik. ( Zhang )