Para 13 gushtit të vitit 2004, të gjitha mediat botërore dyshonin nëse Athina do t'i organizonte mirë Lojërat Olimpike, por kur të gjithë njerëzit panë ceremoninë madhështore të hapjes, nuk pati më dyshime në aftësinë e Athinës për organizimin e Lojërave Olimpike. Tema kryesore e kësaj ceremonie madhështore ishte ideuar nga grupi anglez "Jack Morton" që është i specializuar në organizimin e ceremonive të mëdha. Më 25 qershor të vitit 2005, kur u organizua në Pekin "Forumi Ndërkombëtar Olimpik i Pekinit", inspektori i hartimit dhe i organizimit të grupit anglez, zoti David Zock ka bërë një projektit për ceremoninë e hapjes së Lojërave Olimpike të Pekinit.

Për të organizuar ceremoninë e hapjes dhe të mbylljes së Lojërave Olimpike të Athinës, "Jack Morton" formoi përfaqësinë e tij në Athinë qysh nga janari i vitit 2003. Formimi i kësaj përfaqësie ishte jo vetëm për punë por edhe për t'u krijuar kushte specialistëve të grupit të ndiejnin nga afër kulturën dhe historinë greke. Kur u formua përfaqësia kishte vetëm 6 anëtarë, ndërsa para fillimit të ceremonisë së hapjes, ky numër shkoi mbi 400, ndër të cilët 30% e punonjësve janë nga 80 vende. Zoti David Zock nënvizon gjithmonë që duhet të formohet një grup pune i përbërë nga njerëz që kanë sfonde të ndryshme kulturore.

Lidhur me ceremoninë e hapjes dhe mbylljes së Lojërave Olimpike të Pekinit, Zoti David Zock u shpreh se për shkak se kultura kineze është e panjohur për vendet e tjera, nëse grupi i huaj "Jack Morton" do të arrijë sukses, ai duhet të bashkëpunojë me specialistë vendorë në organizimin e këtyre ceremonive. Vlen të përmendet se David Zock ka shënuar në kartëvizitën e tij një emër kinez, Su Diwei. Është e dukshme që ai ka filluar të përpiqet të shkrihet me kulturën kineze.

"Patjetër morëm pjesë në aktivitetin e mbledhjes së ideve për organizimin e ceremonive të hapjes dhe mbylljes." tha Zock.

Zock është i mendimit se një ceremoni e suksesshme duhet të ketë 2 faktorë, të cilat janë subjekt tërheqës dhe mënyra moderne e shprehjes me teknika të larta.

Zock tha: "Të themi të vërtetën, ceremonia e hapjes së Lojërave Olimpike na tregon një tregim, prandaj tregimi yt duhet medoemos të jetë tërheqës, i cili duhet të tregojë mirë kulturën dhe historinë e vendit organizator. krahas tregimeve të bukura, duhet të përdoret mirë edhe teknika e lartë për të kombinuar tregime me jetën e përditshme të shikuesve."

Zock u shpreh se ashtu si Greqia, Kina është një vend me histori të lashtë dhe kulturë të pasur. Kjo është në dobi të organizimit të Lojërave Olimpike. Muzika dhe ndërtesat tradicionale kineze janë shumë tërheqëse, prandaj kemi shumë materiale që mund të shfrytëzohen në ceremoninë e hapjes së Lojërave Olimpike të vitit 2008.

Zock është i mendimit se pika më e rëndësishme është të tregohet fizionomia e veçantë e kinezëve. "Mos merr parasysh shumë çfarë kërkon bota, Kina duhet të tregojë vetveten para të gjithë botës" u shpreh Zock "Ceremonia e hapjes dhe e mbylljes është një urë e rëndësishme në shkëmbimet midis Kinës dhe vendeve të tjera, është një kartëvizitë e qytetit."

Siç mësohet, 4 muaj më para, "Jack Morton" ka nisur kontaktet me drejtuesin e njohur kinez, Zhang Yimou për të diskutuar rreth mundësisë së drejtimit të përbashkët të ceremonisë së hapjes së Lojërave Olimpike të Pekinit. (Jiang Lei)