dëgjoni

Të dashur dëgjues, Shenzheni është një qytet i ri i Kinës jugore. Pak kohë më parë, ai festoi 25-vjetorin e bërjes së tij zonë e posaçme ekonomike e Kinës. Gjatë 25 vjetëve, Shenzheni, që ishte qytezë e vogël kufitare, është bërë një qytet modern me përmasa relativisht të mëdha. Në rubrikën "Kina në ndërtim", do t'ju flasim për Shenzhenin.

Shenzheni, si një zonë e posaçme ekonomike e Kinës, ka epërsi të mirë gjeografike. Në vitin 1980, qeveria kineze vendosi të krijonte një zonën të posaçme ekonomike atje, duke zbatuar politika të privilegjuara në shfrytëzimin e tokave, në të ardhurat nga taksat etj, me qëllim që të tërhiqte investimet e biznesmenëve të huaj, të provonte shfrytëzimin e investimeve të huaja për zgjidhjen e problemit të fondeve që mungojnë më shumë gjatë zhvillimit ekonomik dhe të nxiste zhvillimin ekonomik nëpërmjet importimit të teknologjive të përparuara dhe të përvojave të administrimit.

Në një intervistë për gazetarët, bashkëpunëtori shkencor i Akademisë së Shkencave Shoqërore të Kinës Han Meng vuri në dukje se Shenzheni, si një dritare e reformës dhe e hapjes në Kinë, duhej të gjente një rrugë të re të zhvillimit të ekonomisë kineze për t'i dhënë zhvillimit ekonomik përvojat e duhura.

Përsa i përket Kinës, ndikimi më i madh i Shenzhenit është roli shembullor në reformimin e ekonomisë kombëtare nga ekonomi e planifikuar në ekonomi tregu. Shenzheni ka luajtur një rol shembullor edhe në zbatimin e strategjisë për rigjallërimin e ekonomisë së vendit dhe për hapjen me jashtë, sidomos në reformën e ekonomisë së tregut.

Në vitin 1980, Shenzheni pasi u bë zonë e posaçme ekonomike, ai në radhë të parë ka liberalizuar çmimin e mallrave dhe krijoi sistemin e ekonomisë socialiste të tregut etj. Të gjitha këto i kanë dhënë zhvillimit të shpejtë të Shenzhenit një forcë dinamike. Si rezultat, ai është bërë "pararojë" e zhvillimit ekonomik të Kinës.

Gjatë 25 vjetëve të kaluar, Shenzheni nga një qytezë e vogël me një sipërfaqe vetëm 3 kilometrash katrore, që ishte, është bërë një qytet modern me një sipërfaqe prej 600 kilometrash katrore. Vëllimi i prodhimit të përgjithshëm në Shenzhen u shtua 28%, vitin e kaluar, duke arritur në mbi 340 miliardë juanë, ndërsa vëllimi i prodhimit të përgjithshëm për frymë u shtua në 60 mijë juanë nga një mijë juanë, që ishte në vitin 1980.

Zoti Gao Lin, pensionist, ka punuar mbi 20 vjet në Shenzhen dhe është një dëshmitar i zhvillimit të Shenzhenit. Ai i tha gazetarit se "Shenzheni ka qenë një vend i vogël. Tani, ai është bërë një qytet i madh me një popullsi prej 10 milionë vetash. Para 20 vjetëve, kur unë kam ardhur këtu, Shenzheni ishte shumë i vogël, i vetmi-stacion treni dhe ndërtesat e tjera ishin shumë të vjetra. Tani, zonat e qytetit janë zgjeruar shumë herë, duke u ndërtuar sipas planifikimit të modernizimit. Zoti Gao Lin është shumë i kënaqur me jetën e sotme.

Sot, politikat e ndryshme dhe të privilegjuara për nxitjen e zhvillimit të Shenzhenit dhe përvojat e suksesshme të zhvillimit të Shenzhenit po popullarizohen në krahinat e ndryshme të Kinës. Kina ka zbatuar në mbarë vendin ekonominë socialiste të tregut. Ndërmarrjet shtetërore kanë filluar reformën e sistemit të aksionit dhe krijuar ndërmarrje të shumta me investime të huaj, si dhe ndërmarrje private. Sistemi i ri ka krijuar entuziazëm dhe ka nxitur krijimtarinë e njerëzve, ndërsa prodhimi i ndërmarrjeve ka pasuruar mallrat e tregut. Shumë qytetarë bëjnë një jetë të rehatshme.

Ekonomistët kanë vënë në dukje se zhvillimi i ardhshëm i Shenzhenit do të pengohet nga faktorë të shumëllojshëm si tokat e kufizuara, mungesa e energjisë dhe e burimeve ujore etj. Në rrethana të tilla, Shenzheni ka njoftuar se ai si "parcelë eksperimentale" dhe "pararojë", do të zbatojë konceptin e zhvillimit shkencor, të parashtruar nga qeveria qendrore, në mënyrë që Shenzheni të kërkojë një rrugë të re për zhvillimin e vazhdueshëm të ekonomisë kineze.

Nënkryetari i komisionit të administrimit të zonës së shfrytëzimit të industrisë me teknologji të lartë dhe re të Shenzhenit, z. Lin Puo vuri në dukje se zhvillimi i ardhshëm i Shenzhenit duhet të mbështetet te krijimi i vazhdueshëm autonom. Ai do të vazhdojë të hyjë në tregun kinez dhe botëror me teknologji dhe me produkte të reja. Për këtë, thelbi i punës do të jetë krijimi i kushteve të mira të studimit dhe shfrytëzimi i arritjeve të institucioneve të ndryshme. (Sihai)