dëgjoni

Më 11 shtator, u mbyllën në qytetin Xiamen të provincës Fujian të Kinës jug-lindore bisedimet e 9-ta për investimet dhe tregtinë ndërkombëtare të Kinës. Gjatë bisedimeve u zhvilluan konsultime për objektet e investimeve të shumëllojshme dhe aktivitetet e shkëmbimit të informacioneve të investimeve, duke krijuar një platformë të rëndësishme për nxitjen e investimeve shumëpalëshe.

Bisedimet për investimet dhe tregtinë ndërkombëtare të Kinës organizohen një herë në vit dhe janë një takim madhështor për nxitjen e investimeve. Në këto bisedime morën pjesë 350 delegacione dhe grupe të 90 vendeve ose rajoneve të botës.

Kryepërfaqësuesi i Agjencisë Suedeze për Nxitjen e Investimeve në Kinë, z. Edie Chen u tha gazetarëve se bisedimet e mëparshme kanë nxitur lidhjet dhe kontaktet ekonomiko-tregtare midis Kinës dhe Suedisë. Ai u shpreh gjithashtu se bisedimet kanë dhënë një platformë të gjerë për zhvillimin e bashkëpunimit midis ndërmarrjeve të vendeve të ndryshme.

Këtyre bisedimeve këtë herë iu shtua ekspozita e Mitingut Azi-Evropë mbi tregtinë dhe investimet. 25 anëtarët e këtij mitingu i njohën investuesit e vendeve të ndryshme me mjedisin tregtar të vendit të vet dhe me politikën e investimeve.

Gjatë bisedimeve, ndërmarrjet e mbi 20 vendeve të botës publikuan planin e tyre të investimeve. Funksionarët qeveritarë, specialistët dhe personalitetet organizuan 60 forume dhe simpoziume për investime. Në një Forum të investimeve ndërkombëtare, ministri i tregtisë i Kinës Buo Xilai vuri në dukje se gjatë disa vjetëve të ardhshëm, Kina do të jetë edhe një vend i mirë për investuesit.

Së pari, tregu kinez do të jetë stabël të paktën gjatë 10 vjetëve të ardhshëm. Së dyti, në Kinë kanë shumë punonjës dhe punëtorë të dalluar. Së treti, ne kemi infrastrukturë shumë të mirë dhe telekomunikacion të përsosur. Së katërti, ne kemi sistem të përmirësuar ligjor. Gjatë 3 vjetëve pas pranimit në Organizatën Botërore të Tregtisë, Kina ka rishikuar 3 mijë ligje dhe rregullore, duke krijuar sistemin e hapur dhe transparent ligjor të investimeve të biznesmenëve të huaj.

Ai tha, gjithashtu, se në të ardhmen, do të zgjerohet hapja e jashtme në tregtinë e shërbimeve, do të shpejtohet bashkëpunimi në teknologji të lartë dhe të re, Kina do të nxitë biznesmenët e huaj të bëjnë investime në krahinat qendrore, perëndimore dhe veri-lindore të Kinës etj. (Sihai)