Dëgjoni 

Të dashur lexues, kënga që po dëgjoni titullohet "Sen Gji Dë Ma". Kjo është një këngë popullore e kombësisë mongoleze që është përhapur gjerësisht në Rajonin Autonom të Mongolisë së Brendshme të Kinës veriore. Lidhur me lindjen e kësaj kënge, ka një tregim prekës që thotë kështu: Na ishte një herë, një vajzë e bukur mongoleze Sen Gji Dë Ma. Ajo ra në dashuri me një djalosh punëtor. Mirëpo, dashuria e tyre u pengua nga shkaqe të ndryshme dhe më në fund, vajza u detyrua të martohet larg me një pasanik. Për të parë të dashurën, djaloshi shpesh shkonte me kalë te dera e shtëpisë së pasanikut dhe vërtitej para dritares së vajzës. Një ditë, kur të dy u takuan më në fund, pasi kapërcyen vështirësi të shumta, vajza vdiq nga lodhja. Gjatë rrugës së kthimit për në shtëpi, djaloshi i pikëlluar këndoi një këngë të trishtuar dhe e shkroi tekstin e këngës mbi muret e haneve ku qëndroi,pastaj vrau veten për të ndjekur pas të dashurën. Kjo këngë e kompozuar nga djaloshi është kënduar brezi pas brezit deri tani.

Të dashur lexues, sapo dëgjuat këngën popullore të kombësisë mongoleze "Sen Gji Dë Ma" të kënduar në këngëtarja kineze Xhao Gjin. Xhao Gjin u diplomua në Konservatorin e Kinës në degën e operës. Tani, ajo është soprano në Ansamblin e Këngëve dhe të Valleve pranë Drejtorisë Politike të Ushtrisë Çlirimtare të Populllit Kinez. Qysh nga vitet '70 ajo bëri ushtrime të rrepta vokale për këngët popullore kineze, duke hedhur një bazë të shëndoshë për zhvillimin e karrierës së saj të të kënduarit. Tani, ju ftojmë të shijoni një këngë popullore kineze të titulluar "Uji rrjedh në përrua", e cila është e përhapur gjerësisht në provincën Jun Nan të Kinës jugperëndimore.

Dëgjoni

Në këtë këngë popullore tregohet dashuria e zjarrtë midis të rinjve e të rejave dhe përshkruhet një tablo e bukur ku ata takohen në mbrëmje nën rrezet e argjendta të Hënës.

Në vitin 1989, Xhao Gjin fitoi çmimin e parë në Konkursin e parë të të kënduarit të Kinës dhe filloi të tërheqë vëmendjen e njerëzve. Me zë të bukur dhe diapazon të gjerë, ajo mund të këndojë këngë popullore të krahinave dhe të kombësive të ndryshme të Kinës. Në fund të programit të sotëm, ju ftojmë të shijoni këngën "Kënga e katër stinëve" të kënduar nga Xhao Gjin.

Dëgjoni

Kjo është një këngë popullore e përhapur në provincën Çin Hai të Kinës perëndimore, është një këngë tradicionale dashurie. Në këtë këngë, nëpërmjet përshkrimit të luleve të ndryshme të çelura në katër stinë, tregohet dashuria e vajzës për të dashurin e saj. Ndiqeni! (Çan Yean)