Atëherë në ç'teori bazohet ky mjekim, a ka efekt të mirë ai ?

Mjekimi i sëmundjeve dimërore në verë bazohet në teorinë e mjekësisë tradicionale kineze se në trupin e njeriut ka dy energji, energjia Yin dhe energjia Yang, kur këto dy energji janë të parapeshuara, njeriu është në gjendje të mirë shëndetësore. Në verë energjia Yang është shumë e fortë, kurse në dimër është shumë e fortë energjia Yin, disa sëmundje që shfaqen në dimër dhe përmirësohen në verë shkaktohen nga energjia e tepërt Yin. Në kohën e favorshme të verës kur në trupin e njeriut gjendet energjia e fortë Yang, rregullohet me barna ekuilibri midis energjive Yin dhe Yang dhe njeriu do të ketë përsëri gjendje të mirë shëndetësore. Përveç këtyre, në verë bën vapë, njerëzit djersitin më shumë dhe pikat nervore të trupit janë më të ndjeshme. Po të bëhet mjekimi në këtë kohë me barna tradicionale kineze ose me akupunkturë, ka efekt më të mirë. Mjeku Li Guoqin, shef i pavijonit të frymëmarrjes të spitalit të mjekësisë tradicionale kineze Guang Anmen tha:

"Mjekimi i sëmundjeve dimërore në verë mund të ngrejë imunitetin e njeriut. Pas mjekimit të këtyre sëmundjeve në verë, rishfaqja e tyre në dimër mund të pakësohet 80% në përgjithësi."

Mjekimi i sëmundjeve dimërore duhet të bëhet në kohën më të nxehtë të vitit, domethënë në korrik dhe gusht. Gjatë kësaj periudhe duhen bërë 3 herë mjekime dhe kështu vazhdon për 3 vjet si një kurë. Gjatë mjekimit të sëmundjeve dimërore zbatohen metoda të ndryshme sipas gjendjes së sëmundjes, si lyerja me pomadë të përgatitur nga barna tradicionale kineze, akupunktura dhe pirja e barnave. Sigurisht jo të gjitha sëmundjet që shfaqen në dimër mund të mjekohen në verë. Tani për tani mund të mjekohen astma, artriti, morthi, rrufa etj. dhe janë arritur efekte të dukshme dhe të qëndrueshme. Po marrim mjekimin e astmës në verë.

Astma është një sëmundje kronike e bronkeve, kur pacienti pëson ngacmime të jashtme ose ka grip, rrugët e frymëmarrjes preken nga inflamacioni, enjten dhe ngushtohen, dhe si pasojë pacienti mezi merr frymë. Zoti Du Keshen mbi 40 vjeçar që vuan nga astma i tha korrespondentit:

"Dikur, sa herë më zinte gripi, mezi merrja frymë, barku më fryhej, më dukej sikur kisha diçka në grykë, sikur isha në gjendje agonie."

Astma mjekohet në verë me vënien e pomadës së përgatitur me barna tradicionale kineze në 6 pikat nervore në shpinën e pacientit. Pasi vihet pomadë, këto pika skuqen ose enjten te disa pacientë, kurse pacientët e tjerë kanë kruarje, këto janë reagime normale. Çdo herë pomada duhet të qëndrojë 3 deri 10 orë në trup. Gjatë periudhës që i vihet pomadë pacientit, ndalohet ngrënia e produkteve ujore, pijeve të ftohta, ushqimeve djegëse, dhjamit etj.

Z. Du Keshen ka bërë një kurë dhe astma e tij është përmirësuar mjaft. Ai tha:

"Pas përdorimit të kësaj pomade, e ndiej mirë veten. Në të kaluarën kur vrapoja 10, 20 metra, mezi merrja frymë. Tani jam më mirë, bile mund të bëj disa punë të rënda dhe merrem me ushtrime sportive, me një fjalë jam normal."

Një pikë që duhet shpjeguar në mënyrë të veçantë është se pomadat për mjekimin e astmës janë të ndryshme, sepse sipas mjekësisë tradicionale kineze, ka disa lloje astmash, dhe recetat e ndryshme mjekojnë lloje të ndryshme të astmës, elementet e ndryshme të pomadave duhet të përgatiten nga mjekët me përvojë të mjekësisë tradicionale kineze sipas gjendjes konkrete të pacientëve. Mjeku Tu Jinven i spitalit të mjekësisë tradicionale kineze të provincës Hubei tha:

"Pacientët që vuajnë nga astma janë në gjendje të ndryshme shëndetësore, kanë simptoma të ndryshme, shkaqe të ndryshme të sëmundjes dhe organet e tyre të brendshme janë dëmtuar në shkallë të ndryshme, nuk mund të mjekohen me të njëjtën lloj pomade."

Janë arritur efekte të dukshme jo vetëm në mjekimin e astmës, por edhe në mjekimin e artritit, morthit, rrufës etj. Gjatë mjekimit të këtyre sëmundjeve zbatohen metoda të ndryshme nga mjekimi i astmës, por teoria është e njëjtë.

Siç mësohet, shumë specialistë të mjekësisë dhe farmaceutikës tradicionale kineze, duke kombinuar njohuritë e mjekësisë moderne, bëjnë studime dhe kërkime të pandërprera, në mënyrë që të zgjerohen përmasat e mjekimit të sëmundjeve dimërore në verë dhe të shtohet efekti i mjekimit. Jemi të bindur se në një të ardhme jo të largët, kjo metodë e mjekimit tradicional kinez do t'u shërbejë më shumë pacientëve. (Pina)