Për të çuar përpara zhvillimin e industrisë së programeve televizive sportive të Kinës dhe për të kombinuar nivelin e programeve të tilla me nivelin ndërkombëtar, në fund të gushtit, Drejtoria e përgjithshme shtetërore e Radio-film-televizionit e Kinës dhe Grupi i Radio-film-televizionit i Kinës organizuan bashkërisht në Pekin "Forumin ndërkombëtar të Programeve televizive sportive". Prezantuesi i këtij forumi është zoti Ma Guoli, përgjegjës i Kompanisë së transmetimit të programeve televizive të Lojërave Olimpike të Pekinit. Nënkryetari ekzekutiv i Komitetit Organizativ Olimpik të Pekinit, zoti Jiang Xiaoyu mori pjesë në ceremoninë e hapjes, duke mbajtur fjalimin e rastit.

Jiang Xiaoyu tha se ky forum jo vetëm do të hapë një rrugë të re për bashkëpunimin dhe shkëmbimin midis Kinës dhe vendeve të tjera në fushën e programeve televizive sportive, por edhe do të luajë një rol aktiv për zgjerimin e zhvillimin e industrisë së programeve televizive sportive, për nxitjen e zhvillimin e industrisë së mediave televizive të Kinës dhe për shërbimin ndaj Lojërave Olimpike të vitit 2008.

Jiang Xiaoyu u shpreh se tani Kina dhe Pekini po bëjnë me të gjitha forcat përgatitje për të organizuar Lojërat Olimpike të Pekinit me karakteristikat e veta dhe nivel të lartë. Pjesa e rëndësishme përbërëse e punës përgatitore është përdorimi i teknikës së lartë televizive dhe transmetimi me cilësi të lartë i Lojërave Olimpike. Komiteti Organizativ Olimpik i kushton rëndësi të madhe transmetimit të programeve televizive olimpike dhe përdorimit të teknikës së lartë. Tani, është formuar Kompania e transmetimit të programeve televizive të Lojërave Olimpike të Pekinit dhe ajo ka filluar nga puna. Kjo kompani e re do të ofrojë shërbimet përkatëse profesionale në transmetimin e Lojërave Olimpike dhe Lojërave Paralimpike të Pekinit, për të siguruar transmetimin normal të Lojërave Olimpike.

Afësisht mbeten 3 vjet deri në ceremoninë e hapjes së Olimpiadës së Pekinit, Jiang Xiaoyu shpreson që të gjithë punonjësit e industrisë televizive të Kinës do të veprojnë aktivisht, duke shfrytëzuar aftësitë e tyre, për të dhënë kontribut në organizimin e Lojërave Olimpike të Pekinit dhe në zhvillimin e përparimin e të gjithë industrisë televizive.

Përmbajtja e këtij forumi përfshin 4 tema kryesore, të cilat janë "diskutime mbi rregullimin e programeve televizive sportive", "Si të përparojë Kina në tregun botëror të sponsorizimit", "kërkesa e tregut të mediave të reja sportive", "tendenca e zhvillimit të programeve televizive sportive gjatë Lojërave Olimpike të vitit 2008 dhe në të ardhmen". (Jiang Lei)