Sigurisht se ndaj veprimeve të autoriteteve tajvaneze për "pavarësinë e Tajvanit", që janë shkallëzuar në mënyrë të vazhdueshme dhe ndaj komplotit të disa forcave të huaja, që kanë ndërhyrë në ribashkimin e Kinës, qeveria kineze ka deklaruar shumë herë se për mbrojtjen e ribashkimit shtetëror, ajo nuk premton të heqë dorë nga përdorimi i forcave të armatosura. Në fjalimin e mbajtur në mars të këtij viti për zgjidhjen e problemit të Tajvanit, kryetari i shtetit i Kinës Hu Jintao ritheksoi përsëri këtë qëndrim të vendosur. Ai tha se

"mbrojtja e sovranitetit shtetëror dhe e tërësisë territoriale janë interesa thelbësorë të shtetit. Populli një miliard e 300 milionësh kinez nuk do të pranojë kurrë dëmtimin e sovranitetit dhe të tërësisë territoriale të Kinës nga askush." "Në çështjen e parimit të rëndësishëm kundër përçarjes së shtetit, ne nuk ngurrojmë dhe sprapsemi kurrë. Kina është vendi i popullit 1 miliard e 300 milionësh kinez, duke përfshirë 23 milionë bashkatdhetarët tajvanezë. Për çdo problem që prek sovranitetin shtetëror dhe tërësinë territoriale, duhet të vendoset bashkërisht nga populli 1 miliard e 300 milionësh kinez.

Edhe në mars të këtij viti, organi suprem i pushtetit i Kinës publikoi "Ligjin kundër secesionit të shtetit", duke përcaktuar me formë ligjore kursin bazë të qeverisë kineze për zgjidhjen e problemit të Tajvanit dhe vendosmërinë e saj kundër përçarjes së shtetit.

Për paqen dhe stabilitetin e rajonit të ngushticës së Tajvanit dhe për nxitjen e zhvillimit të marrëdhënieve midis dy brigjeve, gjatë gjashtëmujorit të parë të këtij viti, sekretari i përgjithshëm i Komitetit Qendror të Partisë Komuniste të Kinës Hu Jintao i dërgoi një ftesë për vizitë në pjesën kontinentale kryetarit të Partisë Guomidanase të Kinës, partisë opozitare më të madhe të Tajvanit Lian Zhan. Në fund të prillit të këtij viti, liderët më të lartë të dy partive realizuan në Pekin bisedimet e para qysh nga fillimi i gjendjes armiqësore, që zgjati 56 vjet. Të dyja palët arritën unanimitet mendimesh për nxitjen e rifillimit të konsultimeve të barabarta në bazë të parimit të një Kine dhe për probleme të tjera. Pas vizitës së kryetarit të Partisë Gomidanase, kryetari i Partisë Qinmin dhe kryetari i Partisë Xindang, "dy partive opozitare" të tjera të Tajvanit vizituan përkatësisht pjesën kontinentale dhe arritën me kryetarin Hu Jintao unanimitet mendimesh.

Të dashur dëgjues, dëgjuat pjesën e dytë të konkursit të njohurive "Tajvani-ishulli" margaritar i Kinës mbi kursin bazë dhe përpjekjet e qeverisë kineze për zgjidhjen e problemit të Tajvanit.

Ju ftojmë të dëgjoni dy pyetjet:

1. Cili është kursi bazë i qeverisë kineze për zgjidhjen e problemit të Tajvanit?

2. Në mars të këtij viti, organi suprem i pushtetit i Kinës publikoi një ligj të rëndësishëm. Si e ka emrin ky ligj?