Pas ndarjes së dy brigjeve në vitin 1949, u ndërprenë edhe kontaktet ekonomiko-tregtare midis Tajvanit dhe pjesës kontinentale. Në vitin 1979 pala e pjesës kontinentale parashtroi propozimin për lidhjen e drejtpërdrejt; tregtare, postare dhe të transportit midis dy brigjeve të ngushticës së Tajvanit. Pastaj, krahas zbutjes së gjendjes politike, u krijuan mjedisi dhe atmosfera e përshtatshme për rimëkëmbjen dhe zhvillimin e marrëdhënieve ekonomiko-tregtare midis dy brigjeve.

Në vitin 1987, pala tajvaneze filloi t'i lejojë banorët e Tajvanit të shkojnë në pjesën kontinentale për t'u takuar me të afërmit e tyre dhe shumë biznesmenë të Tajvanit shkuan njëri pas tjetrit për vëzhgime mbi tregun e pjesës kontinentale. Në atë kohë, për arsye të ngritjes së kostos së krahut të punës në Tajvan, ndërmarrjet tajvaneze kërkonin me ngut një mjedis zhvillimi që mund të ulte koston e prodhimit. Ndërsa pjesa kontinentale e Kinës gjendej në periudhën e përpjekjeve për zhvillimin ekonomik, por mungonin fondet e zhvillimit. Si rrjedhim pjesa kontinentale me krahë të shumtë pune dhe me treg të madh u bë natyrisht vendi i ri i investimeve të ndërmarrjeve të Tajvanit. Ndër të tjera ndjenjat e veçanta familjare në gjirin e banorëve të të dy brigjeve janë bërë një forcë e madhe dinamike për nxitjen e zhvillimit të shpejtë të bashkëpunimit ekonomiko-tregtar midis dy brigjeve. Duke folur për tregtinë e parë me pjesën kontinentale, biznesmeni i Tajvanit, zoti Lin tha:

"Në vitin 1989 hyra për herë të parë në pjesën kontinentale për tregtinë e çelikut. Tregtia u krye me sukses. Me porosinë e Tajvanit, çeliku u prodhua në pjesën kontinentale dhe u eksportua në SHBA."

Për të nxitur bashkëpunimin ekonomiko-tregtar midis dy brigjeve, pjesa kontinentale ka hartuar " rregulloren për mbrojtjen e investimeve të biznesmenëve të Tajvanit" dhe rregullore të tjera përkatëse. Të frymëzuar nga këto rregullore dhe të tërhequr nga forca dinamike e zhvillimit ekonomik të pjesës kontinentale, gjithnjë e më shumë biznesmenë vijnë për të zhvilluar bashkëpunimin ekonomiko-tregtar të formave të ndryshme me pjesën kontinentale. Shumë biznesmenë kanë shtuar investimet dhe kanë zgjeruar sferat e investimit. Për shembull, biznesmeni i sipërpërmendur Lin, është njëri prej këtyre biznesmenëve. Krahas tregtisë metalurgjike, zoti Lin merret edhe me tregtinë e drithërave.

Vitet e fundit kanë ndodhur ndryshime të mëdha në sferat e investimit dhe në strukturën e investimeve të ndërmarrjeve të Tajvanit në pjesën kontinentale. Më parë, biznesmenët tajvanezë dëshironin më shumë të investonin në provincat Fugjian dhe Guandong të Kinës jugore që gjenden afër Tajvanit dhe kanë epërsi gjeografike. Krahas zhvillimit të shpejtë ekonomik të pjesës kontinentale, shumë ndërmarrje të Tajvanit avancojnë gradualisht në krahinat qendrore dhe perëndimore të pjesës kontinentale, për të shtuar aftësinë e tyre konkurruese në tregun e pjesës kontinentale.

Duke folur për këtë, bashkëpunëtori i vjetër Zhang Kuanhua nga Instituti i Studimit të Tajvanit pranë Akademisë së Shkencave Shoqërore të Kinës, tha :

"Nga mesi i viteve 90 të shekullit të kaluar shumë ndërmarrje mekanike, petrokimike dhe elektronike të Tajvanit filluan të investojnë në pjesën kontinentale, duke zënë vendin e ndërmarrjeve tradicionale dhe duke u bërë forca kryesore të investimeve të Tajvanit në pjesën kontinentale.

Bashkëpunëtori i vjetër Zhang tha se disa ndërmarrje të Tajvanit janë zhvilluar më herët se ato të pjesës kontinentale, por, pjesa kontinentale ka epërsi për tregun dhe lëndët e para. Ky shkëmbim reciprok në strukturën industriale ka sjellë fitime për të dy brigjet.

Duke folur për gjendjen e përgjithshme të bashkëpunimit ekonomiko-tregtar midis dy brigjeve gjatë më shumë se 10 vjetëve të fundit, drejtori i Drejtorisë Ekonomike të Zyrës së Këshillit të Shtetit të Kinës për çështjet e Tajvanit, zoti Hë Shizhon tha: Deri në fund të majit të këtij viti vëllimi i tregtisë indirekte midis dy brigjeve ka arritur në 430 miliardë dollarë amerikanë, ndër to importi i pjesës kontinentale nga Tajvani ka arritur në 360 miliardë dollarë. Tani, pjesa kontinentale është bërë tregu i parë i shitjes së produkteve të Tajvanit dhe burimi kryesor i suficitit tregtar të Tajvanit."