Në nxjerrjen e naftës bruto: stabilizimi me vendosmëri i sasisë në zonat lindore dhe rritja e shpejtë e sasisë në zonat perëndimore

Shtimi i rezervave të naftës bruto është bazë e zhvillimit të industrisë së naftës në Kinë. Në vitet 90 të shekullit të fundit, sektorët e industrisë së naftës të Kinës parashtruan kursin strategjik të "stabilizimit të sasisë në zonat lindore dhe të rritjes së sasisë në zonat perëndimore". Kurse sivjet, në përgjigje të ndryshimit të kërkesave së vendit për energjetikën, ata ndryshuan kursin strategjik në atë të "stabilizimit me vendosmëri të sasisë në zonat lindore dhe të rritjes së shpejtë të sasisë në zonat perëndimore".

Stabilizimi i sasisë së naftës së nxjerrë në zonat lidnore ka shumë rëndësi. Fusha e naftës Daqing, që është fusha më e madhe e naftës në Kinë, ka marrë masa për integrimin e kërkimeve gjjeologjike me nxjerrjen e naftës bruto; ka bërë përpjekje që sasia vjetore e nxjerrjes së naftës bruto në fushat periferike të arrijë në 55 milionë tonë. Fushat e naftës Liaohe, Dagang, Kilin, Huabei dhe Jidong po presin shansin e ri, megjithëse kanë disa vështirësi. Sidomos, fusha e naftës Jidong, duke aplikuar teknikën e re, ka realizuar shtimin e shpejtë të rezervave.

Vitet e fundit, fushat e naftës në zonat perëndimore të Kinës kanë intensifikuar kërkimet gjeologjike, si rezultat, sasia e naftës së nxjerrë u rrit vazhdimisht. Para 3 vjetëve, në fushën e naftës Sinkiang, që ndodhet në ultësirën Zhungal të Sinkiangut, sasia vjetore e nxjarrjes së naftës bruto i kaloi 10 milionë tonët, dhe ajo u bë e para fushë e madhe e naftës me 10 milionë tonë naftë bruto në vit në zonat perëndimore. Fusha e naftës Çangqing, që ndodhet në ultësirën Erdos të Mongolisë së Brendshme, ka rritur disa vjet me radhë sasinë e nxjerrjes së naftës dhe gazit natyror dhe, në vitin 2003, sasia vjetore e nxjerrjes së naftës bruto arriti në 10 milionë tonë. Në fushën e naftës Tarim, që ndodhet në shkretëtirën Takramakan, sasia e vjetore e nxjerrjes së naftës bruto i kaloi 5 milionë tonët. Vitin e kaluar, edhe në fushën e naftës Qinghai, sasia vjetore e nxjerrjes së naftës bruto arriti në 4 milionë tonë.

Në nxjerrjen e gazit natyror: nafta dhe gazi natyror kanë të njëjtën rëndësi

Sipas të dhënave statistikore, në gjashtëmujorin e parë të këtij viti, sasia vjetore e nxjerrjes së gazit natyror në Kinë arriti në 17 miliardë e 200 milionë metra kub, shifër kjo që u rrit 21.6% në krahasim me të njëjtën periudhë të vitit të kaluar. Linja e dytë e gazsjellësit nga provinca Shesi në Pekin u inaugurua 3 muaj para afatit, gjë që siguroi më tej furnizimin e qytetarëve të Pekinit me gaz natyror.

Industria kineze e naftës ka dhënë kontribut të madh për vendin tonë edhe në furnizimin me gaz natyror dhe ky kontribut është i pandarë nga dy emra kumbues: Kara 2 dhe Surig.

Në pusin e kërkimeve gjeologjike Kara numër 2, që ndodhet në qarkun Aksu të rajonit autonom Sinkiang-ujgur, u zbulua rrymë e gazit të rendimentit të lartë, gjë që shënoi zbulimin me sukses të fushës së madhe të gazit natyror Kara 2. Sasia e rezervave dhe rendimenti i nxjerrjes së gazit në këtë fushë janë të pashoq në gjithë Kinën. Me zbulimin e kësaj fushe të gazit natyror, u hodh një bazë e shëndoshë e ndërtimit të një gazsjellës për sjelljen e gazit nga zonat perëndimore në zonat lindore të Kinës dhe lindi një arterie e madhe energjetike, e cila përshkon gjithë Kinën, nga perëndimi deri në lindje. Fusha e gazit natyror Surig, që ndodhet në ultësirën Erdos të rajonit autonom të Mongolisë së Brendshme, ka vendburime të konsiderueshme dhe do të luajnë rol të rëndësishëm për shfrytëzimin e vazhdueshëm të vendburimeve natyrore.

Një gjë e kënaqshme është se edhe në ultësirën Sungar-Liaohe dhe në ultësirën e Siçuanit janë zbuluar vendburime të pasura të gazit natyror. Janë zbuluar tashmë se këto dy ultësira kanë secila një rezervë prej 100 miliardë metra kub gazi natyror.

Rafinimi i naftës dhe industria petrokimike

Me shtimin e sasisë së nxjerrjes së naftës bruto, janë zhvilluaur me ritëm të shpejtë edhe rafinimi i naftës dhe industria petrokimike. Në përgjigje të kërkesave të zhvillimit të ekonomisë kombëtare, në industrinë kineze të rafinimit të naftës u shpejtua rregullimi i strukturës, si rezultat, u rrit kapaciteti i prodhimit. Në gjashtëmujorin e parë të këtij viti, në rrethanat e ngritjes së çmimit të naftës në arenën ndërkombëtare, Korporat Kineze e naftës shtoi sasinë e përpunimit të naftës, si rezultat, sasia e rafinimit të naftës u rrit 10.6% në krahasim me të njëjtën periudhën e vitit të kaluaur dhe sasia e produkteve petrokimike u rrit 10.8%.

Një vepër e madhe e sjelljes së gazit natyror

Më 3 gusht të këtij viti, u inaugurua gazsjellësi 4000 kilometra i gjatë, që fillon në perëndim nga Sinkiangu dhe mbaron në lindje në Shangai. Nëpërmjet këtij gasjellësi, gazi natyror i Sinkiangut do të arrijë në Shangai më 10 tetor të këtij viti. Ky gazsjellës, që përshkon 10 provinca ose rajone autonome, do të sjellë çdo vit 12 miliardë metra kub gaz natyror në krahinat e fushave qendrore, në provincat e Kinës Lindore dhe në zonat e Deltës së lumit Jance. (Zheng)